سفیر الحب

دارمیات افراح و ارباح

اهلا و سهلا بیک یالقدرتـــــــــــــــنه

عید او عرس و اشواق مجتمعه عدنه

***

مبروک الف مبروک یا موسی مبروک

یوم الزواج او عید بین الیحبوک

***

اهلا و سهلا بیک جیت ابفرحنه

نشکرها منک دوم یالقدرتنه

***

لبسینا ثوب العید و الهم نزعناه

عرسک یبو سجاد چنه انتمناه

***

مفترهه روحی الیوم مشتاقه الفراح

گلبی ابسرور او خیر ما هود او صاح

***

بالک تحشم الغیض و الشامت احذاک

خلینه نفرح یوم گول الله ویاک

***

بالک تمر عالباب یالعذبتنی

شارد و افکر بیک سمچه او صدتنی

***

ملینه من القیل و امن الشماته

ما نفتک امن الناس کلمن او ذاته

***

هیعونک اصغیرون ما تعرف الموت

بلعانی دهری الیوم سمچه ابطن حوت

***

ریت الحبیب الیوم یتعنه اشوفه

عطشان افکر بیه ما ضنتی اعوفه

***

مر وانشد الدلال حبّک ولا تاب

ما شفت لما جیت فتحالک الباب

***

ما اریدک او لا ارید حچیک یطماع

تحلف لی بالعباس و اتبدل ابساع

***

اتعذبت و اتمنیت موتک گرب لیک

جاهل تطشر اسرار ما ودی اماشیک

***

للصبر عندی احدود لهمیته ما فاد

صبرته بالصعبات خاویته ما عاد

***

بالک تعذب الروح بالک تذلهه

للبیه وفه و الذات ینگص فضلهه

***

یا ربی وین انروح گصّر عمرنه

بوگ او ظلم و الخوف طشّر نزلنه

***

حر او فقر والموت مفتر علینه

امیّه ترعی اصخول اتچتف بدینه

***

لا تعتب اعلی الروح زعلانه منکم

متمرضه خمس اسنین ما هل جفنکم

***

ما اود اشوفک یوم تفتر بالعجود

حافی او تشتم الناس اشمالک یمگرود

***

جاسم ثعلبی (الحسانی) 18/05/1394

09/08/2015

غزل خلیهه دفن

مدری اشتاگ الک مدری التهی ابفرگاک

ولک کل یوم شاهرنی ابدمع عینی

مثل غیم ابهوی متغییر ابملگاک

امر و انشد علیک او ما تحاچینی

گللی اشغیرک و اشبدلک ویای

کل یوم ابفرد جمره تچوینی

حرگت الگلب کله او رشرشیته ارماد

بگیت الطم وادگ من جرحی ما ذینی

او صحت الله و اکبر بسک انضریت

بعد ما ضل دمع یجری او یسلینی

علیمن هاجمتنی او ترمی نار ابطوب

حرگت البیت کله ابلهثه خاطینی

تچردس بالمصایب بسمه للشمات

خیال العصر صایر لی او تبارینی

تگول اهواک اودک مو غریب الحاب

عمیت ابدرب عسرک بس تدلینی

احب خوتنه تبرد مو عشگ مو خوف

صدیق اویاک اضلّن لا تجافینی

خلیهه دفن عشرتنه صوح ابلوح

ابقهر قوری اعلی نارک لا تبدینی

انکسر گلبی او طحت مرود علی الخدین

او تلف روضک سماری من یعازینی

هاک ارموشی حسهن من رفیف الغیض

یصب دم ابرضاهم من یحنینی

غشمرنه الدهر حاضرنه وکت الضیج

یدگ اسهامه نبتت حسره بسنینی

یا وسفه العمر خلص وفر بالگیض

تسودن گلبی بفراگ الیغنیلی

جاسم ثعلبی (الحسانی) 18/05/1394

09/08/2015

ابوذیات توصیف الحبیب

عمانی الدهر من فرگاک یلفاک

او علی ظهری انختم طرواک یلفاک

الگلب ما هاد من سلواک یلفاک

السفینه انملت باشعاری الخفیه

***

مریض او عانقاک اهواک ولهاک

او دعیت الرب یدبر ادواک و لهاک

ترید الگلب چی حباک ولهاک

اشلعه او خل صحاتی اترد الیه

***

کتلنی زلفک الحلاک و اغناک

جمالک و السدر و اشفاک و اغناک

ما اریدن حلال او یاک و اغناک

اریدن بس احس خدک بدیه

***

جاسم ثعلبی (الحسانی) 19/05/1394

10/08/2015

غزل السکوت امن الذهب

لا تندس غفل لا تشعل النیران

التهده ما عثر روح اسئل احبابک

بگلوب التودهم و احرص البستان

یجی یوم ایتفلش صبر غیابک

هود لا توز و اتحطم الحزنان

الف لعنه التجیک اتدمر الجابک

عرّب کل کلامک و انصح الشبان

لا تفرق غریب امن الدخل بابک

لتعاند عمامک بالسلف تنهان

تچایه ابعذابک عندک انسابک

باوع و الدهرو العزه الک نیشان

بوجود الاهل ما ینمس اترابک

لو دگ التفگ تتخالف الضرعان

او من دون العضید الزمن ما هابک

تدثر بالمحبه او باشر المیدان

لا ترفس زعل و اتمشی دولابک

الجسد یبلی ابغرامه او ینطر الدفان

ابلحد دار النهایه او ینشلع نابک

صگد بایاته مذکوره الانس والجان

خلیفه اعلی الارض لا تنسی محرابک

یعمّر لو یدمر خلقتک یفلان

العمل محمود بالجنه الذی جابک

عوف العفرته عوف الکبر و الشان

عوف الکفر و اعبد ربک الهابک

الحسد باب الندامه و الچدب خسران

او علی الهاین عمامه ابراحه سد بابک

انصحک علّم السانک یضل حمران

السکوت امن الذهب یتحسن اعرابک

جاسم ثعلبی (الحسانی) 19/05/1394

10/08/2015

احبک

یا من اعطیتنی فکرک و جمالک

یا من اهدیت لی قلبک و حنانک

و یا من سهرتنی باجمل کلامک

یا حب انت منیتی

و رجایی فی شدتی

انت سروری

و مخزن امالی

احبک حب الام لطفلها الرضیع

انت فی ذاکرتی  مغرم و شفیع

و دمرت مشاعری

انت الجلیس فی کرسی وجدانی

لا اری الا خیالک

و لا ینیرنی الا جمالک

یا لیتک تعلم

مکانتک فی قلبی

احجزنی و سهرنی اللیالی

انت الربیع الزاهر

و فیه بهجتی

واقول ثم اقول

کیف اقدر ان انساکی

و کل لحظه و غمره

قلبی و عینی کلهما یفداکی

ما اجمل منتهاکی

و علی باب عزتی

و علی نور طاعتی

و علی عرش قدرتی

من هو الذی دلاکی

بکثرة احزانی ما وصاکی

ورطنی و ورطک بین الدان و الدیانی

غریغة فی بحر املی عافاکی

جاسم ثعلبی (الحسانی) 17/05/1394

08/08/2015

ابوذیات عطر الراهبات

احبک ما نمت لیلی و ظهرای

الگلب و اتباعه طاعن لک و ظهرای

اریدک خل الی و احزام ظهرای

او تطفی نار گلبی ابسرعه الیه

***

نبت بضلوعی شاهد حبک انته

جمیل  ابنخله تزهی حبک انته

فرد بوسه اعلی خدک حبک انته

لطیف الخد یحط اسلال بیه

***

یخل حبک حرگ گلبی یمر بیه

ابشتاء او موگد دفو طافش یمر بیه

حگه ابکل نظر قاهر یمر بیه

ابهواه لو ما یریده ایرجعه الیه

***

امسافر گلبی طال السفر ون طر

السدر ما ما نعاه انفجر ون طر

الیوده ما روا ابیا کتر ون طر

حرامیته اعلی یوم اتعم علیه

***

جاسم ثعلبی (الحسانی) 17/05/1394

08/08/2015

راح اسولف

راح اسولف هم علیه او هم علیک

اخاف من گلبک یحن لی وابتلیک

راح اسولف لا تشمر لی بدیک

انه ما اگولن اتبعک و اعتنیک

لا تعاند

الله شاهد

من نبض حچیک قبلتک و اشتهیک

هسه هسه

انطینی عنوانک و اجیک

اترید اگلک

شنهی لابس

گول والله

بس علیک الله او رسوله

لا تکذب

اسود ازرگ

لایج الثوب العلیک

اترید ازیدک علم منی

اسمع اسمع

الحنه متونسه بدیک

اترید اکمل

خاف تخسر

لا تبختر

لا تکتر

فک گفل صندوگ گلبک

تلگه بصمه

من وصیتی

ابیع کل مالی او حلالی واشتریک

جاسم ثعلبی (الحسانی) 17/05/1394

08/08/2015

غزل خذت گلبی

اعلم الگلب لا تحرگ تشب نار

ما یقبل نظر منّی ولا تاب

اشمگله جوز غندب للینصحون

او شلعته امن العرج گطفیته بالباب

شفت گلبی انجرح و ایحشم ادخیل

ترکته ابظیمه نایم یلحس اتراب

عساه ابموت الاسود ضرنی بالنوح

یمرنی اعلی الیریده او دمعه سچاب

یعذبنی ابمراره او یخنس ابدار

او یذب ضیم الیودهم بیه باسباب

سهیت ابوجعی اعالج سدری مفتوح

او جرف شریانی ساح ابدمی مرزاب

خذت گلبی التریده او لطشته ابطین

او شاهرته  ابغدر کرهته من عاب

تگلی هاک گلبک لا تمن بیه

نصف کیلو لحم لا در ولا راب

جاسم ثعلبی (الحسانی) 16/05/1394

07/08/2015

غزل اوساده موت

یگلبی لا تون بالک تهم باعداک

هذوله اجناب ما یردون دشتنه

شفت کل شی البذلته اندفن حدرالگاع

اگلک جوز میحبون طبتنه

یگلبی لا تواسی العدهم امواسین

بسک توب میربطون شدتنه

اضرب لک مثل والمثل للعگال

الغریب او ذیب باسم الخوه حافتنه

اشتگول او کرر احچایاتک الطیبات

تگول افلان یابه افلان من عدنه

هذاک الدگ گهوته او عزب الخطار

هذاک ابکل کلافه ابوفه ایساعدنه

هذاک ابن العشیره اوصوت الیبشرون

هذاک الراکب اکحیله او ابحرب مدنه

اعرفه او خوش اعرفه او بیده درگه او سیف

لازم رمحه بیده او واجف ابحدنه

تعرفه لو اعرفه او تعترف ویای

هذاک البالکلایف دش صریفتنه

تذکر لو اذکرک و افتگ المضموم

هذول اربات عزنه اربات جورتنه

ما ضموا فشگ من دگ تفگنه ابللیل

وگفوا عالمنیه احفاد دیرتنه

یکرمون المضیف او دشت الخطار

ابسواترهم یرن فنجان گهوتنه

عساک ابضیجه لا تنخه الشهم بالذات

یهز الکون بیده ایشد سواعدنه

عساکر جیشت ناس او غذت للثار

موت ابعزکرامه او لا مخدتنه

جاسم ثعلبی (الحسانی) 16/05/1394

07/08/2015

ابوذیات رادعات

اسئلک گلبی شت او هاج ما یاک

بحر انتِ او غرگ باهواک ما یاک

ولک عطشان اجیت ارتوی مایاک

تظم المای واتحشم علیه

***

اندفن گلبی ابلحن گلبک یمهلاک

او حنانک حیل دهورنی یمهلاک

یریت اسکن عمر یمک یمهلاک

او گلبی او گلبک ایعیدن سویه

***

انا بیت القصاید و انت رکنه

نضل احباب و انحن و انت رکنه

اذا گلبک ترکنه وانت رکنه

ابوس الموت لو منک هدیه

***

الوصالک ذبت یشگر حایرانی

او کلامک حیل غثنی حایرانی

یجی یوم او عذابک حایرانی

او مثل ایوب تلگانی ابردیه

***

بعد ما کو رحم بالخلگ و انصاف

الزمن شد الخیانه ارباع و انصاف

تعال ارهم حبیبی اویای و انصاف

او نطوف الغیض نتعاشر سویه

***

مره احلم ابحبی مره اعده

جفل گلبی اعلی وده مره اعده

مره الفکر عندی مره عده

روحین ابگلب صرنه سویه

***

اسئلک لیش گلبک زعل واشراد

سمعته ابیوم جن و انتفض واشراد

جلسته اویه الحنان او طفر واشراد

یدور الضیم و الحسرات الیه

***

اشعجب روحک تغازل بالبستهه

او عذاب الذله منک بالبستهه

ابحلم عینک شفتهه بالبستهه

ابفرد بوسه او طفت ناری السریه

***

غرامک نبت وسط الگلب شفتاک

او علی واجب امرک واعد شفتاک

لون تسمحلی بوسه ابوسط شفتک

او تسکن الگلب بس هالیوم الیه

***

ابتسم لی یالجرحت الگلب ودلک

او علی بیت الحنان ابحذر ودلک

الک بوسه اباشاره انتظر ودلک

اخذها او لا ترد باجیهه الیه

***

اخذ گلبی او حنانی باگه منّی

لان گلبک سبانی باگه منی

بعد شنهی ابحیاتی باگه منی

بگه بس الجلد ساتر علیه

***

اشلون اگدر امر ولفی واسکته

او عطش من دمعی ارویته وسکته

اخاف ایکض مرض مزمن و سکته

اشوفه اشلون لو منعوه علیه

***

هجرت اتبعدت عنی ولملاک

انجرح گلبک فکر زادک ولملاک

الک کل ضخری مخزونی والملاک

علیک ایهون بس ترجع علیه

***

جمالک ما رحمنی خبلانی

ابحب قاتل رمانی خبلانی

حدید اگلیبی یحمل خبلانی

مثل گلبک لحم و اتمن علیه

***

ابغیابک غابت اضنونی ولا حل

الصبر ما کفه لحزانی ولا حل

الماضی ما لحم جرحی ولا حل

ابجفاک الموت ضل یشر علیه

***

الزمان او زودک العالی و ناراک

ابخزرتک تجرح او تقتل و ناراک

حرگت الگلب بعیونک و ناراک

طفیت او ما بغی بس اسمی الیه

***

تراسلنی ابجبل نثرک و جرحاه

ابزلازل هدمت گلبی و جرحاه

من قبلک سطوا عگلی و جر حاه

کل یوم الضماد ایعن علیه

***

الگلب ما ابیعه للمرشی و سلمه

ولا امر بالخطف صیتی و سلمه

انذرک طوف عن دربی وسلمه

اذا ینکسر تلفاک البلیه

***

جاسم ثعلبی (الحسانی) 16/05/1394

07/08/2015

ترانه صدای عاشقی

میرم از شهر تو بیرون ، دلم در بست تنهایی

می دونم واسه من سختِ ، گذرگاههای هر جایی

***

دلم تنگِ از این رویا ، از این آوای گیتارت

به گوشم می خوره امّا ، ختامِ گشت و دیدارت

***

صدای عاشقی بسِ ، دلم بوسیده سر کاری

بمیرم در غم هجرت ، از این حرفای تکراری

***

نگو شوخی نگو برگرد ، نگو در دل پشیمانی

نگو دیوار دل سنگِ ، نگو در عشقی سوزانی

***

تو بودی آتش قهرم ، تو بودی علت دردم

ندیدی وقت تنهایی ، بدونت زندگی کردم

***

هواست باشه من گفتم ، عذابم دادی بیهوده

شکستی قایق وصلم ، تو غرقی در به در زوده

***

بمون در التهاب عشق ، بمون در جنگ خودخواهی

منم رفتم از این فتنه ، خودت بد رنگِ طراحی

***

جاسم ثعلبی (حسّانی) 15/05/1394

06/08/2015

غزل خسته شدم

خسته شدم از قهر تن دلُ عذاب می دهد

تنهایی و دردِ ستم  به غم نقاب می دهد

مسکینم و دربه درم خدا چه سختِ بردگی

مگر نوای ظالمی قلبُ لعاب می دهد

لا لایی و خوش باوری تسکین درد عاشقی

به خاطرات رهگذر سنگِ مذاب می دهد

افسردگی درماندگی امید راه زندگی

صدای پای تشنگی حس سراب می دهد

پیچیده نسخه ی عزا در محرم ناگفته ها

دل بازی و جوروجفا ناگفته خواب می هد

مدیونم از رنگ وفا با یاوران دلربا

معمار خوی مستگان چشم و شتاب می دهد

ترفند ریزش تگرگ در بارش و صید نهنگ

مبارزان سر زبان به نم حباب می دهد

آواره یار بی خطر در محشر دنج سفر

سنگ زدن به هر دری به در خطاب می دهد

آسودگی در زندگی در محور دلدادگی

دلداری و دلپروری به کر ثواب می دهد

جاسم ثعلبی (حسّانی) 15/05/1394

06/08/2015

ابوذیات ساریات

شچیت اهمومی عد دهری شچالی

ابرمح مسموم و ابگلبی شچالی

الندامه اشطوط ، شماتی شچالی

یعزبون الزمان ابخطفه الیه

***

سهر لو ما سحر گلبک و سارا

علی مظمومه طلباته و سارا

اعلی عینی انبنن حسباته و سارا

عسل یروی کلامه او نار الیه

***

شمدحک و المدح مذموم ینسام

اعتقد گلبی ابعذابک یوم ینسام

حبک یا ترف بالروح ینسام

سکرت ابلذته عینک علیه

***

هویتک گلبی ما هاوی قبلکم

ابمای او ملح عشرتکم قبلکم

جعلت انغامی لصورکم قبلکم

الجمال الکم صفه و النوح الیه

***

جاسم ثعلبی (الحسانی) 15/05/1394

06/08/2015

غزل ملینه الغدر

ملینه الغدر یدفن فرح باللیل

او ملینه الاهل منکوسه رایاتهم

تهمونه ابجرم چی عاشگین احرار

سجنونه ابگبر مو هایه عازتهم

مو کافی الظلم مو کافی دفرة خیل

او علی درب الخطا محسوبه شدتهم

الحب عدهم عذاب او غاسی مدرج موت

بس عند الفقر مکشوفه رادتهم

ذاک البیته مفروش ابجماجم ناس

ابحب اهل الغنی مکتمله فرحتهم

ما صحنا ابتلینه او لا قبلنا اسرار

ولاکن هالشکل مرفوضه جیتهم

فقیر او صیتی نازل چی ابی فلاح

او لو ضکنی الدهر مشروعه محنتهم

الذنب حب گلبی ورده او تزهی بالبستان

سدوا مای یروی های غیرتهم

نشف کل سر حیاتی او عانقانی العوز

طلبت امیه اشرب خفت ما عدهم

لهانی الباع صیته او قدمالی الروح

یریت اسکن معاه واشحلوه جورتهم

ما بطل مطرهم ضل یدث ادموع

علی اخدود الحنان ایباری قدرتهم

ولک ذوله انس لو من ملوک الجان

حلوین الطبع خل یخسه الیضدهم

احطهم بالگلب لو بالجفن و العین

هذوله اهل الکرم منعوته ریحتهمم

ما ارید الجنان الواعدونی اسلاف

اریدن جنت الحب جیت ابارکهم

جاسم ثعلبی (الحسانی) 14/05/1394

05/08/2015

غزل احبک والله احبک

من گلّک اعوفک وانت رابی اویای

انت الدمعه بامرک و ابطن عینی

تَسکّر باب گلبی او عندک المفتاح

اشلون انسه الیحبنی و الیبارینی

خضّر شجر طیبک و الحسد مذموم

مو انت الذی ابضیجی التدلینی

جربتک صدگ ما کذبیت اعلیک

حضرت ابکل قدرتک منته ناسینی

احب اتگرب الطیفک و افسّر بیه

لچن طروا السلامه الی تاذینی

حبیبی اشلون اشوفک و الدرب مسدود

اخاف امن المنایه اتدمر اسنینی

احلفک بالرضعته او بالثدی الغذاک

علی بیت الیضمک بالله دلینی

الحد من تخفی ورده او ما تشم الریح

تذبل والله تذبل لا تعادینی

اریدک عین الیه لو عمانی البین

واریدک اول الناس التهنینی

اشکرک یا طبیب اجروحی المنعوت

ابشرک و افتخر و انت التداوینی

غیرک ما اود گلبی تدخله احلام

اشلعه امن العرج عینی التعازینی

ما انسه وگفتک ضمنی شربت مای

دمعی مای زمزم لا تبدینی

رسمتک بالگلب فوگ الرمش کتبیت

احبک والله احبک بینک او بینی

جاسم ثعلبی (الحسانی) 14/05/1394

05/08/2015

غزل متحمل علیه

من شفتک شمس حارگنی بس بالگیض

تچوینی ابجمرتک والله متعافی

او عاشرت الشته خاطر یطفی النار

ولک گلبی انفجر کل هذا مو کافی

خذت یا ما خذت و اعیونک الصلفات

حاگرنی ابجمال او تکتم اشفافی

اذا انت الفجر انه الگمر و انجوم

اذا غاب الگمر گلبک یضل طافی

متحمل علیه او بیدک الرشاش

بعیونک تزر و اتشگگ الحافی

ربیتک طفل ما تعرف الملچوم

کبرت ابذکریاتی و ادری متوافی

شاغلنی ابعذابک یا وکت یا یوم

ما تذکر ربیت ابحضنی الدافی

هسه اترید تنکرنی او تفهم الناس

یا طیب الجنیته الیاجرح شافی

جاسم ثعلبی (الحسانی) 14/05/1394

05/08/2015

هوسات منشور الحیاة

الشمس ما تنکر اصلها او لا شعب ینکر شعب

او لا ضلام الینسه نجمه او لا عرب تنکر عرب

بالگمر مکتوبه هوسه الغابشی او اصله الچعب

مطلوب الحگ بید احفاده

***

یا هوا النسّم علینه او یا دلال المایهاب

فرض مکتوب ابصلاته الدیره تهتم بالشباب

هذا یومک یبن عمی بیهه مرفوض العتاب

و الما ینهض یلبس شیله

***

گوم و الزم سیف الاگشر گوم و اتصده الظلم

چان مکتوب ابحیاتک هذا یومک و ابتسم

البس اثیاب الرجوله اتسلح ابصیت العلم

منکوب الینکر خوانه

***

جاسم ثعلبی (الحسانی) 13/05/1394

04/08/2015

دارمیات سحر الطغات

لا تشرد امشی اویاک احبک واریدک

لو قاصد انت اتعوف موتنی بیدک

***

اشرد و احشم الناس ما ارید اشوفک

کف لا تباری الروح بالزور اعوفک

***

مددنی طبعک لیش و ایدگ علیه

شوف الضرب بالسوط باثنین ادیه

***

عوف الظلم والغیض عوف المصایب

طیع الله طیع الناس طیع الگرایب

***

اشمالک تضر الناس اشمالک تحن دوم

الحب والعشگ مو هیچ ابعد یمیشوم

***

ما اریدک او لا ارید طبعک عمانی

گلبک ختلنی ابللیل او بالحب رمانی

***

یا حب نذر منذور بالگوه ینراد

ما شفت طیر ابللیل بالظلمه ینصاد

***

اشکرهه للطیبین من ساعدونی

اتهد علی بسلاح او منک حمونی

***

یستاهل ابن اشیوخ شد رمحه ویای

طاح الرمح بحشاه ما مسنی بحشای

***

جاسم ثعلبی (الحسانی) 13/05/1394

04/08/2015

غزل شوصفک

شوصفک و الوصف متحیر ابطرواک

ما یدری الوصف کل عمری مجنونک

اگولن ورده انته و الورد ینسام

ذهب صافی جمالک یشع بعیونک

یا مرود کحل یا بسمة الحیران

اضل کل الدهر بس فرچه لسنونک

یا شمس العلی یا بیرق الشجعان

یا هوست حبایب دمعه بجفونک

یا صفنت حنان او یا شفا المجروح

یا نور الکرامه او گلبی ممنونک

اشیل الراس باسمک و البس ارقه اهدوم

اضل ساکر ابحبک و ابد ما اخونک

ترکت الدنیا ما احمل جفاک اسنین

احس بالدنیه بتری او ظلمه من دونک

ما الومک لون تتوسد العبرات

الهموم اتوسدنی او لا یسمعونک

اندبک وکت موتی او رد لی چلمة آه

آه اشلون اشوفک مختطف لونک

ادگ والهم صبر والدم فتگته اشطوط

او فیضت الارض عن لا یدفنونک

الچفن واهل المگابر فدوه لمتونک

جاسم ثعلبی (الحسانی) 13/05/1394

04/08/2015

ابیات حب و ممات

تهمیت الگلب متهنی دونک لیش

ما اعاشر الغربه او لا احبنهم

احبک والله احبک و الگلب نیشان

غیرک ما اود ناس او اعاشرهم

***

ما اشمن هوا غیر الهوا المر بیک

ولا اشرب فرح غیر الیدگ بابک

اقسم لک قسم لو تقبل اشما اگول

ما احبن بشر بس انت و احبابک

***

تابعتک حلم و اتگلب اعلی النار

گللی ابیا بلد خافیلی اسرارک

شو خایف علیمن کاتل العنوان

تخاف انضیف گللی او لابد ابدارک

***

کتلانی الهسیس او گربالی الشیب

مرضنی هواک او انت ناسینی

تگلی اشمالک امدد علی الحسبات

ضیعت الصدگ یا هو الیدلینی

***

لا منک خبر لا تنشد اعلی اهواک

شابگنی او تحّسب انه احب غیرک

لا توفی ابمحبتک لا تعوفه ایموت

احس بالگلب بس دگت مسامیرک

***

ترمی اعلی الگلب بسهامک الکلفات

یا جرم ارتکبته اویاک دلینی

مریض ابشوگک افتر و الوکت چتال

لو اموت اعلی شانک من ینجینی

***

متاخر تجی تسال علی الحباک

میت لو عدل بین لی باسرارک

ولک انه اعلی شانک عانقیت الموت

طردته ابدار ظلمه بس یکف دارک

***

لاجل عینک صنعت المستحیل الیوم

او لاجل گلبک اصوق احلامی ترچیه

هدیه ارسلهه الک علگهه باذنک دوم

او لاجل لا تنسه عاین بیهه یومیه

***

ما اعوفک وحید او بسمه للشمات

اضل اویاک اخیط و افتگ اجروحی

اذا نارک تغثنی ما اگول احاه

اطفیهه ابدمعتی او همتّی او نوحی

***

جاسم ثعلبی (الحسانی) 12/05/1394

03/08/2015

غزل شال البیه وفه

گرب فصل البواچی او گرب فصل النوح

شال البیه وفه و امخدره ادلاله

علی التابوت جسمه و البخت شب نار

شالته السباع او گومه و ارجاله

انجسم نص السماء یشبه البرگة سیف

لان روحه الابیه اتوادع اعیاله

ابحزن باب المضیف ایباشر الدفان

نزع ثوب الفرح و اتوسد ارماله

کریم او چان مرود للکحل بالعین

مرهم للجرح حتی اویه چتاله

یواسی او ما یغاسی او کلهه عنده احباب

یدش بیت الفقیر او یچسی خیاله

حسافه الموت اجاله او رحباله ابزود

ما هاب الحمل دنگله او شاله

اعیون انبهلت ابهجره او دمعها ایسیل

جیرانه او عمامه ابدفنه تبراله

ابچفن واندفن ما ضنتی تمسه الگاع

اعتقد ملک الملوک ابجیته حیاله

لان کل نجمه تشهد ذکریاته ابخیر

او حدر ضی الشمس متراکمه اجماله

مفتی الکل جماعه او حگه بسمة خیر

ما یتعذر الشر لو تعناله

یستاهل نذکره او باسمه نحلف کون

مکانه خالی عدنه او گلبی دگاله

یا سور الوطن یا دانگ اهل العوز

شطت حدر الجمر واعیونی هماله

ولک دلینی ما اشوف الدرب بیه نار

احترگ کل الجسد و اسهوله و اجباله

جاسم ثعلبی (الحسانی) 10/05/1394

01/08/2015

غزل شعاع الشمس

تغافلنی او ترش ابجرحی صم اتراب

اضل انگز مثل طیر الیذبحونه

ما چنک حبیب او عمری عشته اویاک

یا حب ابملح یلبگ یبدلونه

اضل ارگص ترانی و الوجع شب نار

ابطن جرحی وصل جرحه او تشوفونه

امولمین الچفن و الگبر والدفان

نبض دمی وگف مات او یعازونه

اذا دینک سلام او هیچی تظلم ناس

مو هندوسی جسمی او لا تحرگونه

ولک انشد شعاع الشمس وکت الگیض

واگفلک عمد لمن تمرونه

ولک انشد شتاک الجرّس اجویرید

صک امن الوفر و امنگب اعیونه

ولک انشد حریر البسته الشبان

حرمت اللبس چی بالحب یسومونه

ولک انشد الدله اورنت الفنجان

عادیت الاکل واسمچ یذمونه

ولک انشد العید الرحبتله املوک

ولک صایم ابیومه امن الیعیدونه

ولک عینی تغازل تبتسم لو فیض

ارتخت مشتوله روحی ابدمعة اعیونه

اموت اویاه اموتن لو یحن للموت

امدن جسمی تابوت الیشیلونه

ولک ما گصریت او لا غفت لی اعیون

یوم الی اسمعت رادو یزفونه

جعلت امن الهواجس سهم یرمی اشباح

او طلقته اعلی البخور الی یسحرونه

او حچت بوشیه من خیط السماء البالعوز

او غرغشته ابصبری لا یحسدونه

طلع بد ذات ما یقبلنی وکت الشیب

السبب شایب صرت و امهدمه اسنونه

السبب بهمومه شت باچر یدفنونه

من الشاعر الشعبی:

جاسم ثعلبی (الحسانی) 08/5/1394

30/07/2015

ابوذیات صید النهار

خذت گلبی یخاطف شاک ویاک

ضمیرک عذباک ابلاک ویاک

الیضدنی قشمراک اوراک ویاک

یریدک کون بس تزعل علیه

***

اشترکت ابهمک او ضیمک ولفراح

او طحنت الگلب بفراگک ولفراح

احلمت بالطیف شد ضعنه ولفراح

او لگیت ابگعدتی ادموعی سریه

***

نسوا تعبی او سهر لیلی بنایای

او جفونی او هدمت قصری بنایای

سمعت الطارش ایحشم بنایای

یعود الصکر ما یترک خویه

***

یریت الیوم اود الگاک و شفاک

انجرح گلبی ابوصالک حاک وشفاک

یریت ابخدک اجعل ماک و شفاک

واضل مطلوب الک و احسب علیه

***

ولچ روحی الگصه ابحبی ولچ مات

الشفت لوعاته بگلیبی ولچپ مات

گطع حبل الوصل هیدی ولچ مات

ترکنی او شلت تابوته بدیه

***

طبیب الحب او دایه صیدلیه

او یصید اطیور حره صیده الیه

اطلبت منه عذابی صیدلیه

یگلی اعتاد بی تالیتک اتراب

***

کلام المحب وکت الزعل یوجار

هموم اهوای وسط الگلب یوجار

السیاسه ما تفید الگفل لو جار

الزمان الدرسه او ذبه علیه

***

ما خاب العگل من ثگل من شار

الحلیم المنتصر بالصبر من شار

یجر وایهد غضب مندفع من شر

السلامه اتلوگ اله او ذاته الابیه

***

ما فسّر حیاته ابخطر من هاد

ایتبلل بالکراهه او قهر من هاد

گطع من الثقافه الفکر من هاد

او یضل کل عمره مندوم الخویه

***

من مثلی تحمّل الم من شاف

او علی الطیبات ازیدن حلم من شاف

انتظرت احبابی قبل البصر من شاف

راسی انصبغ و انا انتظر جیه

***

یرف الجفن گلبی ابحذر من جای

او دریت المحب من کل الم من جای

لگیت افلان اجانی او دخل من جای

اجه اینجینی ناجیته ابحمیه

***

طبول الغضب تحرگ شعب من خان

او تلم اخیار کل العرب من خان

عساه یلبس عبایه او ذهب من خان

الیطشر الخوه محراث البلیه

***

عبر شط الغرام القصد من گاش

او کسب عزة الواجف حصد من گاش

الزمن ضمانی جمره ابعجد من گاش

یریح الغیر و آنا النار بیه

***

یحوفه الوکت وکت العسر من حاف

او یزلزل بالرجوله الهتر من حاف

تروح اهل المراجل غدر من حاف

او تضل ادیارهم وحشه او خلیه

***

کسب لذّت حیاته الانس من عاف

او رسوم البیهه ترقه البشر من عاف

جبت عمری اخیّط و اشد من عاف

یجی البطران و ایشگ القضیه

***

شفت دمعی علیک انبهل من سال

او شفت گلبی ابعذابک ذبل من سال

غرگت ابروج حاط الوفگ من سال

اشیل ایدی او تغطسنی ابردیه

***

صدیج الما یقدرک دوم مره

عسل وکله ابمرورک و اخذ مره

تحذر لو باموره ایشیر مره

تفرده امن الاهل حتی المنیه

***

جاسم ثعلبی (الحسانی) 08/05/1394

30/07/2015

غزل صندوگ الگلب

انا ابگلبی سوالف تجرح السچین

و اتشیب الطفل و اتعلی طلباته

اخاف الطوف یسمع صیحت البگال

و ابسوگ العرب یحرج ابچلماته

اخاف النجمه تسمع طیف الیفسرون

و اخاف الگمر یسجن غمزة ارداته

و اخاف ابگلبی ینسم من کثر ما ناح

و اخاف الورد ینغث تبلی رایاته

سوالف مو سوالف مو عشگ لا موت

ابطن صندوگ الاسود تلگه محناته

لو تسقط جمرتی او بیه شبت نار

ابد ما یحترگ و امبطن ابذاته

تلگونه یشع و امبطّن الچفین

و ابزود اهل العطف متکفیه رداته

شسولف لو متت ینطرنی ملک الموت

اخاف ابطن گبری ایراوی شداته

ما اخاف الملک خل یکتب اشما راد

ولا اخاف المذله اتجند اسباته

اخاف امی تجر حسره اعلی موت الدین

و اخافن گلب ابوی ایعلی دگاته

لا تعنینی دایخ و الهم المسمار

لان عمک امیر ابنوره محلاته

تعالوا نفتگ اوحیده او نخیط البال

من بین السوالف تشفی مداته

اخذ های الچبیره و اضغط الرز زین

ینادیک الولف مسلوبه ضحکاته

سلبوها الخرس بامر الملک طرّوش

او زفوها القصرهم وکت میغاته

او شفت ماعت البسمه او حزنت ال هالیوم

ما لبست هچع مکروهه دگاته

ترید العزه ما تقبل نفس بطران

ترید اکحیل فارس منوه گعداته

سجلی یا شمس شوفی الظلم مکشوف

محبوب الحبیبه ایراوی فلگاته

یجد قاضی العداله او منصبه ابدنیاه

بس للغاوی طبعه ایبین املاته

الفقیر المثلی لا قاضی و لامندوب

اذا طاح ابمصیبه اتزود طبراته

اللهی انت ربی لو ربات الجور

ما اشوفن تحاسب کل من ابذاته

اشو ذاکه یزید الشرب دم احسین

او شد المعرکه او معروفه هجماته

او نفس هذا السلوب اتکرر او موجود

الفقیر افراشه بردی او تخفی چیلاته

العنده افلوس عایش ملک جاه او مال

والماعنده تذبل بیده ورداته

لیش الناس متسلحه ابحروف الدین

تتظاهر مضیف او عالی گصباته

تغصب مال و املاک او تجرد انفوس

ملیان الفقر بالحومه منباته

ارید الله او رسوله او حیدر الکرار

یفرج اهموم اهلنه ابحلمه و آیاته

کتلنه المستحی و الذله و الحرمان

او قصر البیه رده ما نوگف ابخاته

و الحافوا امعرسه او عدهه ست اخوان

او گلصوها اببحر و انتخه ابمداته

او جبروها تسلم محبس المحبوب

یتمایل دمعها ابگلبی صدعاته

ما غمض جفن ما هود الدلال

مکتوب الغدر و احگوگه ردعاته

فرشینه الصبر و اتکحلینه ابعار

شهم سیف الهجر معروفه ضرباته

او تعلمنه الوفاء من زینب او عباس

و اذا مسنه العسر ما تکفی بوساته

نرجع الصاع بالصاع او الف صاعات

یسر یصبح جثث بالحومه خشباته

تحذر یالخنتنه او لا تنام اللیل

اکل واشرب ابدمنه او تلگه ندماته

خادم اهل البیت:

جاسم ثعلبی (الحسانی) 07/05/1394

29/07/2015

موال و ابو ذیات معطرات

من هو الی وسط البحر صاغ الخطر مایله

او من هو الی زاد العسل من الحشر مایله

او من هو الی جفف فصم من المطر مایله

او من هو الیغنی ابنغم ناطور الصله سامعه

کل من یصدگ الکذب بهلول او فشل سامعه

و الضاگ عسر الوکت صیحاته انصفت سامعه

و الی یخون الوعد لو یحثر ابد مایله

***

الدهر خلخل نیاب الحب و شلهه

ادموع اسیاد من درها و شلهه

استمع و اکتم حرگ ذمها و شلهه

مگابر رکدت ابعین الخفیه

***

انجلب گلبی ابدلالک حار و انهار

او عبر لجلک معاصی ابنار و انهار

اللیالی ما شکت لک جار و انهار

تحس بدموعی تتشمت علیه؟

***

عزیز او بالگلب دارک و نحباک

ابهواک اشتم عطر هجرک و نحباک

غرگت ابلوم عدوانک و نحباک

اکلنی الهم بغی بس چف ادیه

***

تدگ تلطم تخل لونک و ناراک

سحر ساحرنی بعیونک و ناراک

اشتعلت ابلمعت اسنونک و ناراک

انتظر طیبک یرد روحی علیه

***

جاسم ثعلبی (الحسانی) 06/05/1394

28/07/2015

دبکه باسم علیک ابداعت امک لا تاذینی

***

من یوم العرفتک بالگلب طبیت

طردت اهلی او عمامی او صرت راعی البیت

متملک صرت و ابقصرک اتهنیت

تدلل علی تزهی ابدمع عینی

علیک ابداعت امک لا تاذینی

***

علیک ابداعت امک ارحم ابحالی

یتیم ابروضة الحب و المحب غالی

حبک و العهد یحرگ ابدلالی

اذکرک  بالرسایل و انت ناسینی

علیک ابداعت امک لا تاذینی

***

علیک ابداعت امک هود اشویه

کتلنی الهم حبیبی او حیل ما بیه

عرفت الحب درسته ابکل معانیه

وحق رب التعبده ابدربه دلینی

علیک ابداعت امک لا تاذینی

***

ملیت او تعبت امن السهر ویاک

تقصیر الگلب یوم الذی حباک

کل عید الیجی اول نفر هناک

الحواجب هدفت و ابرمشه ترمینی

علیک ابداعت امک لا تاذینی

***

ترسل لی ابشعر و اتغیر الوانی

او تتعیل علی و اتهیج الحانی

و ابدار القوافی چنی زندانی

انذرک نار کبری لا تبارینی

علیک ابداعت امک لا تاذینی

***

علیک ابداعت امک لا تطیر ابعید

ثبت لی ابکلامک لا تشد الاید

لا تکذب علی یابه الکذب میفید

زلال او مای بارد لا تبدینی

علیک ابداعت امک لا تاذینی

***

دلینی اعلی بیتک خلنی اشوفنک

و ابدار الضیافه او حیل ابوسنک

و ابموج السدر بهدای اشمنک

امن اهمومی او عذابی یابه سلینی

علیک ابداعت امک لا تاذینی

***

ابوک استضعفانی او هل عزل دیتی

شاف السیف یمی او یمی چفیتی

یخزرنی ابکراهه او نگّص ابصیتی

دعیت الله او رسوله منه یحمینی

علیک ابداعت امک لا تاذینی

***

من الشاعر الشعبی :

جاسم ثعلبی (الحسانی) 04/05/1394

26/07/2015

اغنیه و ابو ذیات یحن گلبی

ابصراحه احچی غدرنی العشگ و دیت

ابجناح الطیر صوبک عتب ودیت

انجرح گلبی ابغیابک یخل ودیت

یطیبنی امن اشوفک تمر بیه

***

شفت حبک ابسدری انچمد و الهم

جرعت الصبر صار ادوای و الهم

یگلبی ال ترکوک او جفوا والهم

تتابعهم عبث تلگه الاذیه

***

زمانی اشگد علیه احباب ودر

وزنهم صاعد اعلی الذهب ودر

یریت الی اودهه ابستر ودر

او تسلی الروح و اتنور الثنیه

***

یحن گلبی ارد اشوفک مو بدیه

ولک مجروح گلبی انشد علیه

خیطته ابصبر و اتحملت آه

تالیت العشگ ضیم او اذیه

***

اودی اطروش الک خاطر تجینی

ما هود علی نوحی او ونینی

الناس امساهره و امرحبه الاحباب

و انه ابفرگاک ضل یکثر سحینی

***

انجرح گلبی علی الغیاب ما طاب

والله اتهدمت من فرگه الاحباب

ولا غایب و اگولن یمکن ایعود

اعاتبمن یگلبی تحت الاتراب

***

یحن گلبی علیک اسهر و اعانی

نظرتک بالدرب و امشی و اتانی

عندی اویاک چلمه ابطاری الاجناب

حبک عم علیه او مرضانی

***

ولک رحت او عفتنی او گلبی بیدک

شلعته امن السدر دامی او یریدک

عطشان او طلب بس شربت المای

نگط له او دمع عینی یزیدک

***

ولک غار الغزل بعیونی اهوای

ولک لجلک گطعت الزاد و المای

اخبرک ما تجی واتسلی الروح

ولک مجروح گلبی او جیتک ادوای

***

اشمالک ما تحن عینک جویه

تخلف بالوعد و اتعم علیه

ردت بس لحظه اشوفک و اختم العید

تدوی ابنار گلبی انه اشبدیه

***

اگلک خلنی اشوفک تشرد ابعید

لا فادگ مرض لا جیت العید

مطروح او عفتنی اتکترت لیش

بعد موتی تزور الگبری ما ارید

***

جاسم ثعلبی (الحسانی) 03/05/1394

25/07/2015

غزل ای بی وفا

گفته بودم عاشقت هستم و لیکن بی صدا

گفته بودم بی تو می میرم نشو از من جدا

دوست دارم همدمت باشم و رمز خندهات

تا که دلبندت شدم از خویشتن راندی مرا

دل فروشی می کنی دلال بی نام و نشان

با غرورم می خرم طناز بی چون و چرا

قصد رفتن داری و محتاج طوق و ریسمان

بی گمان بگذشت جان سخت است از مرداب ما

دل پریشانم از این دلدادگی آوارگی

سخت بیزارم ز کوچ بلبلان از خود رها

آنچه در بازار گرمت می خری نامش دل است

نزد اربابان مرجان زرنگاران آشنا

سنگ بی تابی مزن بر فرغ سر مهرش گران

معضل دردم شدی مرگم شدی ای بی وفا

جاسم ثعلبی (حسانی) 02/05/1394

24/07/2015