خطار الفانه من بلد ما بیه تراب
کرمناه ابلحم ما بیه اعظام
او هدیناله فرس ما بیهه روح
الجواب: طفل. ثدی. کاروک
...
اسئلک من هو؟ هو بالمای والمای عدوه.
الجواب : الملح
...
اعروگه بالسوا ، یطفی من یلوحه الهوی؟
الجواب: عودان الشخاط
...
امسلهو املس الگصّه ، واحد ایجرّه او واحد ایرصّه؟
الجواب: الفدان
...
الیطیح بالشط اشلون یطلع؟
الجواب: امبلل یطلع
...
تحیض او تلد او من حضنهه ایطیح الورد
خضراء بالگیض و تموت بالبرد
الجواب: شجرة العاگول
...
جلده صلخ او ضلعه شچخ
لا ینفع شوی ولا طبخ ؟
الجواب؟ المشحوف
...
شنهی ماله رجلین ، لو ما الحوافر ما سعت
ترضع اطفال ، لست هی امهم
لا الهه راس ولا بعل؟
الجواب: العباره
...
ابیض مثل الکلّه ، اتشیل زرّک یدخل کلّه:
الجواب : البجامه
...
کوخ ابّطنه کرنکوخ ، یدخل بیه میتین خیّال
بس ما یدخل بیه ابوالزعیر مصلوخ ؟
الجواب: بیت النمل
...
لابسه ثوب الملیح ، فرخهه ابطنهه ایصیح
سئلیتهه اعطتنی الصحیح
الجواب: الساعه
...
جالس ابدکانه او یعلس ابمصرانه؟
الجواب: الفانوس
...
عزهه عز اگعیده ، والوجه وجه اسعیده
دومهه ابطرب وین ما تجبل تهلهل و امعیده؟
الجواب: القرشه
...
طیر ساکن عشّه ، یجفل من ترید اتنشّه
اوصافه : افچوچه لحم ، او منگاره ریش؟
الجواب: العین
...
خضراء خضراء من ابعید ، مصکاکهه امن اللّه
و مفتاحهه حدید ، متروسه عجم و عبید؟
الجواب الرجیّه
...
ما هو الشی الذّی تذبحهه و تبکی علیه
ولا تگدر تعوفه ، و یخرب من تخلّیه
الجواب: البصل
...
اطن و اون و اسمع کل اذن و اوکل صاحبی تبن؟
الجواب : التیس
...
طاگ فوگ طاگ رحّه لا ، اعیونهه امکحّله غرنوگه لا
اتبض مثل الدجاجه ، الهه اربع رجلین حماره لا؟
الجواب: الرگّه
...
انت تشوفه و انا اشوفه و رب العباد ما یشوفه؟
الجواب: الموت
...
خمستهن شالن کاره ، امن المزلگ للعبّاره؟
الجواب: اللقمه
...
اخضر جسمه اخیار اسمه شسمه یا سفیه العگل شسمه؟
الجواب: الخیار
...
برّامات الثور شنو؟
الجواب: برّا مات الثور
...
طاسه فوگ طاسه و فی البحر رکّاسه؟
الجواب؟ الرگّه
...
ما هو الّا شی؟
الجواب: السراب
...
سود سود او بالبراری اگعود
لا یشربن مای و لا یگطمن عود؟
الجواب: بیت الشعر
...
طائر یلد و لا یبیض؟
الجواب: الوطواط (الخفّاش)
...
ما هو الشی الّذی یبکی بلا عینین
و یمشی بلا رجلین؟
الجواب: السحاب
...
اخت امّک و لیس خالتک؟
الجواب: النخله
...
شی بالسما و اذا اضفت علیه حرفا اصبح فی الارض؟
الجواب:
...
لدینا اسره مکونه من اب و ام و اخ و اخت.
قال الاب: سوف نذهب نحن الخمسه الی الحدیقه.
لماذا قال نحن الخمسه؟
الجواب : الام حامل
...
خمس روس باربع نفوس بمیة اضفر؟
الجواب : الجنازه و حاملیها
...
اربعه شایلینه و واحد یرک ابمصارینه؟
الجواب: السیاره دفع رباعی
...
اربعه مترابعات ابفرد ابشیم جابعات؟
الجواب: ثدایا البقره
...
اربعه چرک برک ، واحد یغنّی و اثنین ورّانی؟
الجواب: صوت دبی الحمار
...
شنهی امس و شنهی الیوم و شنهی بکری؟
الجواب: الامس الاب و الیوم انا و بکری اولادی
...
او شنهی الربح او شنهی الخساره او شنهی راس المال؟
الجواب:
الربح : اذا انا احسن من ابی
الخساره : اذا انا اسواء من ابی
راس المال : اذا انا مثل ابی
...
فنجان قهوه مملی لا تکبّه و لا تشربه و یبغی خالی؟
الجواب :
الفنجان ینقع فیه الشماغ و ینذب علی الراس
یصبح الفنجان خالی و القهوه علی الراس
...
اللّه یساعدکم یا حواصید ، بالعرض لا تحطّون
امی جابت امه و ابوه اخو حمای المره شتکون للولد؟
الجواب: ابنهه
...
امّک و ام اخوک و اخت خالک او مرت ابوک کم اذن عدهن؟
اجواب: اثنین
...
انشدچ یا سبعة المذکوره ، اربع نثایه و ثلاث اذکوره؟
الجواب: الاسبوع
...
فرد طارش مر علی قریه عطشان دق الباب و طلعت له بنت و قال انا ضامی
ارید ماء و بعد ما شرب سئل:
سئلها اهلچ وین؟
اجابت القریبین او البعیدین.
قال القریبین.
قالت ابوی راح یلگح الملگوح و امی راحت تسوی الواحد اثنین.
سئلها عن اخوتها:
قالت: یسلمون الشمس و یرجعون
قال لها انتم من یا نسب؟
حطت ایدهه علی ثدیهه
ما هو جواب الکل؟
الاهل القریبین الاب و الام و الاخت و الاخو
الاهل البعیدین زوجهه و اطفالهه
ابوها ذهب الی تلگیح النخل
امها ذهبت اتولد امره حامل
اخوتها سارحین بالصحراء
و من یا نسب الحل عندکم ابحثوا
...
حزورات الاخ فرهاد اخشیش السرخی 06/12/1399
:: برچسب‌ها:
حزورات و الغاز ,
:: بازدید از این مطلب : 71055
|
امتیاز مطلب : 8
|
تعداد امتیازدهندگان : 4
|
مجموع امتیاز : 4
عضو شوید
عضویت سریع
آمار مطالب
آمار بازدید
