رسالة شعب
إبتحیّه إو طیب ذکرینه إلیذکرونه
إو فتحنه إگلوبنه إو خافن یضیعونه
***
هله إو مرحبا صحنه و إحنه إلمحیّین
هله إبخطّارنه إمن إبعید متعنّین
و أحس بعض إلضیوف إبحگنه مطلوبین
إبأمان أللّه إلما بدهم یحاچونه
***
علّگنه إلبیارق و إلتفگ هل هل
إبهوسه إستقبلینه إو نحرگ إلحرمل
بیهم مرحمانی إو بیهم إمعدّل
إو بیهم شیب قاصدنه إو یبارونه
***
گعدوا بل مضیف إبتدوا یتحچّون
و أحس بهل إلکرم و إلخیّر إیحمدون
لأجل کف إلجهل بل محکمه إیداعون
أسمعت طروا إلفضل دایم یبینونه
***
بل گعده مشایخ حاضره و إجواد
إبثقافه إمحزّمین إمکرّمین أعداد
یداعون إبستر دایم حرب مافاد
کلنه أخوان بل هدنه إو یمدّونه
***
إسلام إحنه إو نبینه إلمصطفی إلمختار
شیعه إو سنه أصلنه إو ساکنین إلدار
ما یفرق غریب إو عدنه إخونه إلجار
عدنه أنذال لل فتنه یدربونه
***
یدربونه إبعداوه لجل ما یردون
إلطاع إلهم رعیع إو خاتل إو مجنون
لبو ذات إلوفیّه خادم إو ممنون
إلجبل لو صامد إشحدهم یهزّونه
***
گالوا إید بید إنحارب إلإدمان
إبعِلم حق إلفقیر إبرگبت إلشبعان
إو نرفع رأس کلمن بل شعب ینهان
أصل بل معرفه إو لازم یذکرونه
***
إلمثقّف گال یابه إلجهل والینه
إلعلم من إلمصایب وطن یحمینه
بنات أولاد للمدرسه إتداعینه
إلدراسه أجبار و إلطالب یودّونه
***
إعترض سیّد طلب للمحکمه إثبات
بعض من إلعشایر تطلب إلعتبات
من إلیوم طایح کل فصل نچبات
إلتخلّق و إبضمیر إلحق یداعونه
***
صعد صوت إلنساء بل گعده ناسینه
یدورن لل عداله إبعلی یرعینه
یخوتی إلما تریده إلروح سچّینه
تشگ بطن إلضحیّه من یجبرونه
***
وگف بل ساحه معلن بایع إو فلّاح
یسلبون إلأرض گوّه إلتهد بسلاح
ما یقبل سند و إبعفرته مرتاح
ما عنده عمام إبسر یناهونه
***
إلحرامیّه أجانب بل شر إیغدرون
جندی لو لفاهم کلهم إیشردون
بس بیهم قلیل إمنجّس إلماعون
إبمجالس و إلعرب واجب یعزلونه
***
إلمعلّم طلب رخصه إتوسّط إلمیدان
إلعشیره إلبیهه دارس بل جمع ینهان
تدرون إلمعلّم یعدل إلإنسان
نسوا تربیته إو دایم یذلّونه
***
گال إلشیخ مو حق نهدم إلبنیان
معلّم و إسمه راغی للشعب بستان
منذور إلوطنّه إیساعد إلخسران
مو زینه إلیود و إنتم تهلکونه
***
طفر شاعر إو قرّد بل قصیده ألوان
یون إو ینتحب و إیطالب إو زعلان
بنینه إلبیت إلکم ما نرید أحزان
رمی ممنوع بل عید إو یذکرونه
***
گال إلشیح حقکم و إحنه وفّایه
إجتمعوا یا جماعه إو نعقد إلرایه
علی إحدوده وطنّه إندگهه إلثایه
إو عدنه أحباب بل عالم یمدّونه
***
صاح إبن إلفقیر إلدّیره محکومه
إهوای أحباب عدنه إلیوم مظلومه
کثیره إشیوخ عدنه إتصیح ملزومه
بس بل ضیج ماهو إبّیته یلگونه
***
گال إلشیخ کلنه عرب کلنه أحباب
خوّان إو گرایب ماکو بینه أجناب
فرد مسئول یکفینه إو نسد إلباب
إبکلامه إو شوره و إلوادم یطیعونه
***
إستعد دکتور لل گعده إو فته بیهه
إلنظافه ناسنه ما أظن تراعیهه
یلهم بس حبوب إلعلّه ناسیهه
یموت إبسکته و إبلیله یدفنونه
***
إلمهندس گال نعمل بل وطن خوّان
ما یفرق دیانه إو نشتغل بإیمان
نبنیه هل وطن برجاله و إلنسوان
مو کلمن فقیر إبسر یطردونه
***
صعد یم إلمنصّه إلجامعی و إستاد
یهلنه إعلی إلدراسه درّبوا إلأحفاد
بیت إبلا علم حد للظلم ملباد
میفید إلصیانه إو لو یکربونه
***
حل وکت إلحساب إتعالج إلکلفات
قضّات إتجمّعوا صوّبوا تقریرات
علی شأن إلمشاکل علّقوا ما فات
نظر کل معترض بل حق یحلّونه
***
گام إلشیخ مسرع و أقلع إلصایه
إشما صوّب جمعکم رایی من رایه
وثقولی و إکتبوا دگّوا إلثایه
مندوب إلشعب عالم یعرفونه
***
لل إدمان رفضوا کل تفاصیله
إلإبوا مسئول لازم یحرص إلعیله
یباشر یتبع إلمدمن إبتحلیله
من کل شی إلمضر لازم یترکونه
***
لل حرمنه حطّوا رایة إلعبّاس
إلسارق بیه أذیّه إو لل مظالم رأس
و إبو إلتیّه خلفته بیده یهدم ساس
إمدهور بل عرک کلکم تشوفونه
***
إتبعوا إلعلم زحفاً حتّی لو بل صین
و إقروا بل صحف لمّا تمل إلعین
إلعلم نور إو ثقافه یهدی إلصلفین
عدوکم بل سیاسه إبعز تجلبونه
***
شحچی إعلی إلأرض و إلأرض ولّاده
إلفلّاح إلحرثهه إو شلّع إفّاده
واگف بل شمس و إلمطر بأولاده
سیّد محترم و إبعز تجازونه
***
إلمهندس یبنی بنیانه إبفخر شاله
من زود إلدراسه إمعیّش إعیاله
نکرمه إبکل ولیمه إو نسئل أحواله
علی کل إلعرب بإلعز یدارونه
***
إلمعلّم نبی یدعی إلتایه إو ندمان
أمین إلمدرسه و إیرتّب إلرضعان
شغله إبمخّه یهرس بإلصف إو تعبان
إبکل جیمة حرب قاید تسمّونه
***
إلمره هیّه إلوطن شیخه و أسمّیهه
تولد أبطال صلفه إو نفتخر بیهه
أمینه إمعدّله إو تضوی إبمعانیهه
إبزواج إلجبر و أرجوکم تحذفونه
***
إلمره إنسانه هم عدهه نظر و إحساس
إبکل ضیجه إو صعوبه إلنه رفعت راس
إبرضایتهه إو تطیعک بل فرح لاباس
أصل ثابت إبکل گعده تعدّونه
***
و إلیمشی بطل ما هو بشر محسوب
إلغار إحقوق غیره للشعب مطلوب
عمامه توگف إتوفّی إبذهب مسلوب
إترکوه وحده بل شر لا تعینونه
***
إلطبیب إلیشفی علّه لازم إنعلّیه
إعگال إلراس بل صعبات نکشخ بیه
راوی کل علوم إلبدن و إنواسیه
أمانه إلنّاس عده إلدمعه بعیونه
***
یخوتی کافی ذل ملّینه تعبینه
و إبسد إلمشاکل من یداوینه
إسود إو أهل موطن من یبرّینه
جرح إلعدنه بس إنتم تداوّنه
إبتحیّه إو طیب ذکرینه إلیذکرونه
إو فتحنه إگلوبنه إو خافن یضیعونه
***
جاسم ثعلبی ألحسّانی 26/01/1402
:: برچسب‌ها:
#رسالة شعب ,
:: بازدید از این مطلب : 666
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
