مدونة الشاعرجاسم ثعلبی (الحسّانی) فی اللغه العربیه و الفارسیه

.
اطلاعات کاربری
درباره ما
دوستان
خبرنامه
آخرین مطالب
لینکستان
دیگر موارد
آمار وب سایت

أبوذیّات ذکر ألحبیب

زعل گلبک علی    بیه بان   ظلما

إو بچیت إو ما بگه بإلعین  ظلما

إنگطع حبل إلوصل و إلدار ظلما

إبغیابک    موحشه   إلدّنیا علیّه

...

أنا إچّندوب  أجر   نهتات  وألهم

غیابک     مرّد     إلدلّال   وألهم

حذّرنی   إلوکت   بفراگ   وألهم

إبحلم و إبعلم و إعتاب إو أذیّه

...

أعازی إبروحی بعدک علی سلّیت

إشعجب أنت علی ما یوم   سلّیت

من  یوم   إلغبت    للیوم  سلّیت

أحس   بفراگک  إتضکنی   إلمنیّه

...

إلعمر خلصان  زیل   إلزعل بعداک

إو عساها إبّخت کلمن علی بعداک

تعال إو شوف حالی إشلون بعداک

یتیم   إو   تایه    إبدیره     أجنبیّه

...

گلبی   ما  نسه  إو   زارک و حیّاک

أحس   إبحلم     یبرالک    وحیّاک

أمر کل یوم أشم   عطرک و حیّاک

و أشافی إجروحی من ضیم إلعلیّه

...

إلمفشکل ما یفیده إلضب ولک بس

فرد مرّه رفت  جرحی   ولک    بس

بعد لا تچمد  إبغیضک   ولک بس

إلیسامح ،     ربّه  إیعینه   إبهنیّه

...

إلوعد   یألواعدتنی   إبعهد  ونّه

أحس گلبی  یفجر   إلصخر   ونّه

مو بس  أنت   شایل   غیض ونّه

حمل مرکب نفضته إبذنی إدیّه

...

ذهب صافی أعرفک  ثگل  منّک

شبعت إو مرمرتنی  إبوعد  منّک

تعال إو خلنی أشبع شوف منّک

إو باچر خلنی أموت إبغیر دیّه

...

إلرابی إبگلبی مابدله   بعدون

عزیز إو یکتل   إفراگه  بعدون

علی إلشایل کثر حزنک بعدون

ونینک  شمّت   إلعدوان بیّه

...

عمر إلفات ضیم إبفرح و أنعاب

أودّک بوسه إلک ودّیت  وأنعاب

یحن گلبی علیک إنفجر وأنعاب

أنا أترجّاک   لا   تبعد      علیّه

...

إبحضنک چنت  دافی  إببرد وفّیه

إو گلب إلما خطاء إو تابعک وفّیه

عندی إویاک  عینی   طلب  وفّیه

إحترمنی إو عض لسان إلعال بیّه

...

عوج ما ینعدل  طبعک  وعدلک

عمر ما شفت من حبّک وعدلک

إبأمانت  ربّی  أترکنّک  وعدلک

أبد ما أخونک  أنت  إلدّنیا إلیّه

...

ألأودّه  ما   یمر   لا   گبل  لا حن

نسانی  لیش   أبد   ما سئل لاحن

مسامیر    إلهجر  بحشای   لاحن

إنجرح گلبی إو کتب إسمه علیّه

...

إبکلام أللّه  إلوصیّه  منته إبنهه

علیهه إو مان چنّک منته إبنهه

إمّک  ما   تمرها   منته   إبنهه

إلّبن مر لو نسیت  إلدر خفیّه

...

إلأبوا خیمه إو عشیره و نته جاهل

عفت حبّک   حنانک  ونته جاهل

نسیت إلشال حملک  ونته جاهل

إذا       تتکبّر    أطفالک     ربیّه

...

یدهری إشما ثگل حملی علی مال

أعدله  إبزودی  لو  شمبر علی مال

أزهدک   أتبع   إلشالوا    علی مال

 أعوف   إلدار  إلک   کلّک   أذیّه

...

إشجنیت إو خفگ کل زرعک ولا عود

شعد   ما   ینحمل    طبعک    ولاعود

گصیت  إویای   ما    أرحمک  ولاعود

و لا تترجاء   حی   و    إتمر      علیّه

...

إچفوفی إویه إلغدرنی إو شال لاون

إلگلب   صبّرته   قر  و إبتعد  لاون

عجیبه   إلروح   ما   تنساک  لاون

إلگصه   ویّای   لا   ینشد    علیّه

...

أشد حبله إو وصاله إلمحب بس مات

أمسیبس و أنا  یمه   أبتشر بس مات

إلختل ضدی یهدم  إبیوت بس مات

إبرحیله  أللّه   یحکمه   إبکل ردیّه

...

إتگرّب ولفی  إحل  زلفک   وحن لک

إو بعد چبدی إلک ملکک  وحن لک

عزیزی   إبگلبی  ربّیتک    وحن لک

أعوفک  لیش   أنت   إلروح     إلیّه

...

إبوجودک أهلک إو ربعک عفتنه

حنین  إو  زدت  بأوصالک عفتنه

یبویه  إشگال   گلبک  من عفتنه

مکانک خالی  و أنت  إتعن علیّه

...

إلفرح و إلعز  هجرنی  مرظنّی

إو مرّه إیخیب  حظّی  مرظنّی

إلسمر و إلبیض أعنبی مرظنّی

إذا     أتکتّر   یتهمنّی   إبردیّه

...

یدنیا إبظیمی کافی إلدرب لوتی

تجبرینی  أشبعک    ضرب  لوتی

إلویاهه    و  أقدره    طلع لوتی

یجل إلسامع  إیبیع    إبن أخیّه

...

علی طارت إلشطره إو خسف شلّی

عساها   تغرگ   إلماکرت       شلّی

لا ناگه   إلی   إو   لا   جمل  شلّی

یروحی  إبعید  إتبعی إلبیه حمیّه

...

إعدل  وزن  حصتک   من  تچلهه

إو حکم ربّک إبروحک من تچلهه

إلگوم  إلغرت   تقصد من تچلهه

إلّابد  ما   یندبه   إلشر    حمیّه

...

إنکشف نجمک إو گلبی  منجمالک

إلشمس تضوی إبحنانک   منجمالک

وین   إتروح   أتبعک      منجمالک

إبسماء و إبگاع أصیدک و أنت إلیّه

...

إلحمل و إبکبری أشوفه مال ولّی

إبدلال أکسب  حلالی  مال ولّی

إلوکت  ویّای   قصّر    مال ولّی

إلیساعد عوفه  إخوی إلعال بیّه

...

یدار    إلعز  جفانه  إلمجد   مایه

إو نشف ریجچ إبدث إلمطر مایه

لطمنه  إلقهر  مایه   فوگ  مایه

إو سیّس طیبنه  إبدرب   إلسراب

...

حمامات     إلگصبهن   نبی   شتّن

إو علی إجبال إلوطیّه إبسبب شتّن

إبأمر  ربنه  إلحبیبه   إنشلن شتّن

حیه إلموتی  إو کذا  إیموت إلبریّه

...

إلسعاده ما تعرف  إلعرج   بألکان

و إذا کل شی إلیودّه إیصیر بألکان

جنّه إو  عید تبگه  إلارض   بلکان

إلسعید  إلعاش بیهه  إبدون أذیّه

...

داو   إبداو   أعیر    إلمحب     بدواه

إو علی إلطیبین أحن و أعتنی بدواه

یهیعونه  إلیداوی   إلجرح     بدواه

ولا   یحتاج    طبّه   إبذل     شفیّه

...

کریم إلدگ گهوته  یم أهلته

طبیب إلفک شرگته یم أهلته

إلیتعفرت کتلنی  یم   أهلته

یهد ینثنی یلعب   مسرحیّه

...

هدالی بوسه   بإلخد  هل   هلالی

حبیبی إو فر  وجانی  هل   هلالی

أحس إهلال  عیدی  هل   هلالی

عرس عندی إو طرب طب إلثنیّه

...

بده إو طب إبسلفنه إلولف شفته

إو مثل رمّان  تنگط  عسل  شفته

مریض  إو  وصّفولی إدوای شفته

ردت  طبته  إو  طلب غالی علیّه

...

إلدهر   ینعی    إبدلالی  وصّفالی

إبنهایت عمری و  أزهی  وصّفالی

إلهداه  لی  إو   ثمّنیته   وصّفالی

طلع منگولی و إیغث عمده بیّه

...

حلو  لا  سوگ   ضمّه  و ألبقالی

إختفه إلشارک  حیاتی  و ألبقالی

إلهجر    یحرگ  یدمّر  و ألبقالی

إلگلب ما ینشری إو نومه إلمنیّه

...

حبیبی  زعل  ما  مر  ودریته

حسافه إبسفر هاجر  ودریته

علیه  أحسب  دقایق ودریته

إلعمر  خلّص ولا منّه وصیّه

...

غیر  إلمحب      گلّی   من    بچانه

إنشلع  گلبی   إبحنانه من    بچانه

إلنّاس  إتلوم   شالت   من   بچانه

إو مثل صرنه إبعشگ صیت إلثریّه

...

إلتحبّه إلروح ماع إویاک منساک

إلغیر  إلودّه   گلبی   یوم منساک

یطارش  روح  گل  لهوای منساک

یفکّر بیک  کل  صبح  إو  مسیّه

...

إلفرح  ینشر   أملنه   من    تجنّه

إو ملک لحساسی تبقی من تجنّه

یدگ   إلگلب  یرگص من تجنّه

مثل   بردان   یرعش    بإلثنیّه

...

شفیق إو ما یهمنی إلختل وأنذار

ولا  گاطع   وصل  للخلگ وأنذار

إلملح  ما  غزّر   إنصفّیه     أنذار

علی إلماکل ولمتی  إو   خان بیّه

...

نون   نلطم   إنهوّس     ماتملنه

إنخطف بإلشاطی  أملنه ماتملنه

حسافه  إلحض  طفرنه  ماتملنه

إو  ذهب للغایره إلساسه بلیّه

...

إلدهر  أعلن   حرب   ویّای    بألوای

سحب جیشه إبتلانی إبقصف بألوای

وین   ألگه  ألاچت  له أسرار  بألوای

إو  یساعدنی   إبمرار   إلمر     علیّه

...

یناعی لا  تون  عألمات     بل حی

یتامه  إو  ما بگه  شبعان  بل حی

 أشوف إلضیم بیّن  شیب بل حای

إلفقر  و  إلجوع   خیّم     بإلثنیّه

...

قسم   بإلتین  و  إلزیتون    منگل

حچی إلغیبه  إو فتن للخلگ منگل

جدمی  إلباب  بیت  إلنذل منگل

أکرهه إو  مثل دم إضروسی إلیّه

...

إلرکب  ذوقی  یجوهی من سمانه

هوا  بارح    حنانی    من   سمانه

مطر من غیم  و أنزل  من  سمانه

أنظف إلجو إو أروی إلعطش میّه

...

شوگک ما هو  عاجر ونت جنّه

فرح  ما  ضم نهیته   ونت جنّه

أنا إبگلبک جهنّم  ونت   جنّه

أموت إو أعدل إو نارک سریّه

...

گلت و إلسبب  متأذّی من أداک

إبیوم إلضیج من  مرّک من أداک

بیاض إعیونک إمحومر من أداک

شفاء إعیونک  أشد  إیدک بدیّه

...

یسلبک  من  ثروتک   من   حرمته

إلطغی و إلشال خشمه من حرمته

إلرجل   ینهان    یعلی   من حرمته

تذلّه    إلبدّل     إفراشه    إبخفیّه

...

إکربن یا إهموم إلدوح و أفلن

زغارید   إلتعب  بإنعای  یفلن

إچّندوب أنا أصیح إفلان یفلن

إلکله زادی  إو  ذبّانی  إبهبیّه

...

إلبخت ساعه یرن لو ثمر ونذب

شجاه إو  خلخلته  إلنار  ونذب

ألوم إلگلب ویّه  إلعگل  ونذب

إو تظل هندس إطلابتنه إلمریّه

...

إبخیانه أگبل إلضدنی إو شبع بثّار

إبصداقه إو خوّه طب  بإلزرع بثّار

إلدخل  بیتی إو حرگنی  إبنار بثّار

أخلی  أللّه  علیه   إلرب     تچیّه

...

غریب إنعرفک إبفعلک یهل ناس

إلیضر إبسمعت  أنسابه یهل ناس

أصیحن حیل إسمعونی  یهل ناس

مو  منه   إلیضدنه   إو  باع أخیّه

...

لا ماخذ  حلاله  إو  یغث ورضه

دخل  بیّه  مثل  برغوث  ورضه

لا بیه هلّه إلی کل وکت ورضه

ولا بیه  طبگ ژلّه إیجیب إلیّه

...

مرّه أشتم   إبشوگه مرّه عینه

مرّه  إیشد  عزمنه   مرّه عینه

مرّه إیحل  گذلته  مرّه   عینه

إو مرّه سدره یمطر دان إلیّه

...

مرّه إذلال  صارالی   مراحی

مرّه إیموت بعیونی مراحی

مرّه إبفکره یلبسنی مراحی

إو مرّه إبحلم نومتنه سویّه

...

نوبه أنسل إبزلفه نوبه  أحبّه

نوبه أکره وصاله  نوبه   أحبّه

نوبه أشتم إبصدره نوبه أحبّه

إو نوبه إیصیر  عزرائیل إلیّه

...

نوبه أضفر  إجعوده نوبه أحل به

إبعطر ریحان  أشمّه نوبه أحل به

نوبه أهجر إدیاره  نوبه  أحل به

إو مرّه أگعد و أشوفه إیشم بدیّه

...

گمر یزهی إبجماله  مرّه عینه

قریب إو حل علینه  مرّ عینه

مرّه إیطگنی  بیده  مرّه عینه

إو مرّه إبحّه  یشعل   نار بیّه

...

مرّه  إیضرنی  بیده  مرّه  شاره

إو مرّه  إیدز رسایل  مرّه  شاره

مرّه إیدور شعره  مرّه    شاره

إو مرّه یرمی بسهامه إبوصیّه

...

جاسم ثعلبی ألحسّانی 30/08/1400

 

 

 

 

 

 

 

 

 

 

 

 



:: برچسب‌ها: أبوذیّات ذکر ألحبیب ,
:: بازدید از این مطلب : 1015
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
ن : جاسم ثعلبی (حسانی )
ت : یک شنبه 30 آبان 1400
.

أبوذیّات و ذکریّات

إلیگول أنا إو أنا إمن إلبشر منعاد

سفه  من  یهدی  فردة  تمر منعاد

أرّحب   للیعود     أبعذر    منعاد

إبشرط   لاخر   عمر   میعیل  بیّه

...

إلعوج   ما  ینعدل  بإلضرب  لابأس

لأن  ثوب   إلعناده   إبجهل  لابأس

إلمخنوگ إو مریض إو یسب لابأس

إترکه   إزلف  طریقه   إبکل زویّه

...

إلگلب  خزّن   علیه  إو زاد ولمه

وسع جرحه إبتلیت  إشلون ولمه

صرت   للبین    ولمه  فوگ  ولمه

إیتغدّه   و  إیتعشّه  إریوگه بیّه

...

رحل مندل  طریجه  إلولف   ولیا

حلو   و  إسمه  بگه   تذکار   ولیا

کتلنی   إلخاء   ثم    إلدال    ولیا

إنختم   بإلجیم   و إلهاء عم علیّه

حسب طلبات إلمشاهدین

...

إلأودّه   یروی   إلعطشان مایه

حلو طبعه إو زلال  إیدور مایه

نطرته إسنین گلبی إیفور  مایه

ولا  أندلّه  و أدری   إبیا  نویّه

...

إلورد   ینثر   عطر   بإلدرب   مرّه

إو   تمنّیت   إبحیاتی   ألقاه  مرّه

سئلت  إعلیه  تجینی  أخبار مرّه

طریح إعلی إلوساده إلعن علیّه

...

إلزمان   إبذکریاتی   إلیوم    گلّاب

یود   یشری   إلفرح  ما وجد گلّاب

نسانی   إلچان  لابس  عباء  گلّاب

یمد صوبی إبزمانه إو عفت حیّه

...

عالی إو ما تلوحه أجناب عشنه

یمعزّبنه إبهوی  إلمحبوب عشنه

إبزمان إلفات  خوش أیّام عشنه

إمن أمر عألورد یشتم عطر بیّه

...

إلوکت   ویّای   چنّه   إختلف چن دار

و أحس مسجون گلبی  إبلحد چن دار

إمن أکض إتراب بیدی إیصیر چن دار

إبزمان  إلخیر   ربعی   إهوای   إلیّه

...

نهل  جسمی  ذبل   و إنحنی بسعود

إنختم دربی إو بگیت أعتمد بسعود

نسانی   إلچان  یدخل   علی بسعود

إشترید   إطلب   جسر  و  إعبر علیّه

...

إلتطالبنی إو ترید إحگوگ ملهه

لأن  گلبی  نفاهه  إو ترک ملهه

أحس دنیای  صارت حیل ملهه

إو  کل   یوم   إلیمر  زاید أذیّه

...

إلمضایف گعدت  إلخوّان حلهه

إو عید إبیوم تلتم  جمع حلهه

إلمشاکل بإلصبر  بإلعگل حلهه

إلعتب یشعل إلنار إبکل ثنیّه

...

إلعبر   عیله    إبغلاته   إو   عبر جبله

إخو خیته أرجوک  کاس  إلفضل جبله

إلیحصره إلموت إطرحه إو  عدل جبله

إلعلیه  ضیم   أعتقد    داره   إبوصیّه

...

إلطمع و إلشر خصم  ضدّک مهالک

إستریح   إرتاح   چا   مالک  مهالک

إفلوسک  ملکک   إو دارک مهالک

أعمالک  و   إلگبر    یبقن    تچیّه

...

إکل مر و إشرب إلمر ضوگ مرته

جبان   إلحاط   شوره  بید مرته

إخوک إلحید  تگطع  لیش مرته

إلیسد فیّه بطل  صاحب حمیه

حشی إلقاری و إلسامع

...

إلیعد روحه گمر و إنگلب لالا

ذنبه إبطن  بیته  إشتعل  لالا

مرید  إلعافنی   بإلضیج لا لا

إلی  مرفوض  إلی   یوم إلمنیّه

إمن أموتن لا یجی دفّان إلیّه

...

روحی  إلکلهه  غیره   من یملهه

إنعرفت  من  حملهه  من یملهه

إلعایز کافی  لحظه  من   یملهه

تحل کل مشکله منذوره لحباب

...

إمگمّر    ینخبز    للضیف    عشنه

 إبریسم  فوگ  عالی  إلجبل عشنه

إلحمد للّه إبسلامه إو  فخر عشنه

علی  إعناد إلحثاله إلتلهم  إتراب

حشی إلقاری و إلسامع

...

إلدنیا   إسوار   موطه      منهه بالک

إذا    تحثر     تسحگک    منهه بالک

أحذرک   لا    تطمعک    منهه بالک

إترکهه إلکل غبی إلداس إعلی أخیّه

حشی إلقاری و إلسامع

...

علیک   إلعین   دم   صبّت و هالت

إبجفاک إلسانی بس بسمک وهالت

إلسعاده  إبحبّک  إندافت و هالت

صعب   فرگاک    یألمالک    خطیّه

...

أدگ  و ألظم  گصاید  وأجر  و نهت

و أحس   دنیای  بیّه   إحثرت ونهت

إلحد  یا  یوم أصبر   إلگلب   ونهت

أدگ و أصفگ علی إلراح إمن إدیّه

...

ثگل حبّک  وإلی من  ذهب منّک

مرار إلشفته مو  من  خلگ  منّک

تعذّب  گلبی   زاد    إلقهر  منّک

عفاء إشسوّیت لی  وإتمن  علیّه

...

إلطبیب   إدواه   ما  یثّر    شبعنا

إشترکنه   إویاک   مکسبنه شبعنا

بعد بس کافی  من  حبّک شبعنا

عذاب  إو  ضیم و إفراگ إو أذیّه

...

ثقیل إو  طایح   إبدربک   و جربک

بعید أنت إبحسب ذوقک و جربک

من   حقی   إلفظ إبضدّک  وجربک

ردت   أفهم   کلام      إلرد     علیّه

...

أون  وأنت   تون   هالون    بلانه

مو أنت  إلسبب   و  إتحن  بلانه

إلفتن و  إلشر  فقط  یفرق  بلانه

إو حسافه إویاک طابگهن سویّه

...

إضعون   إلسیّرن   یا  صوب ون ون

إبزلگ و  إبمای بعدن علی ون ون

یگلبی بس  علی إلطیبین  ون ون

لإن    إعیونهم    تمطر      حمیّه

...

تحب  عینی  إلنجابه   من یهلهه

إخلاف  إفراگ  غثهه   من یهلهه

تحن و إتشوف أهلهه من یهلهه

متی إو  یا  یوم  تجمعنه إلهویّه

...

جاسم ثعلبی ألحسّانی 15/08/1400

 

 



:: برچسب‌ها: أبوذیّات و ذکریّات ,
:: بازدید از این مطلب : 833
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
ن : جاسم ثعلبی (حسانی )
ت : شنبه 15 آبان 1400
.

صفحات
نویسندگان
آرشیو مطالب
مطالب تصادفی
مطالب پربازدید
چت باکس
تبادل لینک هوشمند
پشتیبانی