سفیر الحب

قصيدة بمناسبة إرتحال الشيخ عوده جار الله الساعدي الله يرحمه

عليك أبچي إبدمع من دم عفتني ليش

إرتحلت الدار  حقّك   وحدك   إمسافر

عفتني إبلا وداع  و  دمعي صب جرار

إستمع تلطم  عمامك   تكسر   الخاطر

سبع كلّك   مراجل   من   لفاك  الموت

أبد ما   خفت   منّه  و   لا گلت  باچر

أبو مهدي   بطل   شيخ  وسبع  تنعام

عوده الكلّه  غيره  و   بإلحچي   شاطر

إبن جار الله  حيد  و ساعدي  مندوب

يسعي  بالكلافه   إبكل   وكت   حاضر

جيرانه  و   أخوته   و   ربعه   حزنانين

إبغيابه  الّي   يحبّه   إبفرگته   إمساهر

حسافه الگبر  صاراله   مضيف  أجواد

إبدفنته إهواي ناس إتشيعه و تناظر

وسفه إسباع عدنه و تندفن   بإلگاع

يا گاع    إرتخي     للسافر     إمقادر

***

هوسات بحق المرحوم عوده جار الله ساعدي بيت صخر

شوصفك بإلشعر يا حيد سبع   و إمعرّب النيّه

المضايف تعرف أهل    الدار  مناه   للخفاجيّه

إبن جار الله شال اليوم الأسف فاتحته  مبنيّه

إمعرّب   والله   إمعرّب    ما    زل      السانه

***

أون و إمكسّر العبرات على الشال و نسه إحبابه

على إفراگ البطل مندوم و أصيحن  حيل  يايابه

الدهر خان العهد  ويّاك   ما  حسّبنه   إحسابه

يفردنه        و       يدفن        ما         ضينه

***

إمودّع بألله و أهل البيت و أحبابك  نعازيها

أبشرك لا تظل   مفكور   دارك   بيهه  حاميها

أبو صابر و إخوته إسناد و أصحاب  التواسيها

ديوان         الحگ          فات         إبزوده

***

أبوذيّات بحق المرحوم عوده جار الله الساعدي بيت صخر

إنهدم ركن الصداقه  أخبار  هامات

إرتحل عوده  إنتشر مقطعه هامات

نجل جار الله  الطمو  على  هامات

السواعد  شيخ   قادر    هل   ثنيّه

***

شريد إصبر شصبر الگلب وهلاك

اليوم إصبح عزانه الهلي   وهلاك

غيابك صار الي كل جرح و هلاك

اليخطه أنت أرحلت غصباً عليّه

***

جاسم محمد الحسّاني 08/01/2025

وين أضمّك

غزالة   إمطرّزة  بإلذهب   بألشام

و أثر  لقدامها إمن  البدو  بألشام

أظم نفسي إبلقاها أحتضر بألشام

و نصفّي إحسابنه و نذهب سويّة

***

لا وين أضمّك وين أودّيك

الدّنيا شتاء و إشلون أدفّيك

أشوفك  تكلّمني  إبدمعتك

و إتهيّج  أسراري   إبعبرتك

عندك جرح مجبور أداويك

لا وين أضمّك  وين أودّيك

***

محتار       عذّبني      زماني

غيرك   أبد  ما    عندي   ثاني

القسمة بعيده و گلبي محتار

روحی  تحبّك    داويه   إبنار

موعد ردت  خليني  أمر بيك

لا وين    أضمّك وين أودّيك

***

أهلك    فلا    عدهم    حميّة

إمن  إمّك  عذاب   المر   عليّه

شرطوا   على  ما    تجد   غاية

رفضوني   من      اوّل    بداية

و العيد إجه و إشلون  أهنّيك

لا  وين أضمّك  وين أمر بيك

***

حطّيتك     إبعینی   يمدلول

حبّيتك  أنا   إبقولي   مسؤل

ما أعوفك  أنت  الروح اليّه

لاخر   نفس   كاتب  وصيّه

مثل الخيال إبسكته أباريك

لا وين أضمّك ممتحن بيك

***

حطني إعلى بالك خلني مرتاح

و خليني    مفتاحك    للأفراح

الدّنيا   بس     أنت  و   حياتي

مسؤلة       بوصافك      لغاتي

أنت النفس و  إشلون أجافيك

لا وين   أضمّك  وين   أودّيك

***

دونك يتيم و جالس  إوحيد

ريتك تجيني  و  باچر العيد

إتخلّيني  احط   إيدك  بديّه

بل  حلم  خل   نفتر   سويّه

تدريني  أحبّك و أفتخر بيك

لا وين  أضمّك  وين أخلّيك

***

إبيوم  العرفتك گلبي يهواك

تنساك  إمّك  و   أنا منساك

تسحرني     بعيونك    يغالي

أمسهّرني  و  إمدهور  خيالي

إبحسرتي نايم و أنا أحاچيك

لا وين أضمّك  وين  أودّيك

***

إبعيد  الدرب  و  إعيوني تربي

تعبان    گلبي     أحّاه    يربّي

يمته تجي و  تشوف  الأحباب

يمته تجي و تضرب  لي  الباب

و أنسل إزلوفك بيدي  أحنّيك

لا وين أضمّك   وين   أودّيك

الدّنيا شتاء  و  إشلون  أدفّيك

أشوفك    تكلّمني   إبدمعتك

و إتهيّج   أسراري     إبعبرتك

عندك جرح   مجبور  أداويك

لا وين  أضمّك   وين  أودّيك

***

إسمك شرف بإلدار مكتمله  الألغاز

رأسك  إرفعه و گول أنا إبن الأحواز

***

جاسم محمد الحسّاني 29/12/2024

العيد

يا ربّاه

ما هذا الحدث العظيم

الأرض و السّماء مشتعلة

و تتراقص

 الذكور و الحريم

أرى  خيال بسمة حبيبتي اليوم

و هي  في نعيم

لابسة أجمل ثيابها

و متعجّبة بشبابها

الشكر لك  يا رحمن يا رحيم

تذهب و هي مسرعة

إلى أحبائها

و تصافح

و تسلي و تهنّيء الحزين

ما أجملها

و بجنبها طير البغبغان

يفطر بحبات القمح

و يطير

الى بر الأمان

و يعلن من المنسرّين

إنّهُ  يعلم

يوم العيد

من أيّام الله

و ليس لهُ نظير

يا عيد تسعد أيّامك

و كن إلى المخلصين بك

يومٍ سعيد

إملاء قلوبنا بإلخير

و أفواهنا بإلفرح

 و أجسادنا بإلصحّة و السلامة

و لإسرتنا الإبتسامة

و أكسينا بإلباس الحكمة و القدرة و البهجة

من جديد

ويلكِ يا حبيبتي

أنا أبحث عنكِ

جئت لاُعانقكِ

و أهنّئكِ

و اُبارك لكِ

هذا يومكِ

فلا أرغب أن أراسلك بإلبريد

سمعت  ذهبتي تلعبين صباحاً

 الى كرسي الجليد

مع الأحبّة   بالمزيد

 و ترين

نزول الثلج و الوفر

كل مطر

و تسمعين أصوات الرعيد

عونكِ يا عزيزتي

يا ليت كنت أنا معكِ

و نلعب لعبة التسلّق على الجليد

و نفتر و ندور و نعيد

سمعت أنّكِ ذهبتي الى قمّة الجبل

و فتحتيها بقوتكِ بإلعجل

و نشرتي علم حبنا

بيومٍ مجيد

و أعلنتي إنتصارنا

من بعيد

و قرئتي و إستقدمتي

يوم زفافنا

بنفحات النشيد

يا حبيبتي

لقد إنتهي  الوعد و الوعيد

عيدكِ مبارك

و ايامكِ سعيدة

و كل عامٍ و أنتِ بخير

و سعادة

و مكان معاندينا إلى الجحيم

في هذا اليوم العظيم

جاسم محمد الحسّاني 01/01/2025

أحلام مبعثرة

كافي

كافي

لا  تتفاخري بحبّكِ أمامي

لأن إشتياقكِ عندي لا شي

هل أطربتي يوماً في الغرام و الهوى

و هل أكملتي أوقاتكِ بإلبكاء

طبعاً لم تجرّبين الجفاء

فإسمعي من رنّات قلبي هذا النداء

أنتِ بإلطبع ترين الحب

و أنا أرى جمرته

في القلب تستعر

أنتِ ترين الشعر المرصّع الذهبي

و أنا أرى تجاعيد الشعر و سبّاحه من الألماس

البحري

ذات قيمة عاليّه و عالميّة

أنتِ ترين الحاجب الهلالي

و أنا أرى ما بعد الحاجب

و رفّة الرموش

أنتِ ترين العيون الزرقاويتين

و أنا أسكن في جوفهما

أنتِ ترين بسمات وجهي

و أنا أحسب 

دقّات قلبكِ

و نبضات دمّكِ

في شريانكِ

 يا ساحرة الشباب

فألفرق بيننا بكثير

أنا أحلم بروئيتكِ

و أستيقظ بصوت  الهذير

و أحلام مبعثرة

بقدر ما أفكّر بكِ

فسيكونان إكذوبات مصطّرة

و كذبٌ     مصطّرٌ

خيرٌ من صدقٍ مطشّر

خذي أخر إبلاغي

و نهاية خطابي

هل تستطيعين إصلاح

 طبعكِ الذكي

فهذهِ نصيحتي المرئيّة

من الأعراف الشرعيّة

و إلّا إستعدّي للمغادرة

قبل أن تسدي عليَّ

أحلامكِ المبعثرة

جاسم محمد الحسّاني 02/01/2025

عشرة إنتهت

إلذي إبعلمه  شفاء  للنّاس مامر

و أحس معذور گالوا كذب مامر

إنگطع حبل المؤدّة و  بعد مامر

إبولفي و من گعد   يلعب عليّه

***

لا تعتذر  مالك   خطيّة

تختاظ و إترد  حافي اليّه

إبعد على خليني  مرتاح

و إبيا ذنب تزعل  عليّه

***

ملّيت  منّك  گلبي  ممرود

لتمر علي   بثيابك    السود

محزن عليمن و أنا  موجود

عشرة إنتهت  و أنا إشبديّه

***

إبساعي  البريد   أرسل سلامي

بيه     خاتمك     زايد    كلامي

كل شيء إنتهى و أتوادع وياك

أنت   السبب    عينك  جويّة

***

لتگول ما عنده وفاء و راح

إبحبّه دغش خاناني  و طاح

إرجع   و   أدور   إبذكرياتي

ما عنده   كل   نيّه   خفيّه

***

بإلسوگ   طر    وضّحلي    الحال

و شوف الشباب ألوان  و أشكال

هم تلگه   مثلي   طيّب   أخلاق

لا خر    نفس   صاحب   حميّة

***

لو خذت غيري و   أنا مدفون

تحت التراب و تجري  العيون

أطفال  لو    عندك   يمجنون

لا تفشي    سر  البيه    أذيّة

***

گلهم   عشگنه  و ما صفينه

گلهم  لسانكِ    عم    علينه

إحچي الصدگ ربّك بإلوجود

لتعاند   و    إدّي     التحيّة

***

إبعيد الدرب و أنا أبقى أهواك

أنت  العزيز و   مگدر  أنساك

إسنين  العشتهه  وياي  بچلاي

ساكن  إبگلبي   أنت    البليّة

***

إتفكّر تغشني  إبحبّك أهويت

تمكرني تكذب و أدري فهميت

عندك هدف تجلبني بسكوت

ما   أطيع     منكر     للمنيّة

***

العايش إبحيلة إبفكره إيموت

يونس أمين و  زاعته   الحوت

يوسف نبي  بس  ربّه  عافاه

إمن  البير   صار   أمر سريّه

***

إبرعدة    الدّنيا      بالك   إتفيض

لا تمطر    إعيونك     مطر    غيض

إنسى المضى و إنسى الحچي الفات

و الفات    مات      إبّين     إديّه

***

جاسم محمد الحسّاني 03/01/2025