تهت یالچنت امشط لک وحس بیک
ابدقایق ود اعدن لک وحس بیک
النار ابگلبی مشتعله واحس بیک
السبب هجرک شعل نیران بیّه
...
الکحیله الشمخه تحلم من حرمهه
ابیتمهه الدگ رمحهه من حرمهه
تقیس الحل تعزله من حرمهه
او من تصهل تدچ بالموزمیّه
...
خطاک اگبال عینی یعد مرّات
الیضرک عسل وانا الی مرّات
الیخطی فرد مره موش مرّات
کل یوم ابخطا تصبح علیّه
تماشی الغرب وانا النار بیّه
...
احذرک لو تجی و اتطیع لتعید
او جرم الفات دوسه او بعد لتعید
ابخطاک الّی خطیته اویای لتعید
اتصل و اعتذر عوف الشر اذیّه
...
وحق ربی الخلق من طین والهاک
دریتک خنت و ابذل شهت والهاک
ذکی او تعرفنی اغرف اشبیک والهاک
الشراکه ابگلب خط احمر الیّه
...
عساها ابّختک او ملهاک و اهلاک
تبعتک همت لیل انهار واهلاک
گلتهه او بصّمتهه ابهجر واهلاک
عشرتی اویاک تمطر شر علیّه
...
(نجح کلمن ورد بالحب دخل بیه
لجو کامل وگع بیده دخل بیه
حنان او طیب یا جاسم دخل بیه
اشوفه اشلون ینتج قابلیّه
عبد اللّه جبار بلادی الساری)
...
اگطعک لو تهنبر جور وتنام
اتعجّب من المسک حور وتنام
الچبهته اتبات عنده ابزور وتنام
تعذّر ما وفه الوافی ابوفیّه
...
یکلکل کلکله او کلکله کلباک
کحل کاحل کحیل الکحل کلباک
کمش کمشات یکمش کمش کلباک
کمشنی انکمش من کمشات ادیّه
...
الیطیع الخوّه صادق منهملهه
الطلابه ابعون اخوته منهملهه
التخل بالوحده خرده منهملهه
حشاک ارکاد مدسوس ابوصیّه
...
طبعک یختلف یسمر ومر بیک
حملتک ضگت ذایقتک ومر بیک
تبدّلنی ابخشف یابس و مر بیک
ونا تمری ینگط عسل میّه
...
سرت و اسئل و احن ویّاک و اهلاک
تتدلل گمت تختفی و اهلاک
بدر وابلیله ظلمه و اشع و اهلاک
بعتنی ابلمبه تفدی الروح الیّه ؟
...
ختمت ارجاک اذاک الگفل ملفاک
استچن بلواک یم اسلاک ملفاک
انتهیت اویاک عوف ادواک ملفاک
اندفن طرواک ما یرجع علیّه
...
ابعینی چنت اشوفک نجم واعداک
او حملت اهموم شوگک واذم واعداک
تواعدنی ازورک کذب واعداک
تکنسلنی او تزور البیه اذیّه
...
چاوینک اشتاقیت ما انامن اللیل
لا باکل لا مرتاح بس ارجع ادخیل
...
وحق زلفک وحق شلّال فرگاک
العریضی انتقم بینه او عال فرگاک
تعال اسرع تری شل حال فرگاک
اعتقد ما ضن بعد تلحگ علیّه
...
گلبی احترگ بالنار وین المواعید
مو گلت وکت الضیج ما اعوفک اوحید
...
گلبک لو یحس بفراگ چاون
انلچم جرحی او نزف دم ضاگ چاون
اشو ضاع الیشیل الحمل چاون
حی زعلان ، لو حدر الوطیّه
...
تتملّگ علی بوصاف ملگاک
اعاین یمی بس اجناب ملگاک
تروح او ترد روحی اترید ملگاک
اجالع منتظر توصل الیّه
...
چنت لک گمر وسط السهر لهلاک
او تبعتک ما ارد مفدی الک لهلاک
ردت بس شمّه اودعک ترد لهلاک
لجل لتگول نس او خان بیّه
...
الحب سهم بالروح الحب منیّه
لو شفت اخوه ویاه یصعب علیّه
...
عطش گلبی او لچمنی او گال مارد
ذبنی الوکت یمک لچن مارد
انت الّی ردتهه او گلت مارد
ابتعد گلبی بعد مالک خطیّه
...
جاسم ثعلبی (الحسّانی) 20/09/1399
:: برچسب‌ها:
#ابوذیّات قبل الوفات ,
:: بازدید از این مطلب : 1373
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
