إبوذیّات حب إلراحلات
إلفکر مشغول بیک إلصبر گلبه
و أحس مشتوی إبنار إلشوگ گلبه
إکشفه إو شوف بیه إجروح گلبه
إبعلاجه أرجوک لا تبخل علیّه
...
إبغیابک گلبی مر إبفکر مرسال
إو دمع عینی یدث عألوجن مرسال
رحت ما وصل منّک خبر مرسال
مراسل ماکو لو ناسی إلخویّه
...
إجیت إو رحّبت لک حیل ونّه
ضفتنی إو کثّرت بإلگلب ونّه
نسیت إو واعدتنی إبوعد ونّه
أنتظر توفی إلعهد و إترد علیّه
...
غرام أنت إو گلب منحدر ویخل
شرار إعیونک إیشع بدر ویخل
تهت بامالی تمطر قهر ویخل
رحت بس ذکریاتک تبغی إلیّه
...
أرحب ّبإلقصدنی إو یمر ولکام
بإلکیف إیتهنّه إبأمل ولکام
إلبعدوا علی وین إنتهوا ولکام
شجاکم لا خبر لا من وصیّه
...
إشکثر تمطر غضب بینه یشتنه
بسکم من إلمناطح یشتنه
إلحرق و إلقتل میلمنه یشتنه
تسلّح بإلعگل حکمه إو هویّه
...
ألحرگ مو منّه و إلدگ ناس ونساب
إلجازه إخوانه بإلنچبات ونساب
إنتمی للإمّه بأصل إو فصل ونساب
إتحلّی إبصبر عوف إلطائفیّه
...
إلطمع بإلدنیا گام إیچیل بألمای
إشمداوی إجروح أحس مختنگ بألمای
وعدک وین تنجی إلغرگ بألمای
أیا وسفه إو صرت لهلک منیّه
...
إلیجرحک بإلزعل بإلصبر دوله
یموت إبصحراء کلمن گطع دوله
نصایح عندی مو مرسوم دوله
إلضرب مجنون مجنون إلهویّه
...
تراوی نفسک إشمحلاک ولفاک
إلچنت أتمنّی أظل ویّاک ولفاک
إمتحنتک تتفخ إعلی إهواک ولفاک
رحت و أنساک أحس مالک خطیّه
...
إلفتینی إلیاحد إتظمّه وسمّه
تحرگ نار لدقاته وسمّه
رخیص إو أجنبی بیعه وسمّه
جزاه إلموت إبو أفعال إلردیّه
...
تبلور و إکسب إلعزّه ولک حس
إلک بإلموزمه رنه وإلک حس
إلفتینی إسمومه من باشا ولک حس
تقبله إشلون إبن ساس إلبلیّه
...
سبت راجع تطشّرنی کلمتک
إبصبغ ثوبک تعرّب لی کلمتک
إلإصاله إبنار عدّت لک کلمتک
إبتعد من إلسبوک إکسب هویّه
...
روایه إلحمر ما صابت وعانت
إبوجودک شفنه ألف ضیجه وعانت
کثرتک أبد ما فادت وعانت
إلثقافه إتبنّت إدروب إلخفیّه
...
عذاب إلفرگه لو مرلک علی مر
إبغیابک و إلعسل حنضل علی مر
سمعتک گلت من تمطر علی مر
إبأمل یم إلنهر نگعد سویّه
...
إبگبور إبطالنا نامت و حالت
إبقصور إلصوصنه گعدت وحالت
إلحد من هل جهل ناحت وحالت
إلوکت دمّرنه بسم إلطائفیّه
...
تعطّر گهوت إلشاطر لهلهه
إبمعانیهه إو تدث عینی لهلهه
أجر نهتات و أتحسّر لهلهه
إنتخوا بخواتهم و إحنه إبأذیّه
...
علم صیتک تعلّی إلفکر و إبشر
إمثقّف ما یجرّک زعل و إبشر
أنت أهوازی شیل إلراس و إبشر
لأن بأصل إو نسب ذاتک وفیّه
...
إلجاهل یقصف إبلا فکر فتنه
إو لا تندعی بإلمعروف فتنه
یموت إبذلّه کلمن زرع فتنه
تتبعه إذنوبه لو تحت إلوطیّه
...
تصلّی إتصوم تدّی إلخمس مسلم
إو تحاور دوم ضد إلظلم مسلم
إذا تندعی مسلم صیر مسلم
سفیر إلخوّه ما هاب إلمنیّه
...
شد إحزام ظهرک دوم بسلاک
إو لا تندعی إلشیمه إدواک بسلاک
یجیلک یوم أمرّک و أصر بسلاک
إلکرسی ما وفه إلشیخ إو رعیّه
...
متعنّی لیّه إو جای مای إو مطر سیل
نتمنّه تشرب چای گهوه إو عزف لیل
...
یا مرحبا بإلضیف و أهلاً بإلویاک
تاج إلنه فوگ إلراس کلنه إنتفدّاک
...
إبجفاک أنصب عزاء أحبابی سقمهه
إنغدرت إبطلقه من ذکرت سقمهه
جنونک جر دمع عینی سقمهه
کل یوم إبشکل تسبی إلبریّه
...
گلبی ما شهه إبخدّک ولا باس
و لا حبّک رغب ذوقی ولاباس
إنگطع حبل إلوصل منّک ولاباس
أعتقد هل مرّه صعبه إتعود إلیّه
...
چنت باصملک إبدمّی وعدلک
أظل ویّاک أباریلک وعدلک
تغثنی أبتعد و إتغشنی وعدلک
إنهجم بیتک علی هل قابلیّه
...
إعلی چتفی إهموم شایل همّی أنه
تساعدنی إعلی بختک همّی أنه
إمن أدگ بابک تگلّی همّی أنه
إطردوه مو وکتهه إیمر علیّه
...
إشمچیل إوعود ناگص طلع منّک
إعلی یا مال إلهدیته إو کثر منّک
إشگد أحمل عذاب إو ضیم منّک
إحترم نفسک بعد لتعیل بیّه
...
إخوتی و أشترک دایم بلمکم
إو عدوکم یود طشّتکم بلمکم
حقی أعتب و أمر بیکم بلمکم
ألحذر ثمَّ إلحذر جتنه إلبلیّه
...
إلعتب زاید علی روحی و ملهه
إو نست کل ضیمهه إو خلهه وملهه
أحس إتغرّبت شلهه وملهه
أنکروها إلما أجد عدهم حمیّه
...
یبن دیرة هلی إوسامک وحیّاک
إبسعاده أتمنّه أیّامک وحیّاک
ألک و أرسل تحیّاتی وحیّاک
سنه إجدیده إو فرح یلفی إلخویّه
...
گمر یزهی إبسماء إلسابع ولهلای
شفت طبعی إو ضگت شوگی ولهلای
إلفخر و إلزود لجدادی ولهلای
شجاع إو کرم و أسیاد إلبریّه
...
إبحلم و أتمنّی أزورنهم هلی وین
إو گلبی دوم ذاکرهم هلی وین
إشممر بإدار و أتنشّد هلی وین
یردلی إلصدء ما منهم بجیّه
...
جاسم ثعلبی ألحسّانی 12/10/1400
:: برچسب‌ها:
إبوذیّات حب إلراحلات ,
:: بازدید از این مطلب : 922
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
