سفیر الحب

هواتُ دارم
اشک نریز ای چشمِ من امروز
تو زندگی شکسته داغونم
تو غمکده گریه و زاری رو
چه فایده شبانه می خونم
***
هواتُ دارم ای دلم بر خیز
خسته نشو از عشقِ سرکاری
دنیا همینه رعد و برقش کور
دارویِ تو با صبر و دلداری
***
غصّه نخور دردِ دلت پیداست
بالای قلّه جایِ سرما هست
پایین اگه رفتی سزایت غرق
درونِ چاله سوزِ گرما هست
***
فرض نکن راهِ وصالش دور
معشوقِ تو قصد سفر رفته
با تو هماهنگی نکرده باز
شاید تو راهش ناکسی گشته
***
داد نزن نگو خیانت عیب
لذتِ عشق و عاشقی شیرین
مستیِ خوشحالی به دل مونده
رفت که رفت ای دل چرا غمگین
***
عکس تو قابش خود به خود می سوخت
رو تاغچه مونده یادگاری هست
هر جا میرم چشم به چشمم دوخت
می خونه واسم چو غناری هست
***
دلم گرفته ای خدا تنهام
مدّتی از اون بی خبر هستم
آب شده رفته درونِ خاک
بدونِ او من در به در هستم
***
خیالِ مردنش برام تلخ است
ای کاش جایی زندگی می کرد
تو خوابِ وحشت یادی از اون نیست
کاشکی جایی بردگی می کرد
***
دوسش دارم ولی دلش ناجور
چه کار کنم دوری اون سخته
خجالت می کشم بگم می خوام
شانس دلم که خیلی بدبخته
***
جاسم ثعلبی (حسّانی) 18/05/1397

صهیل الخیل
تنشدنی کافی النشد مال الحمل ما مال
عافانی ولفی او رحل بهمومی وحدی او شال
عطشان ادوّر و اون شلوا او تعب و ارمال
اذّانی حر الهوی او بیه المحب من عال
***
شنهی السبب و ابعدت لیش او تاذّینی
او بفراگک انحب و اون او سایل دمع عینی
تغدرنی و انت الردت بس گلّی حاچینی
دخّلت گلبی ابعشگ من هو الیسلّینی
***
اعیونی تربی او تدث سار الضعن من سار
مثل الحمامه ابقفص ضلّیت اون بالدار
اویاه السعاده اختفت طیر السعد من طار
عند الاجانب رحل ضیف او دخل خطّار
***
ویّاک راح الفکر من ودعتنی ابللیل
اسمع بچی او هروله واسمع صهیل الخیل
جبروک اهلک جبر و الدهر بینه ایعیل
و افتر علینه الظلم و امنین اجیب الحیل
***
ودعت هجرک قسم بالبینی او بینک
اومن سار ضعنک طحت و اتگلّی چا وینک
اشبیدی او صطرنی الدهر بس محنه ناسینک
ابوسط الگلب بیت الک من عینی العینک
***
یعگوب گلبه انتشع یوسف نجی امن البین
طال السفر ما ترد دم یجری دمع العین
چا یمته ترجع بعد گلبی انجسم نصّین
محتار ما کو صبر  وین التجی لاوین
***
ملّیت من فرگتک و اتعازه بنغامی
بس ذکریّاتک بگت تتراوی بحلامی
اصفن واشوفک شبح بعیونک اترامی
محد عرف قصّتی متحمّل الامی
***
الشاعر الشعبی:
جاسم ثعلبی (الحسّانی) 14/07/2018
26/04/1397

نخوة فارس

العیشه صعبه و ارد اناشد وین اولاد الحلال

الغیره ماتت لو بعدهه امضمّده ابگلب الرجال

اسرّونا او جرّحونه او عذّبونه او عدنه عید

صیّحینه، استنجدینه،گطعت ارگبنه الحبال

قوموا و اتّحدوا یهلنه و الاستعمار ابنزلنه

صارت ادیرنه مقابر السکته ما الهه مجال

والمشایخ نومه ناموا ماتوا او طمهم نحیس

اتشرذمت عدنه العوایل یصعب ابهمنه السئوال

لا تلافت کض تفگتک و اگنص الماعنده ذات

ما کو هدنه او بالشوارع دگت اطبول القتال

اقراء بالتاریخ و انشد ما نصالح کل لئیم

احنه عنوان السعاده احنه بوابة نضال

الگهوه و الدله تنادی او تندب احفاد الاسود

و المضایف تنشد النه او رقصت الطایح دلال

الوطن ما ینزع سترته ابدمنه نتوضی او نموت

ریت نسمع فرد صیحه ایاذن او ینده بلال

و الغرب ماکل نعمته نفط یشرب من حرام

اتقرّب النه او لف عباته لاکن انفسره ابخیال

اچّم عمیل الباع بخته او عاف اخوته ابلا ستار

ما غدرنه الخان بینه العتبه منثوره ابجمال

الیوم عیّدنه او هتّفنه اشعارنه اتبارک سلفنه

عرسوا شبّان اهلنه و اکتب ابدمهم مقال

و النصر یربی اباملنه و العلم فاقد نشید

ابهمّه فوق الجبل صعدوا ما بگت بس التلال

الوطن شامخ بیته جیله اسهام ترمی او ماتهاب

عفیه بیهم من نشامه طلّگوا لجله العیال

یا حلاة الکشف زیجه او موتت الظالم ثواب

النصر مکتوب ابصدرهم یزهی ضیّه امن الهلال

بالسماء السابع یرفرف صیتنه ابجاه الرسول

اهلال العروبیّه صاعد ما نزل تحت الرمال

احزامنه او بیرق شرفنه و العرب بیت السلام

بیهم انزامط عدونه او حقنه نعتب مو نوال

احنه من عدهم نسلنه او دمنه من دمهم یفور

کافی مای الخوّه عدهم یبرج او صافی او زلال

عاندانه الدهر مظلم شتت ادروب او سبانه

کل شی عدنه،الوطن حافی استضعف ابدار الکمال

ارفع ایدک لا تناسی و الوطن امّک و ابوک

الیوم یومک غیره عندک الوطن حدر الاحتفال

کلنه اخوه ابلا طوایف الطایفی یصبح ذلیل

وینه سیفک وینه رمحک و الهضم بشطوطه سال

وین اهلنه احتر نزلنه النار گبّت بالزنود

عالحرایر ظلمه صارت و الدهر بجیوشه عال

بالعطش و الانتفاضه و ابالفقر و الاضطهاد

لا تگول احنه انتهینه او ما نسلّم لک محال

الشاعر الشعبی: جاسم ثعلبی (الحسّانی) 17/04/1397

یجیلک یوم تتندم

ما عندک گلب واحساس ، سمچ مذموم ما تحلم

مستانس تذم اسباع ، یجیلک یوم تتندّم

ما اریدک تعذب الروح ، ترش ملحک علی المجروح

عهد و اتواعدیت اویاک ، من احبابی ما تسلم

***

ما تذکر سهرت اویاک ، او بفراگک عمت عینی

هسّه اتگنطرت بهموم ، اذکرک و انت ناسینی

شنهی السبب تتعذر ، ابشرک ها ولک تخسر

مو سهله الوفاء بالذات ، مو مای او تبدینی

***

یا وسفه الدهر خلّاک تتکلّم علی و اخطیت

چنت حاسبلک الف احساب ، اشوفنّک شمع بالبیت

شجاک او تنکر الطیبات ، نسیت اوکاتک الصعبات

تبچی و الدموع اتسیل ، اذا ناسی انا منسیت

***

روح او داعت اللّه اویاک ، ما اریدن گلب قاسی

ترکت الّی طلع بد ذات ، عدو وایگطّع انفاسی

گطف و امن الثمن مسلوب ، جگاره او بالدرب مذبوب

بسراری ادوس اعلیک ، لو یهتز شعر راسی

***

خلهه بالفکر نیشان ، الک مظمومه هالعیله

ملک و اتحرشیت اویاه ، لازم ذنبک اتشیله

یجیلک یوم ادگ اثبات ، عبره للعدل و المات

گلبی نار ، یشعل دار ، افهم قصدی او تحالیله

***

الخیانه ابعینک اتراویک ، تحرگ بیتک ابزیتک

الف مره اعلّم بیک ، و انت اتدمّر ابّیتک

نایم  ما تطّر ادروب ، من العفرته متتوب

مثل اطرش ابزفّه اتدور ، عینی های تالیتک

***

الشاعر الشعبی : جاسم ثعلبی (الحسّانی) 06/06/1397