سفیر الحب

کلاب البر

آه یروحی الدنیا تتعیّل علینه ، واحنه چنّه امدللین

ما دریتی اهل الثقافه اتحب حچینه ، اتذمنّه اهلنه امسودنین

ادری بیچ اشگد نجیبه ، والمصیبه تحسد الناس الشریف

والعجیبه الضاگ ملحچ ناکرینه، یحرگ ابصیت الحنین

و انا ویّاچ ابتلینه ابناس صلفه، والعتب شد الرحال

آه یروحی او شیّبونی او خربصوا غزلی ابسحین

وین  نمشی او خل نعوف الشتّمونا ، ذنب ما عدنه ابتلونا

جاوبینی لا تکسرینی ابمحنتچ ، والیطوف الحق لعین

دبری حالچ و الستر بیته ابکلامه و افتهامه ، اسف ایسموه  جبان

والیکض اسلاح و ایهاوش عدوه اتهابه کل الطامعین

چا بعد وین الثقافه او وین قرآن النبوه ، الیحکم ابدین السلام

او وین مفتاح البلاغه و الاحادیث الشریفه، او وین سیدنا الامین

لو نرید اردود نعلن نبی ینزل، نکفر ابختم النبوه

والبهایم  لابسه اثیاب الحشر مستفرسین

انا ویّاچ ابتلینه الذلّه صعبه او موته وحده

اشلون باللّه نعلن الحرب ابکیان الفاسدین

الغیره خجلانه ابکلامی ساکت او بالع غرامی

یا زمن والعشره مرّه اتمرمرینه من ربعنه اتهد علینه امحشّدین

وینه ربنه خلی نشکی اهموم عنده ، الکثره تغلب شایعات الفارسات

وانا ویّاچ ابفرد مرکب صفینه ، بالمحنّه او بالسماحه امسافرین

عدّی یا روحی الابیّه ، عاشریتی اکلاب بالبر ، والوفه اثّر معاچ

الطردوا الحرمان اجونه ایسلّبونه ، چنّه منهم بس نسونه ، اسباع حرّه امدرّبین

العمر خلّص بس شفت ضرباته توجع ، ریت مجروح ابسهمهم

والاسف  طلقات ملفوفه ابرساله و العماله ، اتچوّی جرح الصابرین

ماهی حیله احاه یروحی اللّه شاهد والیطفّی النار مرقد و اندعیله

اتحمّلت عیلات من ناکر ضمیره ابگلبی حیره من صهیل المذنبین

احاه یروحی شنهی رایچ کل عمرنه امعذّبین ، امساترین ، امهذّبین

جاسم ثعلبی (الحسّانی) 16/07/1399