سفیر الحب

غزل بنت المعیدی

بحر سد الدرب واشلون ازور اهوای

و اضباع الفله تبرالی عالشاطی

ارد اردود حاشتنی السباع ابغیض

اذا افوج البحر یستاحش ازماطی

الهوی طوفان مثل الجبل سد الشوف

او دخان المصایب حش زلف ماطی

شدانی الوکت مثل الطفل بالحاف

او لف لفنی ابعذابی او شد شد اگماطی

غرگت ابحلم حبی او صحت یا ستار

جاوبنی الصدا من صوتی متعاطی

بس بنت المعیدی اترش نفط عالنار

او تهمتنی ابحچیهه اعلی الخلگ صاطی

ولک یا سطوه یا حب یا غدر یا طیف

حریر اثیابک او تابعنی الغاطی

جاسم ثعلبی (الحسانی) 29/12/1393

غزل عتاب مع الحبیب

یریت ارجع طفل لجلک یمحبوب

و امشیلک زحف حتی اوصل احذاک

تعزنی الناس کلهه او مالی رداد

و ابوسک بالحلگ و اشبع حچی اویاک

و احل بیدی الشعر و اکشف نجم غاب

و اداوی اجروح گلبی ابهمست اشفاک

احس ابگلبی علوه اتغثنی باللیل

السبب شنهی حبیبی او گلبی راداک

لا چلمة صدگ عندک ولا شوگ

یذوب ابلعنة الله الگایل انساک

جمر حبک حرگنی او شوفتک عید

یمته او یا وکت قاولنی الگاگ

تتدلل علی و اتهزنی بالعین

خطفنی الشیب قل لی الحدمن ارجاک

عینک من صخر وارموشک ارماح

ترمینی ابغفل و اتگلی اهواک

ولک حتی الحدید ایذوبه الفراگ

عمت عینی اعلی گلبی الحامل اجفاک

الصبر علمته صبره او طومر اویای

یهدم اجبال فگری اوصبری غثّاک

احب ناطور اضل یم عتبت الباب

و اشوف ابیا سبب و الخنته اذذاک

اعتقد کل شی ابوجودک مرود او سیف

او تگص ارگاب ربعک و الله یبلاک

صعب کلّش صعب طبعک یمجنون

علی گلبی المهشّم فگری دلّاک

تنام اللیل مرتاح او تجر طور

و انا ابحلگ الشماته او حلمی زفّاک

انا اتحسّد النایم و احسب انجوم

مثل سمچه اببحر مسجونه باسلاک

حسافه اتدهورت لجلک یمیشوم

و انت امکیف او ناسینی طرواک

الوفا بالدنیا عینی الاخره اعمال

چا یمته آنا اشوفک گبری راداک

چا یمته انا اشوفک واگعد احذاک

جاسم ثعلبی (الحسانی) 27/12/1393

19/03/2015

هوسات هلی

هلی دیوانهم جنه هلی مرتفعه رایتهم

هلی یوم الکلافه اسباع بالصولات غیرتهم

هلی من حیدر الکرار الشهاده التبنی عزتهم

عید اکبر لو مات ابیومه

***

هلی دله او مضیف او سیف هلی بالحومه وفایه

هلی متحده بالقران هلی بیرق للولایه

هلی مثل الگمر بالغیم ما دنگ او ضم رایه

یحتار الما حسب بیهه

***

هلی مثل الگصب بالهور متعلین شیمتهم

هلی مثل الجبل ناطور و ایمثلون قدرتهم

هلی گمگم گهوته اتفوح و ایقدرون عشرتهم

و الما گدرها ایغص بیهه

***

هلی مثل النجم باللیل متحدین بالثایه

هلی کلمن غزاهم مات و امطهرین الولایه

هلی شاهدهم المنیور اخذهه منی الحچایه

للظالم  طوب او طیاره

***

جاسم ثعلبی (الحسانی) 27/12/1393

ابوذیات صارخات

القلم کسّرته بیدی ابسحت و ابچت

القصیده امن القوافی ارتخت و ابچت

جعلت اکنوز نظمی ابشلت و ابچت

دواوین الشعر نامن علیه

***

طلقه العین صارت لک و عت لک

الف زمزیر صحّت لک لک و عت لک

شجاع ابروضة الحاکم وعت لک

البراز اعلیک و انا الدف علیه

***

شچت للرب ظلمنه ونت هلنه

درینه العز ملکنه ونت هلنه

رمز للعزه ذچرک ونت هلنه

نعیش اویاک و انموت سویه

***

ترکت الما حسبلی احساب و ابری

بری من کل کلامه ابقسم و ابری

سلب من ذاتی حتی الخیط و ابری

یعرینی او یذب لومه علیه

***

النشاما الما شچت للضیم حیهم

ابدماهم شتلوا الصرخات حیهم

الغادرهم یثبت رکن حیهم

وگفه ایموت وایبوس المنیه

***

جاسم ثعلبی (الحسانی) 27/12/1393

ابوذیات تخص الخوال

البشر وکت الشداید کون کاظم

العنید او صوته یحرگ شجرکاظم

ذکرت الخال و اکد علی کاظم

الیعادی الناس ما یملک ثنیه

***

الصبر مر مرهم المجروح و الخال

ظریف او یشفی المطروح و الخال

ابیوم الکون اخوی الحضر و الخال

الصبر مثل الاخو یحزن علیه

***

شخلت البیه رده للناس منخال

حشا السامع نهگ ما صهل منخال

اعتقد جاری الحسب والنسب منخال

کدیش او ما یفکر بالقضیه

***

ابقهر و ابفرح خالی اویای یربای

اذکره ابیوم شاه ادوای یربای

احاه یادار وین ارحلوا یربای

شالو وین ما منهم وصیه

***

جاسم ثعلبی (الحسانی) 26/12/1393

غزل زیل الشکه

زیل الشکه عنّی و انعل الشیطان

اخوک او ابن عمک وارجه معروفک

ابدیوان القصاید ثبتت منوای

و اشوفک بالغلط تغرگ او ما اعوفک

تتمرجح علی مثل الطفل جنیت

و ابنار الغرب متخبی ما اشوفک

کتلنی المستحی والغیره و الشمات

او باب الخوه نازل من سدر طوفک

اشد و ارگع مشاکل و انت نایم لیش

قاضی ابکل سمای او خایف ایحوفک

ابن سید العشیره او ما اهاب الموت

تذکر همتی من رکس مشحوفک

هذا انا الحنین ابدمی اکتب فوت

دگت الباب تخجل من تجی احروفک

شتلتنی الحساده او صرت بیضه ابطین

اذا احوس انکسر و اتحنه بازلوفک

جاسم ثعلبی (الحسانی) 26/12/1393 

غزل ادموع الحزین

صح عندک جمال ایخبل الیمشون

بس عندی الوفاء او عندی الامل رایه

تحوچ اتخربص او تشتل زعل بالعین

اشبناک اتدث غضب ما عندی تچایه

هاک انثر مطر و ازرع شلب بالسوگ

ما یکفی الختل بالصبخاء رمایه

ادیه اترش عنب و اتسالم البلام

ما اریدن عبرتک گمری الولایه

 الهدالک نار کبری اتضن ختل بالغیم

علی اعثوگ النخل و ابگلبه دگ ثایه

تشوف الناس رمده و الوکت چانون

شرار احزانها او بالگمر شچایه

غرگ مرکب فرحنه او عانقاه المای

و ادموع الظلم بالدله صب چایه

الدهر کتر خواته او حاسباه العوز

لو دگ التفگ تشرد الحمایه

حلم تبغی الغنایم و الضباع السود

او یبغی ابن الوطن واجنوده وفایه

او یبغی ابن الاصیله الحامل الرایه

جاسم ثعلبی (الحسانی) 25/12/1393

غزل القمر

روح او داعت الله او لا تعود ارجوک

لان بیدک گلب مجروح طمیته

سمعت اتگول احبک بس حچی بالسان

هذا الحب یغاشم وین تالیته

تفتل بالفتن و امعلی صیتک فوگ

لا همک شجاع او لا اعزوبیته

تعال اشنط کلامی و ارتکب ماسات

ولک حتی النفس من عندی سدیته

المای الدار و الموگد نزف للموت

عطشانه الشطوط ابکثر چالیته

تعال اشتم هوانه او ما نهاب الغیض

متعلگ نصرنه ابزود حوریته

رجال الحاربت بالدله و الفنجان

ما تنقص بواری للستر بیته

هذول احفاد حیدر و الدرب مفتوح

الغصبهم والله زایل لثگه بالحیته

الگمر متهنی دایم لو سقط ما غاب

زوده امن الشمس و امعلی چفیته

زوده امن الشمس وابظلمه زفیته

جاسم ثعلبی (حسّانی) 25/12/1393

غزل ما عندک وفه

بسّک لا تفخخ گلبی کله اطواب

اخاف اعلیک من تغفل یثنیلک

یهدم ارکان حبنه او یشعل النیران

و ابطلقات ما ترحم یغنیلک

نذرتک جوز منّی او لا تطم البیر

خل مایه العذب من دمعی یسگیلک

ما عندک وفه او تتعیل اچندوب

الحدمن یا محب غافل واواسیلک

تبسّم للفدالک روحه و الدلال

او حطه ابدون منّه او خله ابعینک

تتجاسر علی و اتوز ذلال اشباح

ما اخاف الغدر ناظر و اهنیلک

ودی اشما ترید اتحارب اهل الجود

حمام الدوح طایر صوته یرویلک

اذا جیشک عمامک و الحسد و العوز

انا جیشی الشجر و البحر یحچیلک

جاسم ثعلبی (الحسانی) 24/12/1393

ابوذیات الضیوف

ارحب بالگصدنه ابشرف فاضــــــل

یستاهل مکانه الگلب فاضــــــــــــل

حضرنه او من علینه ابعرس فاضل

نشارک یوم بفراحه الزهــــــــــیه

***

هله باللبه دعوتنه و سرنــــــــــــه

او علی اعناد الدهر هلهل و سرنه

بنه دار الفرح عدنه و سرنــــــــه

عزیز او شوفته عنت علــــــــیه

***

تمرحب یالضفتنه او جیت و احلیت

او زلت کل الهموم او طبت و احلیت

مثل سمچه ابشبچ خاورت و احلیت

ابجاهک والفرح گوطر علیـــــــه

***

الگمر و انجومه ضافانه و مرنه

او زال اهموم عشرتنه و مرنـــه

علی احباب الگلب سرنه و مرنه

او عزمنه الشمس مطبگ و الثریا

***

جاسم ثعلبی (حسّانی) 25/12/1393

غزل حب و عذاب

تروح او داعت الله او خلنی اموت اویاک

اسجنّی ابغمزه وحده او دمّر اسنینی

وینه الشد گذلته ابرایة العباس

وینه الگال من اضطر یسلینی

عفت المستحی او عفت العهد و القول

اندفن بالسکته ذاتک ما تحاچینی

صرت مغزل تدور اعلی الغزل دوّار

لفنی الضیم منّک ما تشچینی

اصیح الله و اکبر و انت بیدک سیف

سهم وسط الگلب عارک امدمینی

ادگ احدود حیطان ابموانع نار

اطمیعی اتحوف دلالی او تعازینی

اخبرک مانی سید و البخت بالراس

اشور بیک اشور بشره خلینی

حسافه العمر خلص و الگبر مفتوح

چا علمته اشلونه الیاذینی

چا علمته اشلونه القصف عینی

جاسم ثعلبی (الحسانی) 23/12/1393

هدیه الی صادق البوغبیش

ابوذیات عتاب و القاب

استعد للصادقک و املک و خیلک

ستر صایر لک او اهلک و خیلک

جعل گلبه جسر لجلک و خیلک

ضباع اعداک تلفتّه ابردیه

***

احبک واحب طاریک و حیاک

واحب اتمر علی طارش و حیاک

انکرتنی او عاشرت غیری و حیاک

اشفت منّی او ترکت الهم علیه

***

الروح اتفشکلت لجلک و طارت

تخزّن بالفکر سارت و طارت

اسدن عیله گالو ذیچ طارت

اسدن ذیچ های اتعم علیه

***

من هو الدردش افکارک و جارک

او جعل صیت الخلگ دارک و جارک

اختبر عقل العلم ناصح و جارک

روایت حق تضل صامت بدیه

***

جاسم ثعلبی (الحسانی) 22/12/1393

غزل حب و غرام

ما احس اببرد لو انت یمی اتصیر

ولا احس ابعذاب او انت تبرالی

مثل مای العذب تصعب علی العطشان

سکوتک دهورانی ابقوه شل حالی

اود اویاک اسولف و اکشف الاسرار

احب افضح غرام امن اول او تالی

الحد من ما تواسی او لابد اچندوب

انهض و اندعیلی و انصر امالی

اودک و اقبل اباسمک مزاری صار

امن افراگک حبیبی انزرف دلالی

دگ باب الحزن خل یشرد امن البین

او کض الورده بیدک و اجلس احذالی

الف بوسه التطلبک و الف شمة لیل

لو انام اعلی نارک والله اشوالی

کف المستحی و اکتب علی الجدران

احبک یا حبیبی انقذنی یالغالی

جاسم ثعلبی (الحسانی) 22/12/1393

بطاقة عرس

ریاح الفرح هبّت و ابتسم الـــــــــــــــــــحزین

و امطار الضیوف ندت و اطربت العــــاشقین

افرشت الارض عطراً من البنفسج و الیاسمین

بسمت العریس هجّت و رحبّــــــــت القادمین

دقت الساعةُ رنینها ، و اجتمع الاحبةَ حولها

و دبّر الرحمن وقت زینتها ، زواجا مثّل الشمس والقمر

و حیّر الزمان و الغدّر ، بافواه الاحبة هلهل و انتصر

الشاب:

الشابه:

حضور الاحبة یسرنا و الدله و الفنجان تعانقنا

و صوت العندلیب یهزّ عواطفنا ، و الجود والاحسان یکرمنا

و یاتی بنا الی:

یوم الزفاف:

العنوان:

النقال للاستفسار:

بقلم الشاعر جاسم ثعلبی (الحسانی) 21/12/1393

غزل مدح الحبیب

هواک اشگد لطیف ایغازل البستان

او زلال المای یجری امن الورد مایه

علیمن شبچت ارموش المطر باللیل

شعاع اعیونها ایحطم الرمایه

شمس شنهی الشمس و العاتباک ایهیم

مثل غندیل صایر ضی للولایه

تحکّم بالگلب و اشتل زرع نیران

او خل اجنود حلمک ترفع الرایه

اصیح ابصوت احبک و انت خاتل لیش

جاوبنی ابصراحه او کمل الحچایه

امحزم بالشجاعه ابعهد ملک الموت

یضل گلبی الوحید الیقبل ابرایه

حمام ایغرد ابصوت الشجر و المای

او شایل فوگ تاجه النجمه و الغایه

یهل دمع الحنین الفاگد الخوان

او یزلزل کل خیانه التشلع الثایه

ولک ملیت انوحن و انت رابض لیش

و ابگلبی الرمح و ابعینی سلایه

جاسم ثعلبی (الحسانی) 21/12/1393

هدیه الی جمال عاشور الساری

قصیده فی حق الخوان

هله ابلمت اخوتی البیهم اکفایه

جمعهم بالحوار ایسر الولایه

***

جمعهم بالحوار ایسد درب شرهم

جلید الخوه ذایب دافی ابحرهم

طوّر بالقوافی او نثر شاعرهم

باسم رب الجلاله رافع الرایه

***

باسم خوانه شایل بیرقه ابداره

باع اوجوده کلهه او کرم خطاره

قمر ضاوی العشیره او کاشف اسراره

امحزم بالمعانی او ناطر الثایه

***

امحزم بالمعانی او ما ینام اللیل

لا هزه التحرکه لا مطر لا سیل

یزف اعلام حربه من صهیل الخیل

محزن من عمامه البگت ودایه

***

محرن من عمامه التایهه ابغدران

تفتل بالعداوه او تشعل النیران

ما یقبل تگل للتایه الخسران

یخربط بالکلام او صعبه الحچایه

***

یخربط بالکلام او زوهرت باللیل

یسعل چذب و ایدور علی المندیل

یجی باعذار بشعه بس یرید ایشیل

مثل سمچ النگر ضل یخبط ابمایه

***

یخبط بالعمام او یترک الخوان

ما یقبل کلام الناصح الصدقان

دوم الدهر متحزم عبث زعلان

وکت الموزمه بس روحی وفایه

***

اناشدکم یخوتی الیوم شدوا الحیل

زیلوا کل خبثکم قبل جیت اللیل

اذا حدثت مصیبه گلی وین انشیل

انتکلوا علی الباری الیرحم ابرایه

***

انتکلوا علی الباری او زیلوا محنتکم

ارفعوها السواعد و ابنو خوتکم

فخر النه یخوتی او تاج جیتک

شباب او بالکلایف چلمه رمایه

***

احس اهل المضایف هوست بالدار

و احس بیت الظلم وکت الفجر منهار

ثمن للخوه خللّک مو گطع منشار

المراجل طومرت و الدنیا شچایه

***

جاسم ثعلبی (حسّانی) 19/12/1393

هوسات الخوان 2

شد حبل الموده او باشر الخوان

انصحک دوم لا تغلط عبث یفلان

الدنیا صعبه صارت ساجن او سجان

شد حیلک لا تورط بیهه

***

اخوتک عینی اخوتک عینی خوتهم

تزیل اهموم گلبی ابلحظه جمعتهم

مثل نور الشمس باللیل شوفتهم

طیع الحگ و اکسب شاراته

***

امک ما تجیب الراح منک دوم

اخیک دیر بالک لا تضل مهموم

و ابوکت الکلافه ابخاطرک مظموم

احفر کل علوه او ساویهه

***

هل یاجد بطل بالدار لو اگصص گصایبهه

او هم یاجد اسد بالبید وینه الیبگی صاحبهه

رایه او باسمک اتداویک لو جرحک یعذبهه

مرهم وایشافیک ابیومه

***

الخوه مو طمع و اعذار الخوه امن الفلس تبری

الما عنده اخو یا ناس فقیر او یکسر العبره

یلوذ ابسد حماة البین الخیر لو نفذ صبره

ابن امی او تاج العنوانی

قالاها الشاعر حسانی

مکتوبه ابدم ابدیوانی

یوم الملزومه ابن امی اتدلل

***

اضرب لک مثل و اتبلسم احروفه

مثل عباس صیر امگطعه اچفوفه

لخوه احسین ضحی و اده معروفه

ما طخ للذل و اتصداله

***

جاسم ثعلبی (الحسانی) 20/12/1393

اغنیه فکاهیه عید و ایامه السعیده

ابلّغ حبیبی فی ثنایا القلب منزلهُ

ینموا کما ینمی الفواد جماله

العید طبّل و استضاف محرماً

شمس الشموس و اضمحل دلاله

فرّ سجین من کابوس مغرمٍ

یتیم الزمان و استعاد حلاله

تدحرج من وادی السلام برغبتٍ

فرش الجنون لقدومه سلاله

***

تعال او شوف اخبل الشمس و الفای

اتبعک ما یهمنی المشی و الفای

اشلفاه الیوم ما مر علی ولفای

الیوم العید و اتاخر علیه

***

التاه منّی الیوم اریده ، عید و ایامه السعیده

***

عید افکّر بالحبیب ، دمعه بعیونی او تغیب

و انتظر جرحه الیطیب ، غیضته صارت شدیده

الراح منّی الیوم اریده

***

ردت اقدم له الوصیه ، ینتدم و ایمر علیه

و اعتقد عنده شچیه ، چمل اهمومی ابمزیده

التاه منّی الیوم اریده

***

عایدتنی الناس کلهه ، ابولفی محتار او شگلهه

مشکله او محد یحلهه ، کسّر اگلیبی ابنحیبه

التاه منّی الیوم اریده

***

اشتاق گلبی او عایدتهه ، ابدارها او غصبا زرتها

امحزمه بالشر شفتهه ، امها وزتها العجیده

التاه منّی الیوم اریده

***

یا جماعه اریاگی حنضل ، ابعدت عنها او الله یستر

ابوها یبرالی او تکتر ، بیده لازم له جریده

التاه منّی الیوم اریده

***

بیدی چفیتی او سبحتی ، صارت ابهمه طلعتی

ضحکتی ضمت فشلتی ، الله یرضالچ یحیده

التاه منّی الیوم اریده

***

من الحان و بقلم الشاعر جاسم ثعلبی (الحسانی)

18/12/1393

دوبیتی دلم و دلت

دلم چون برگ زیبای بهار است

دلت با درد و زاری سازگار است

دلم سردار نیکی های عالم

دلت قلب خیانت ماندگار است

***

دلم معمار قصر دلربایی

دلت ناقوس جنگ هر جدایی

دلم استاد صلح باد و آتش

دلت زنجیرو طوق بی وفایی

***

دلم باغ شقایق در جهان است

دلت دیوار سنگ پاسبان است

دلم مهمان نواز خاک و خاشاک

دلت یک مار سمی بی زبان است

***

دلم ماه شفق در ظلمت یار

دلت چوب وطناب و ذلت و دار

دلم چون پای هر بی پای تنها

دلت سرباز راز دست مختار

***

دلم در زندگی آزی ندارد

دلت درخست و سازی ندارد

دلم داروی هر غمدیده در شب

دلت با هموطن بازی ندارد

***

دلم آتشفشان بر ظالمان است

دلت خفاش خون اشام جان است

دلم خلوتگه هر با خدایی

دلت شمشیر قتل مردگان است

***

دلم محتاج نامردان نبوده

دلت درز خیانت را گشوده

دلم نقاش خوش طبع بهشت است

دلت ارث و حقایق را ربوده

***

دلم بیمار رنج و بینوایی

دلت استاد سنگ هر جدایی

دلم آذوغه و اشک یتیمان

دلت قبر و کفن گوی بلایی

***

دلم سنگر دلت اخگر پر از دود

دلم محضر دلت ابتر و نابود

دلم مرغ سحر غسلش کمال است

دلت فرعون و شمر و شاه و نمرود

***

دلم محراب عشق یادگاری

دلت تسبیح ذکر ماندگاری

دلم چون ماه می تابد به دریا

دلت چون شمع خواب کنده کاری

***

دلم موشک دلم خنجر دلم تانک

دلم ماذن دلم نشکن دلم بانک

دلت مخمور مستی های عالم

دلت مانند گرگ شب خطرناک

***

دلم مثل ستاره می درخشد

دلت حرف و حسابش حرف ابجد

دلم میزان عدل و داد و بخشش

دلت زندان و وحشت می پسندد

***

جاسم ثعلبی (حسّانی) 18/12/1393

ابوذیات اخوان و خوات

اخوی الی گطع سری و ردنی

او شکیت اهمومی اله او سبنی وردنی

دعیته ابحق جعل سیفه وردنی

شسوی للهظمنی او خان بیه

***

اخوی الکسر جنحانی و هدنی

او علی درب الخطر زتنی و هدنی

ابمشاکل غفره دولبنی و هدنی

یدلع بالحچی او ذاته ردیه

***

اخوی الما حسبلی احساب و انساب

حفر حدری او سقطت او غاب و انساب

حسود او زامطانی او تاب و انساب

شسب و المسب مرجوعه علیه

***

اخوی التابع اعدائی و رکنی

او هدم مضمار دلالی و رکنی

کسر هشّم فشخ راسی ورکنی

ما اریده ابنفاه ایمر علیه

***

جاسم ثعلبی (الحسانی) 17/12/1393

لطمیه : فارگتنه بحق السیده الزهرا سلام الله علیها

فارگتنه ، فارگتنه ، فارگتنه  الحنینه فارگتنه

حزنتنه ، حزنتنه ، حزنتنه الحزینه حزنتنه

***

مطرت الدنیا زلازل ، او شید ارکانه النظام

یا دهر وین الفواطم ، اطفال طماها الرکام

و الکفر طوّر چلمته ، و اندفن بیت السلام

الزهرا دره او کت دمعها ، او غرگت اقصور الظلام

فارگتنه ، فارگتنه ، فارگتنه  الحنینه فارگتنه

حزنتنه ، حزنتنه ، حزنتنه الحزینه حزنتنه

***

سیف ابن ملجم نطرها ، و الشمر گطّع چبدها

اطفال عطشانه او یتامه ، و الکفر حرگت سلفها

و العلیل ایجر کلامه ، اماسره زینب شفتها

و الچفوف ابرمله باتت ، و المذابح عذبتها

فارگتنه ، فارگتنه ، فارگتنه  الحنینه فارگتنه

حزنتنه ، حزنتنه ، حزنتنه الحزینه حزنتنه

***

العالم ایباشر صداها ، و الفکر عطّر صلاته

الزهرا تمره او شب هواها ، و الحلو یتبع حلاته

درست اخلاق الامامه ، او طاعت الباری او صفاته

صیت ابوها ابحگها یشهد ، ام ابیها ایدل ثباته

فارگتنه ، فارگتنه ، فارگتنه  الحنینه فارگتنه

حزنتنه ، حزنتنه ، حزنتنه الحزینه حزنتنه

***

من وکر دلت حقیقه ، هم شفت عاقل یطیر

ابشجره ضخمه او بیهه والی ، حکمه تلعب بالمصیر

الزهرا ما ترکت عربها ، الزهرا بیت الکل فقیر

او حب علی عادل قضاته ، و الجرح غث الامیر

فارگتنه ، فارگتنه ، فارگتنه  الحنینه فارگتنه

حزنتنه ، حزنتنه ، حزنتنه الحزینه حزنتنه

***

اتوسدت دیران اهلهه ، و العمر یرسم نجاح

حض ابوها اسکت غضبها ، و النصر بالدم مباح

و المااسی و الحساده ، فوگ رس الذل رماح

ورده و اببستان تزهی ، عطّرت کاس الفلاح

فارگتنه ، فارگتنه ، فارگتنه  الحنینه فارگتنه

حزنتنه ، حزنتنه ، حزنتنه الحزینه حزنتنه

***

شاعر اهل البیت :

جاسم ثعلبی (حسّانی) 17/12/1393

بطلب من الرادود عباس سلامی

ابوذیات ترک الحبیب

احبک و احب تبغی اویای جنبای

او خدمتی العسکریه اوصلت جنبای

انتظرنی من بعد سنتین جنبای

العهد لتخونه و انت اقسمت بیه

***

روح او داعت الله ادعیک یحماک

و اذا خنت العهد و القسم یحماک

ابنار الحب تسل و الجاک یحماک

اشتضن مثلی یودک رد علیه

***

اودعک لو تضل خاین من اعداک

تفرزن کلمن ایحبک من اعداک

ابظلام اهموم اضل عایش من اعداک

مو سهله الیود یترک خویه

***

سمعت اخبار من شامت و جاراک

تخیب الظن تسل گلبی و جاراک

تسد الباب للزارک و جاراک

نسیت اویای صدقتنه الزهیه

***

ترکت الدار الک و الهم ولا اعود

فلست امن احسن احبابی و لااعود

سگیت اوذبل بستانی ولا عود

الثمر للغیر و انه النار بیه

***

یگلبی لا تضن تسلم و عافاک

وفیت او قدّرت حبک و عافاک

یجیلک یوم اگص عرگک و عافاک

واسد درب العشگ لا یمر بیه

***

جاسم ثعلبی (الحسانی) 17/12/1393

ابوذیات  قاتلات

الاسد یبغی الاسد ما یخل بامره

و لا بدّل عجید الگوم بامره

تگوم اجواد و اهل الکرم بامره

او یضل تاج الفخر و اشهد علیه

***

علیه لا تمر ضیمک و مرضاک

شچیتک تظهر اجروحک و مرضاک

الدهر امر علی گبرک و مر ضاک

کثر همک او گمت اتعیل بیه

***

ختل تختل تصید احیاد و امجاد

خریرک ما یضر اسعاد و امجاد

استاد او کلهه تحلف بیه و امجاد

بعد شنهی الطریر ایذم خویه

***

اشهدالک من هوالک من تعدنی

اشیصیر اویاک زاهد من تعدنی

علی الشینات بالک من تعدنی

اصورک بالشعر من جد لبیه

***

جاسم ثعلبی (الحسانی) 16/12/1393

ابوذیات تحریر الکلمات

سماک ایدث علی دخان و تراب

علی و اتکبّر اهل الفتن و اتراب

دمعتی مو حلیب ابوعاء و اتراب

مطر عینی یغرگ اهل الوطیه

***

حمل مستقبلی صایر و هم بیه

فرشته اباجمل اثیابه و هم بیه

الاحبهم بحروا ابذوقی و هم بیه

اعوف الضیف لو اعوف الخویه

***

امدثّر ما حیا المیت و لا حاس

المغسّل و الچفن ضکّه ولا حاس

اشمندهه ابلمعة اشعاری ولا حاس

یگلی فوت و ادلل علیه

***

یتیم الصالح الظالم و رعداه

المطر من البحر صیته و رعداه

الیعوف الزین بهمومه ورعداه

یفوز او ربه یزهر له الثنیه

***

اخبرک طوّر احلامک و علماک

انتظرتک تنشر افعالک و علماک

اضّرک لو خنت وعدک و علماک

السجن واعدام اجرهن تاج الیه

***

حمل گلبی اشکثر نچبات و عذار

او ربط حقی ابتهایم نکس و عذار

مو حگی التریده الربع و اعذار

حقوق الناس لا تحمگ علیه

***

جاسم ثعلبی (الحسانی) 15/12/1393

ابوذیات ریح الفاطمیات

اود المصطفی او صهره و زهره

او حنانه ثابت ابگلبی و زهره

لون یاسع جرف جرحی و زهره

و اریعه ابدمی لو یسمح الیه

***

الزهرا کوکبه او وردت و حاطت

او علی ادیار الکفر سارت و حاطت

وحی من النبی کسبت و حاطت

ام ابیها او نعم حگهه ام الزچیه

***

علی خیبر شلع بابه و هدماه

او جلب صیت الخصم من ذل و هدماه

ابحروبه امّن اصحابه و هدماه

تحل له الزهرا ابو اسرار الخفیه

***

خیالک ورّد ابگلبی و صبنی

ابرمح و ابنار هدفنی و صبنی

شبه تمثال مثل بی و صبنی

او جعلنی انطر حریمه ابلا تچیه

***

الزهرا ما شچت للغیر ، عتبتهه او مااسیهه

تدری من تذیع اخبار ، یهز الکون والیهه

سیف الذوالفقار ایلوج ، یبرج من حوالیهه

سکتت للحق لاخر لیله

حیدر من هد اتباریله

او بمصاب اولاده اتعازیله

ما ضاع الحد بیه ناطوره

***

شاعر اهل البیت :

جاسم ثعلبی (الحسانی) 14/12/1393

فاطمه سیف انا الحق

فاطمه ام ابیهــــا ، فاطمه نورِ ســـــــــــــــتاره

تو فضای عاشقی هاش ، مثل او هر گز نداره

***

فاطمه گلشنِ رازِ ، فاطمه دریای ابجد

فاطمه عطر شقایق ، فاطمه بنت محمد

***

تو دیار بت پرستی ، این شفق غرق وفا شِ

درِ حرمتش شکستن ، گریه هاش جام عزا شِ

***

همسرِ فاتح خیبر ، دلبرِ شهید محراب

فاطمه اصل امامت ، فاطمه یه ماه شب تاب

***

فاطمه صدای مظلوم ، فاطمه شکسته بالش

فاطمه سیف انا الحق ، فاطمه عدلش کنارش

***

تو کتابِ درد و زاری ، رازِ گفته هاش شنیدی

با سقوط طفل پاکش ، رنگِ  دندهاش ندیدی

***

میخ در بوسیده جسمش ، زخمِ گرمِ خونبها شِ

با سقوط این پرنده ، تو قفس شکسته پا شِ

***

شبی با علی و تنها ، جسدش، دردش، تو خاکِ

قبر اون مزارِ گرمِ ، این فرشته انس پاکِ

***

جاسم ثعلبی (حسّانی) 14/12/1393

دوبیتی حس جوانی

خوشا روزی به ایام جوانی

گذر کردم زمانم ناگهانی

جفا باریده بر دل درد و وحشت

خیالم خواب دیده شادمانی

***

دلم در تور درباری گرفتار

به فرمانش صدا الوده بسیار

نه خشکی جای خوشحالی نه در آب

نه سالم زندگی کرده نه بیمار

***

خوش آمد ماه طنازان خوشامد

سحرگاهان به همازان خوشامد

نرو هرگز بمان در دیدگانم

اگر رفتی نم و باران خوشامد

***

خدایا من چرا باید بنالم

به غم آلوده شد فکر و خیالم

خدا ترس و خدایار و خدادوست

چرا کوتاه کردی پر وبالم

***

جاسم ثعلبی (حسّانی) 13/12/1393

لطمیه : آه واویلاه فی رثاء الحوریه الانسیه

آه واویلاه آه واویلاه

فاضت فاطمه بالحزن والهم ، یا گلبی تالم

لو کان الخصم بافعاله یندم ، ما حدثت محرم

***

شعّت الثوره العظیمه ، والنصر زار الرجال

و المدینه اشتد عزمهه ، ابصوت الماذن بلال

و المطر غسّل بردهه ، الارض زهرت و الجبال

و الرسول اعلن کلامه ، الشمس طالبهه الهلال

الرب حمدهه ، و النبی عالم معلّم

آه واویلاه آه واویلاه

فاضت فاطمه بالحزن والهم ، یا گلبی تالم

لو کان الخصم بافعاله یندم ، ما حدثت محرم

***

فاطمه بنت الرساله ، فاطمه ام اوعهود

درست الحق ابکماله ، فاطمه نور او صمود

والحسد خاتل خیاله ، و الخیانه اتجر حدود

حقهه حقهه ، بس علی فارس مخضرم

آه واویلاه آه واویلاه

فاضت فاطمه بالحزن والهم ، یا گلبی تالم

لو کان الخصم بافعاله یندم ، ما حدثت محرم

***

طاف ابن شین العشیره ، او عتبه ضمها

بعد ابوها اشتد حزنهه ، او ما رحمها

کسر ضلع الزهرا ضرها ، هیه و امها

عالی عالی ، عالم او شاهد معظّم

آه واویلاه آه واویلاه

فاضت فاطمه بالحزن والهم ، یا گلبی تالم

لو کان الخصم بافعاله یندم ، ما حدثت محرم

***

من رفس باب الانیسه ، من تجرع بالکلام

من هدر دم الحواری ، من خطف جاه الامام

وینه المحسن ینادی ، الظلم دگ دار السلام

حگهه تحزن حگهه تعتب ، شیعة الزهرا الکرام

مخفی ظلهه ، سرها مدفون او تکتم

آه واویلاه آه واویلاه

فاضت فاطمه بالحزن والهم ، یا گلبی تالم

لو کان الخصم بافعاله یندم ، ما حدثت محرم

***

یا علی وین الشهامه ، او سیفک ایسر بالحروب

الزهرا صاحت وانت یمهه ، او صیتک ایسد الدروب

من نبیک عهد عندک ، او عفیه صبرک ما یذوب

خفت دین الحق یداعی ، السکته صرخت لا تروب

هسه هل هلهل حربنه ، الطاعت الرب و انت سلّم

آه واویلاه آه واویلاه

فاضی فاطمه بالحزن والهم ، یا گلبی تالم

لو کان الخصم بافعاله یندم ، ما حدثت محرم

***

شاعر اهل البیت :

جاسم ثعلبی (الحسانی) 13/12/1393

اغنیه یا ریم الفله

احبک و احذر اوصالک سماراک

مثل ضی الشمس نارک سماراک

کحل وابعین خطارک سماراک

تمرود بالگلب و النار بیه

***

بحر گلبی ابمحبتک قار و نهار

الصبر مرمر بنیته او جار و نهار

عبرت اشطوط غفره او عار و نهار

تبعتک و انت لیش اتخون بیه

***

یا ریم الفله یا ریم ، یا معمار دیرتنه

شمس واعیونک الحلوات ، باسمک تعلی رایتنه

امن اطباعک شکیت اهوای ، طیع او شوف صدقتنه

صخر مرمر صعب فرگاک ، ما تنوصف محنتنه

***

حرت واتعذبت ویاک ، روح او لا تبارینی

اشم ریحت عطر بچفاک ، اخیرک لا تحاچینی

امن اعیونک تجینی اسهام ، ترمی او دمرت عینی

هذا آخر عتب ویاک ، ابموتی  لا تواسینی

***

العمر خلصته بالحسرات ، او تشّمت علی حالی

انوح اعلیک و انت الروح ، انرسم حبک ابدلالی

مثل طفل الرضیع اتنوح ، حملتک و انشده بالی

احبک و السنین اشهود ، ذهب طبعک علی غالی

***

ابحلم و اتهنه بالحسرات ، او ضحکاتک تاذینی

سهرت اللیل افکر بیک ، و اضنونک تعازینی

سر حچیک درب مگفول ، او بسماتک تمنینی

انجرح گلبی او طحت و اهواک ، او دمعاتک تحنینی

***

حسافه اتعارفت ویاک ، ما تسوا الیحبونک

تتکبر علی الیهواک ، او تابعت الیکرهونک

ابجفاک او صرت نجم اسهیل ، شاتل ورده بمتونک

تتندم زمانک حیل ، محد غیری مجنونک

***

جاسم ثعلبی (الحسانی) 10/12/1393

ابوذیات عزاء

اعازی البیه وفا ابملگاه و اهلاه

و اشم ریحة هلی باچلاه و اهلاه

الدمع ما سچب غیر اویاه و اهلاه

مکانه بالگلب یشهد علیه

***

حنانک ضل یحن بالگلب بسکوت

او علی اخدودی الدمع برجاک بسکوت

حصد گلبی من الاهات بسکوت

احس الذکریات اتعم علیه

***

علی الطیبین جیش الزمن هد هد

او گطع حبل الوصل بالاهل هدهد

دعیت الشایل التابوت هد هد

اودعه او لا تضل حسره علیه

***

شال البیه وفه للناس و نهاس

او بتراب الوطن ینقاس و نهاس

ما مگطوع نسله ابساس و نهاس

عده اسباع توگف بالثنیه

***

جاسم ثعلبی (الحسانی) 11/12/1393

ابوذیات مزهرات

قسم یکسر گفی الکاذب قسم تاه

او کل جانی السجن حقه قسم تاه

صرت قاضی الذنب لجلک قسم تاه

او جعلته اوصال لتلوحک اذیه

***

کتلنی النور البخدک و عدلک

ابذهب وابفضه اسومنک و اعدلک

مسافر و انتظر جیتک و اعدلک

او نعیش احرار و انضوی الثنیه

***

تدهور گلبی باحلامک و هم لک

او تزیل النخوه باعلامک وهو لک

وجودی نابض ابدارک وهم لک

لان الدار داری او سر الیه

***

تحس بدموعک ایدی من دلانی

زلال او بیر هجرک من دلانی

علی حوبت حنانک من دلانی

الزمان الحطب وانت النار بیه

***

جاسم ثعلبی (الحسانی) 09/12/1393

نشید الاطفال 1

یا بابا نامی نامی ، لا یجیچ الحرامی

لابس عینه او گحفیه ، او متحزم بالخاچیه

شایل عباء ابعصاته ، و ایخوف من شرداته

ایدور طاسه او زولیه ، و امنگب بالچفیه

بس باللیل ایشوفونه ، یطفر مثل البزونه

طفل الیبچی ایطر صوبه ، ایملطخ کل وجهه ابروبه

الدیک ایغدغد بالساحه ، ایعوعی وایدگ باجناحه

البابا تعبان او نایم ، مطلوب ایام او صایم

الماما یم الصبّوره ، تقرا او تکتب دکتوره

او جدی مسحاته ابایده ، کل شر متعدی ایصیده

یا بابا نامی نامی ، جدچ شاف الحرامی

بقلم الشاعر:

جاسم ثعلبی (الحسانی) 06/12/1393

لطمیه عتاب زینب مع اخیها العباس و الحسین علیهما السلام

یا شهید الغاضریه

زینب اتعاتب ولیهه

حرگوا اخیمهه علیهه

اطفال عطشانه اشبدیهه

خویه درکتنی المنیه

یا شهید الغاضریه

***

وینه حمّای الضعینه

اچفوفه یمه امگطعینه

او بالرماح امجرحینه

منه تیهت الوصیه

یا شهید الغاضریه

***

وینه الگایل حمانه

ودع اعیاله او نسانه

اتکفّل ابزینب حنانه

گلبی امنظم شچیه

یا شهید الغاضریه

***

خویه کتلتنی المصایب

ابروحتک و اگلیبی ذایب

و العلیل ابهمه غایب

اجساد مطروحه او ضحیه

یا شهید الغاضریه

***

خویه رحت او ودعیتک

خویه اختک ما نسیتک

بالعجل گصّوا وریدک

خویه او شانت علیه

یا شهید الغاضریه

***

خویه ریت اتشوف حالی

اتدهورت و انشده بالی

وین اهل بیتی او دلالی

امنین اجت لینه البلیه

یا شهید الغاضریه

***

خویه بعدک اسرونا

امسلسلین او جر خذونه

اجناب سمونا او سبونا

خویه ما عدهم حمیه

یا شهید الغاضریه

***

والفواطم قل صبرهن

والعطش یبّس سدرهن

والدرب طال او قهرهن

خویه مهظومه اشبدیه

یا شهید الغاضریه

***

جاسم ثعلبی (الحسانی)  06/12/1393

ابوذیات حصاد اللیل

هواک اشگد لذیذ او عذب وعداک

مکانک بالجفن والگلب وعداک

ازورک کل صباح او مسه وعداک

امن اشوفک عدل تزهی لی الدنیا

***

انسجن گلبی ابعذابک دوم  ودری

حنین او ما یخونک ابد و دری

احضنه او بالک اتخل بیه و دری

اذا وتیهته تلفاک المنیه

***

اود الخل ختم بیدی و سر بیه

جمرّرز زاهی ابنوره و سر بیه

طفل کل لیله اگمطنه و سر بیه

بسمته اتشیل کل هم العله

***

جاسم ثعلبی (الحسانی) 05/12/1393

قصیده بحق السیده زینب سلام الله علیها

بزغ نور الشمس و القمر خر او طاح

علی اجفون البحرترسم معانیهه

زینب مو بضاعه او تنشرا او تبتاع

بدموع الشعب تفرش موانیهه

***

زینب بالحزن معروفه و الاهات

ابمصایب کربلا ودعت والیهه

مو حرمه ، امینه او ما تطخ الراس

اسم حیدر علی بالحومه یحمیهه

***

ابو فاضل اخوها الگص ذلال السیف

اچفوفه امگطعه او ضل رافع الرایه

شم عطر الشهاده او صوّت ابتکبیر

طاح اعلی الارض و ازنوده وفایه

***

او گطعوا راس اخوها او عالرمح شالوه

خذوهه اماسره او ما طخت الهم راس

تزلزل بالکلام او تقصف ابترتیل

معروفه ابشجاعه اخت البطل عباس

***

یقولون الصبر مفتاحه عند احسین

الصبر مل من یودع اطفاله و اعیاله

استشهد و الصبر ضل یسچب العبرات

لگه زینب ضنوته التنجد افعاله

***

ثلاث اعجاز کبری الترشد المظلوم

حرب الطف واله مظهر یعرفونه

راس احسین و اچفوف البطل عباس

او زینب والعلیل الناصر اضعونه

***

شاعر اهل البیت : جاسم ثعلبی (الحسانی) 05/12/1393

بطلب من الشاعر الشاب ابو رهف

نعی عتاب زینب مع امها الزهراء سلام الله علیهما

ییمه زینب بگت دونچ حزینه

ییمه و امن الماآسی اتعذبینه

ییمه بحبال و امچتف ولینه

ییمه او راس العزیز امطبرینه

***

یمه خذونه الاعادی اصغار و اکبار

ییمه طول الدرب و اتواگد ابنار

ییمه اخوتی ضحایه او حرگوا الدار

ییمه هیچی ظلم بالدنیا ما صار

***

یمه راعی العلم من هد رخوله

ییمه گطعوا اچفوفه او هدفوله

ییمه ضاعت الغیره امن الرجوله

ییمه التموا علیه او حشموله

***

یمه یالزهرا یا یمه

یا ریت ابوی الیوم موجود

یظهر غفل و ایدگ الحدود

او یاخذ ابثار احسین وایعود

تمنیت آنه اشوفه او دربه مسدود

***

یمه وین الیعازینی ابمحنتی

علی الشالوا غصب صبّت دمعتی

ییمه او بین الغرب شاهت سمعتی

آه یا عین حگچ لو هملتی

***

ییمه یا ریت اشوفچ و اشچی حالی

ییمه یتیمه اصبحت ما عندی والی

ضیعت خوانی او حلالی

مثل الجرا الیوسف جرالی

***

شاعر اهل البیت : جاسم ثعلبی (الحسانی) 04/12/1393

ابوذیات الزهراء (س)

الالم ما سکن وسط احشای ضل عای

او عجاج اهل السقیفه اویای ضل عای

اخبرک سیف قوم اعدای ضل عای

الزهراء اتقول وانت اشهد علیه

***

رحل بیت الثقافه او شال و انشال

ابغیابه انفتگ جرح البال و انشال

ابحکم اهل السقیفه العال و انشال

او بقیت انا و هلی ابدرب المنیه

***

الزهرا ما شچت همهه و لمهه

او علی احفاد النبی حقهه و لمهه

ابحلم ترخی الدمع لبهه و لمهه

او تعازی اولادهه الراحوا ضحیه

***

الزهرا اتعذبت و ارخت و ناحت

جلید الظلم خردلهه و ناحت

ابحق بیت النبی واثق و ناحت

کسر ضلچ یضل تاریخ الیه

***

علیه اهموم شته انزلت و ابلت

ابمنات او غزّی ثار اطلبت و ابلت

الحق ما ینوخذ بالفلت  و ابلت

العقل والسیف و القادر تچیه

***

جاسم ثعلبی (الحسانی) 03/12/1393

لطمیه یا نبینه اتعذبینه

یا نبینه اتعذبینه / بنتک الزهرا حزینه

یا ابینه یا ولینه / ابلاعداله اتمرمرینه

***

من سمع طاغی الولایه / سافرت و اتقربیت

ابلیله ظلمه ابلا وصیه / من وطنه اتبعدیت

اتحاشدوا اهل السقیفه / او صوبوا یوم الجفیت

اتجمعوا ضد الولایه / الغیر شخصک ما شکیت

***

المن اشکی اهمومی کثرت / و العتب زوّد ونینی

انکسر ضلعی او سقط طفلی / والوصی سهل سحینی

سجنوا احفاد الرساله / منهم ابچی ابدم یعینی

سطرت الخد ربی یشهد / حلم کل لیله یجینی

***

یا هوا النسّم علینه / او یا مطر یشفی الذنوب

آیه و اتغسّل عطاشا / الذنب ذایب من یتوب

اتراهن الغیره الریاسه / اتوسع ابشن الحروب

و الحضرنه او شد حملنه / ابشارع الحاکم یذوب

***

یا رسول الله اعاتب / و اشکی همی بلا دلال

انت قلت ام ابیها ، لیش نکرتهه الرجال

یا علی جاوب کلامی / هذا الک آخر سئوال

النطفه تمره الجنه تشهد  / یا دعایه او یا خیال

***

فدک من سکّر دروبه / او صادرته اهل الذلول

ارث من بیت الرساله / الفاطمه او امها البتول

هبه ابحرب السلامه / الشاب والشایب یقول

امر من المهدی صادر / البطل و الباطل یزول

***

قادم الطف المصیبه / العیله تظهر بالمضیف

لو شفت دمعه اعلی حگهه / اتباوس اخدود الضعیف

اتکتم ابروع الوصیه / یا علی وکت النزیف

ابللیل الاظلم شد زبونک  / ادفنی واتراجع رحیل

***

شاعر اهل البیت :

جاسم ثعلبی (الحسانی) 03/12/1393

هم ایصیر...

هم ایصیر ازورک و الگلب فرحان

انام ابراحه یمک و انسل ازلوفک

اتغطی ابحی جمالک و البس البسمات

واضیع ابطن گلبک و المس اچفوفک

***

الگمر انت الگمر و اعیونک النجمات

الشمس کلک شمس واضح معانیهه

حیران ابجمالک و انظم الاشعار

القصاید والغزل  بعیونی اسگیهه

***

الحب یقصف زلازل هدم گلب الچال

او رمه ارماحه او جرح ما یرحم ابحالی

اخیط افتوگ کثرت والدلیل احتار

ابحسرات الدهر ضمدت دلالی

***

بگت عینی حزینه او ما تحس بالشوگ

لفلفهه الرمش و الدمع غطاها

حلم ارجه السعاده تجتمع ویای

مثل روج البحر و بالرمل ساواها

***

جاسم ثعلبی (الحسانی) 02/12/1393

لطمیه الله اویاک یولیدی

الله اویاک یولیدی ، شیل الواک یولیدی

***

احچی اویاک تانینی ، آنه اویاک حاچینی

خذنی او روح دلینی، گلبی احتار موبیدی

***

امک حیل تعبانه ، و امن الضیم حزنانه

کلمن راح ما جانه ، اخاف اعلیک یچبیدی

***

الله اویاک سل سیفک ، رد الگوم من ضیفک

اروی النوم من طیفک ، ماکو مای واشبیدی

***

یولیدی الگلب مجروح ، دمه امن الجروح ایفوح

یمته الحزن منه ایروح ، متی یکمل شهر عیدی

***

شبل و امطرزه احروفک ،  ابّطن المعرکه انشوفک

جمیل او ناسل ازلوفک ، یروحی امن البچی هیدی

***

یالاکبر یا بعد عینی ، او من غیرک یسلینی

انت سلوتی او دینی ، یدنیه ابلوعتچ زیدی

***

اموت اویاک واتقدم ، تشوف الروح واتحلم

ذکرت ارباک واتبسّم ، العهد ویاک ضل بیدی

***

جاسم ثعلبی (الحسانی) 01/12/1393