سفیر الحب

هله ابحور الجنان

تحملت الاذا من فسرک یاطیف

نازل بالگلب و اتعذب ابحالی

ادور اعلی المخده او ما یلمنی افراش

ضچرگ بالضمیر او حرگ دلالی

***

مثل نجمه صرت و اتغازل الدفان

او جسمی ابکل چفن مکتوبه چلماته

بحر لحد الشجاعه الما یهزه الروج

علی لج الهوی مرفوعه رایاته

***

مثل طیر ابشماله و الجلید اجبال

علی ریحت هلی عایش ابدیوانی

تحزم بالصبر لما تجیک النوگ

ختل یکتب رجز جاسم الحسانی

***

مثل مغزل غزل فرانی الدولاب

افتر والصبر متگطعه ابتوته

ادور اعلی الزهت لی و انشد الجیران

مو شجرة غضب مو صخره یاقوته

***

هله ابحور الجنان السلمت للعین

او هله ابریح الشمال اتبشر اخباره

او هله ابعامود صیوان الیشیل الراس

او هله بالدگ گهوته او عزب الجاره

***

جاسم ثعلبی (الحسانی) 30/10/1393

ابوذیات مدلولات

متی دنیای خیر او فرح تمطر

ابوسط گلبی من الحسرات تمطر

اون او سهریت اللیل تمطر

شکیت اهمومی للمابیه حمیه

***

دلیلی ضیع الدالول والدال

او گطع حبل الوصل بالبار والدال

اببحر عمری او لهمنی المیم و الدال

شلهت ابشوگ جزره او عم علیه

***

الکذب مذموم عند البشر و الذال

ابگطع راس الصدق متهوم و الذال

انجرح گلبی ابمکرر الف و الذال

اذا تمطر غضب تبلی الثنیه

***

جاسم ثعلبی (حسّانی) 19/10/1393

ابوذیات الخمینی العظیم رحمه الله

امام الامه قایدنه و حدنه

او ثبت بوجوده عزتنه و حدنه

شعوب الوطن باخلاقه و حدنه

او طرد کل طاغی ظالم بالثنیه

***

ذکرتک و الف حصره اویای وجن

امین او طاعتک کل انس وجن

اناسی ابذکریاتک یجن وجن

الخمینی اسمک و ابن سید البریه

***

جفیت او هل حنانک ناسی انتِ

کریم او جود فضلک ناسی انتِ

رجای الگلب حبک ناسی انتِ

شجاع او چلمتک مسند الیه

***

حرت مگدر اوصفک ورد باسماک

انفجر برکان بارض الوطن باسماک

نبع صافی او عذب کالمطر باسماک

ذکرت امروتک جیت ابشچیه

***

جاسم ثعلبی (الحسانی) 27/10/1393

ابوذیات مشفرات

حشّن یا اضباع البار و اکلن

ابملک ربنه اصغار اکبار وکلن

اکو اطروش التسلی الدار واکلن

تفردش ما بگت عدهم حمیه

***

سجن صار الوکت للدان و اکفان

ابعجل قواته اجن سیطرن و اکفان

اکونادر یکفنه الحزن و اکفان

او نداوی اجروحنه او نسکن سویه

***

الوکت تاهمنی اجر انغام و اسهام

ابحروبه اتحملیت الام و اسهام

ابطمع رحب لی اخذ وام و اسهام

رفضته او عاندت حد المنیه

***

الصهاوی البالفله گوطرن و اهلن

علی الباع الاخوا هاجمن و اهلن

جلس باذلالهن کل وفی و اهلن

او یطردن کل غبی المابیه حمیه

***

جاسم ثعلبی (الحسانی) 26/10/1393

ابوذیات عتاب الرجال

تذم تشتم توز تفتـــــــــــن ولا راک

علیه او کاتم اســـــرارک و لا راک

بعد ما احمل اشــــــرارک ولا راک

انگطع حبل الوصل و احنه الضحیه

***

کبیر البیت اله مسند و اله رای

بحر من هبت اریاحه و اله رای

اله ملک الستر مزهر و اله رای

یعطی الحق لمن حاز الحمیه

***

علیه اتچردس امن التهم و الهم

تشربنی ابمرارک صبر والهم

یگلبی لا تعاتب غرب والهم

خلیک اجنبی ابدار الخویه

***

خذیت الی تریده او طرت وانویت

شعلت النار بیه او حرت و انویت

ما تدری ابضمیری احثرت و انویت

بعد ما ارجه یوم اتحن علیه

***

جاسم ثعلبی (الحسانی) 19/10/1393

ابوذیات الحجاج

هله بالطاف بیت الله و صلبه

ابعباده او طاعه للخالق وصلبه

تهنی اولاده و اخوانه وصلبه

اهلال او هل غفل واضوه الثنیه

***

هله بالطاف بیت الله وزاره

ابلباس الحکمه لف عگله و زاره

بذل ماله او ترک حاله و زاره

او  رجع مرتاح من ضیم الدنیه

***

یون گلبی اشعلامه ونت هینه

العدوا فسّر کلامه  ونت هینه

متی نصفه ابهوانه و انت هینه

او نزیل الکدر بفراح الخویه

***

یمن شخصک ختل بالگلب و انصاد

علی احلامی ابجیوشه هجم ونصاد

اخذ کل ذکریاتی او ثلم ونصاد

ابثانی النص گطف رمحه علیه

***

جاسم ثعلبی (حسّانی) 18/10/1393

هوسه عملاقه هدیه الی عشیرة بنی ساله

بنی ساله النشامه البیهم الغیره

اهل دله او مضایف للخلگ سیره

هذول اهل الکرم و اهل العلم و الذات

عادلهم اسدهم یحضر الصعبات

قدمه الهم نقل تاریخنه اکتابه

الهم بالمعارک شرکه و انسابه

ما بیهم طریر الیذبح الخوان

متحدین ضد الیغزی الصدقان

مضایفهم سلفهم فاتح ابوابه

یعزبون الغریب الحامل اطلابه

مطلوب الگصدهم ما یضرونه

علی اعماله ابجرایم ما یجازونه

یحسبون العشایر حسبه عربیه

الوحده اتاسست باسم الاهوازیه

ما عدهم من شگ اهدومه

واحدهم مضموم الیومه

من عدهم های المعلومه

اسباع او ولد اسباع اتشرف بیهم

جاسم ثعلبی (الحسانی) 14/10/1393

قصیدة نبی الرحمه بمناسبة الوحده الاسلامیه بین الشیعه و السنی

امنین ابدی ابکلامی واطرح اعجوبات

علی العاشر ملوک او ربه یبراله

امسافر بالسماء او آیاته بالقرآن

مباشر کلم الرب و اخبر اعیاله

***

ابتداء ابثوره عظیمه الهزت اهل الکون

ابزمان الجاهلیه والصنم معبود

نزل جبریل لجله امن السماء للگاع

ابایات او سور ضد کل ظلم موجود

***

ابایمانه انعرف صادق حکیم الناس

حبیب الله او امینه او بیرق اعلامه

جمع قاده او محارب طاعه للرحمن

اوعلی روس المظالم لاحت اسهامه

***

تقدم بالحرب ما رده روج او غیم

او علی اعناد التضده ما ترک داره

الف تهمه الشربهه او ما بگه عطشان

ابطن روحه الشریفه انجمعت اسراره

***

بلّغ بالعشایر درّب اهل الصیت

من کل البلاد اگبلت صدقانه

رسول الله او کتابه او محشره القرآن

من کل الالوان احتشدت اخوانه

***

من واجه صعوبه ابمکه للتنظیم

هاجر للمدینه او درّب اجیوشه

او بنه مسجد عظیم الدعوت الایمان

او صلی او صام بیه او جهز اطروشه

***

بلال الهاشمی او سلمانه رکن البیت

بالالاف الصحابه امجهز ارجاله

المهاجر ینتخی بالغیره و الایمان

عالم  بالرساله و العلم شاله

***

او هجم باسم الاله الواحد القهار

استلم بیت الله من اهل العبودیه

خاتم للنبوه او فاتح التحریر

معاجز کبری تشهد له الشیوعیه

***

محمد(ص) مو امیر او لا وزیر او شیخ

رسول الله او عزیزه او هیبت احبابه

نزل باعجوبه تشهد له الانس والجان

امن القرآن مرسوم النصر جابه

***

الاسلام الامانه او ربنه رب الکون

و الکعبه الشریفه التبغی غایتنه

کتاب الله او رسوله الجامع الاحکام

سنه او شیعه ما تنوصف همتنه

***

اذا عندک هدف واتطالع القرآن

حب آل الرسول الیشفی محنتنه

باسمهم نمحی کل طاغی او شرور او شیر

اتحاد الامه من کل جنس رادتنه

***

ضد الکفر خل نعلن حرب مفتوح

لا ن شرق او غرب راید یصفینه

اذا متطشره اهلنه و الهدف معیوب

علی درب النصر من هو الیدلینه

***

بعد بس للتهایم والشرک و العار

اتحدوا یا جماعه او شیلوا الرایه

فلسطین التنادی او غزه شبت نار

بعد لتگول کافی مالی احچایه

***

دیار الامه تزهی والاسلام اینور

ابوجود القاده و العلام و الساده

اسود او ما نطخ للذله و الحرمان

احفاد المرتضی و اولاده و اجداده

***

من الشاعر: جاسم ثعلبی (الحسانی) 13/10/1393

ابوذیات الوحده الاسلامیه بین الشیعه و السنه

رسول الله الجمع شتنه و لمنه

او کشف کل سر یفرغنه و لمنه

اعلی درب احفاده علمنه و لمنه

نصیر اجنوده و انطهر الثنیه

***

الرسول الجمع شیعتنه و سنه

ابحروب الکفر ساندنه و سنه

المجاهد مو شرط خلنه وسنه

الیطیع الله یطع سید البریه

***

المسالم من جمیع الفتن یسلام

او علی سنة الرسول ابعزم یسلام

اتحدوا لو لفاکم عدو یسلام

باسم بیرق رسول الله الهویه

***

نصر للامه محشرنه و شرنه

کتاب الله الیحل شتنه و شرنه

العدو باسهامه گطعنه و شرنه

خبیث او یزهد الساده الابیه

***

یا جنه الدخلها الظلم یا دار

ابغیر الدین ما کو عدل یا دار

تقول الغرب فص الذهب یا دار

الغرب یعدی او یهشم بالثنیه

***

الغرب والشرق کالافه و حیه

یذمون ابنبی الرحمه و حیه

عدهم بالبلد طعمه و حیه

لما تخلص یلطمون ابشچیه

***

الشبهه ما تلم لمنه و هنه

ابفرد لحظه تهشمنه و هنه

العدو لما سمع بینه و هنه

یدگ اصبع ابتفریق الخویه

***

یا طالب نبی الرحمان بالک تفترق بالک

بالک تشعل النیران بین الساحه و ارجالک

ابادب خیط الجرح یا خوی من الشامت اشوالک

طیع الرب واشفی ابایاته

***

من الشاعر: جاسم ثعلبی (الحسانی)

13/10/1393

هوسات المثقف

المثقف بیده یرسم خط عشایرنه العرب

ایفسر آبایات ربنه او یکتب الچلمه ابذهب

یا شباب اتحدوا کلکم ما بگه عدکم عتب

البیت انصلحه او نحکم بیه الحق امبین

***

المثقف گمر ضاوی او یرشد الماعنده رای

بالعلم ثابت مکانه الکل مرض یاجدله دای

طیع کل دارس قضیه لا تصب بالدله چای

القوری ایکسر فنجانه

و الگهوه اتحشم هذا انا

و الهاون یدوی ابدیوانه

طیع البیه هیبه او ماضن تحثر

***

المثف ورده و اببستان یزهی الکل بشر شوره

طبیب النفس و الایمان ابد ما یختفی نوره

لا درهم ولا دینار طب او عالج ابدوره

لا تعصی اقواله او چلماته

لا تتعصب تهدم ذاته

موجوده ابگلبک دگاته

دم یجری او یغسل شریانک

***

من الشاعر : جاسم ثعلبی (الحسانی) 10/10/1393

میلاد : سبع هرمات مخمس مختلف القافیه

آه یللیل

اویاک گلبی دگه حیل

من تسلم الشمس  یلفیه الصلیل

تلتم اهمومی علیه ابحال نومی احسابه ریل

و النهار ابعد علیه اشتعلت النیران بیه من یطفینی او یشیل

و النهار

ایلوگ بخدوده السمار

اشلون طیب یطرد الذل و الدمار

اشگد لطیف اشگد ظریف ایلوگ بشفافه القرار

اللیل وین اشجابه وی روع النهار احروفه مکتوبه ابشرار

و انجمعتم

ابسماء السابع نجمه صرتم

یمته میلاد النهار او لا قرار او لا عزمتم

ما دعیتوا من اهلکم من نسلکم من عرفکم لا فرحتم

اللیل دوا الگمر شمعه او ذکرانه او ما دعانه او یه النهار انتم سکنتم

هذا عید

هذا میلاد السعید

یا حسافه و النهار الما لبس ثوبٍ جدید

اللیل یفرش مایده بیهه الفواکه یشلی بس ربعه العنید

و ابوافلان امحلی نفسه ابسکته سکته او ینتظر طیره او یصید

عنده راده

امچردس ابگلبه العباده

او ینتظر طیف او یزوره امن السعاده

الیوم میلاده او سروره الیوم عنده الفرح عاده

الف مبروک او هلاهل های من عندی هدیه اقبلهه داده

خیر اترید

ایامک سرور او عید

کتب شعر الهرم چلماته ریته ایزید

تستاهل ارشک بالورود و ابروضه یا صندید

و اکتب لک ابخط من ذهب تسلم و افتخر سالمتک اید اباید

مانی ناسی

چنت گایل تاج راسی

و اعتنیتک لا تحسب گلبی غاسی

و الفتن بین الاحبه ابساع ذبه او یبغه خاسی

اگعد او طفی الشموع او صفگه لجلک وینه کاسی

غالب الهرم من ابداعات الشاعر : جاسم ثعلبی (الحسانی)

09/10/1393

اغنیه و فسته باسم خلیهه امساتر عشرتنه

هب یا نسیم الفرح هب واشفی دلالی

ذکریت طاری العشگ او ولفی العلی غالی

مثل الشمس من تشع یظهر علی بالی

راح او جفانی او رحل هاضمنی للتالی

دورت کل الخلگ ما مثله یحلالی

هوه الامل و الغزل مثل الجبل عالی

***

عواصف ما تردنه اجبال منهاب

اسود او من براری الغدر منهاب

الیعاندنه ابضلاله اعتقد منهاب

مهزوم او یجر ذیله ابردیه

***

رزن طبع الیعاند جبل منشال

او علیه یبچی النخل و الصخر منشال

اذا جرحه ابزعل و انهزل منشال

یخیطه ابرمحه و ایضبره ابکنیه

***

افرح و امرح بس لا تجرح ، خلیهه امساتر عشرتنه

ترسیت الشط من ادموعی ، و اسگیت الگاع الربتنه

ما یرهبنی صوت الدان ، مسلم و اسلاحی القرآن

مکتوب ابعرشک همتنه ، خلیهه امساتر عشرتنه

***

بالک تسجن بالک تذبح ، مرسوم الحق ابصرخاتی

تابع ربک شوف  الغیره ، و النار التسعر من ذاتی

و اتراویک انجوم اللیل ، و اتقدم لک گهوه او هیل

ما تسلب بیدک عادتنه ، خلیهه امساتر عشرتنه

***

متحزم لی او عینک تربی ، مجنون او چانف ضرعانک

تفتن تسلب ترخی او تندب ، و اتحزن ربعی ابدیوانک

ما دام الظالم بسلاحه ، او لا مات الحگ وی ملاحه

شتلیت الذل و الحرمان ، و العاطل یغزی الجوعان

تحسب لحظات الموتتنه ، خلیهه امساتر عشرتنه

***

افتح گلبک و اکشف همک ، حبیتک و انت اتعادینی

تختل صوبی او عینک ملسه ، بحقوق اصحابک ساوینی

انا ابن ام شیله او بوشیه ، انا ابن الدگ الچفیه

ارجوک اتفسر محنتنه ، خلیهه امساتر عشرتنه

***

ابداع جدید من الشاعر: جاسم ثعلبی (الحسانی) 08/10/1393

ابوذیات طاحنات

وحق مذهب نبیک و ابک و ارباک

گضیت العمر کله ابفلک و ارباک

انجرحت او ضیعیت ادواک و ارباک

احن للموت لو یگبل علیه

***

الصداقه اویه البشر زدهه و لمهه

نص امن العگل بیهه و لمهه

جمیل الحب ثخن فیهه و لمهه

الفکر در للمحاسن شع بدیه

***

ابکرم مجّد جمع خلک و ملجاک

ابثگل حبک نشع ظاهر و ملجاک

تعامل تربح ابجاهک و ملجاک

رضات الناس جنتک بالدنیه

***

ابهدف واحد اخذ دربک و سر بیه

تعلق وارسم احدودک و سر بیه

اذا تخلط عبث رایک و سر بیه

تتاخر سنه او تنسه القضیه

***

تبسم للیحبک دوم مره

اجرحه ابکل رخاه او ضوگ مره

اذا شفت الملح ثر بیه مره

اخو للضیج احسبه ابکل سریه

***

الحسد مثل الحصوا بالعین ینداس

یهدم کل معانی الشرف ینداس

مثل بایع ضمیره ابختل ینداس

ابناره او تحترگ کل الخویه

***

جدید من الشاعر : جاسم ثعلبی (الحسانی) 07/10/1393

هوسات الاهل

الباعانه ابفلس معروف بس للغیر عنوانه

نکتم بالشعر چندوب روح اسئل ابدیوانه

یگولون النشر ممنوع ما تتواصل اخوانه

هالحید ارحل یوم الضیجه

***

یگولون الشیوخ اسباع الکل الشعب تچایه

الشعب ضره العطش والجوع وینه الرافع الرایه

بس لجل العزایم جای امدوحس للعدو دایه

یتنومس لو عرکه احذاله

***

اعتذر من المشایخ و اعتذر من العمام

قصدی ما اذمن بخوتی اسباع عالذل ما تنام

عدهم النخوه اعربیه او بالاصل ساده او کرام

خادم للفاتح دیوانه

***

اهلنه اهل الکرم و الزود و اهل النخوه و المیدان

اهل دله او مضیف او سیف و اهل الگهوه و الفنجان

هذوله اصحاب ابو الحسنین فخرهم آیه بالقران

اکرمهم ربهم و اتقاهم

***

ارفعن روسچن لیفوگ یا خیل الحمیدیه

ابحوافرچن ارسمن طوگ مناه للفلاحیه

و اکشفن کل گلب مشکوک گاعد للعده اربیه

رکنّه او کسرن ضرعانه

***

یا نوگ الفله یا نوگ حامل علم خوتنه

دگ ارچابک اعلی الگاع یمنور مسیرتنه

لا بر لا بحر و اجبال خل تبحر سفینتنه

والطایح خل ربعه اتشیله

***

تحزم والبس البد ذات و احفاد الحرامیه

اهواک اخر نفس ویاک لو تنخانی یومیه

اهز الگاع واطلع مای خل تسمع ام بوشیه

الغیره اشتدت و المات ابیومه

***

من الشاعر : جاسم ثعلبی (الحسانی) 06/10/1393

قصیده اشغیراک

اتذکر انا ویاک یوم المات ابونه

والخلگ حادتنه من کل الجهات

والدهر یرمی علینه اسهام قدره

معتدی او قاصد قتل حتی الممات

و امنه رمده

اطفال شالتنه ابیسرها

او عافت الدیره ابخدرها

او ترکت الما عنده ذات

الدرب عاصی

او للیل الاسود

عمت عینی اهدومها من الصریم املّخات

اتبعدینه ابعید عن ساتر سلفنه

و امی صفنه اتجیبهه او صفنه تردها

او مطرت الدنیا علینه

او چلچل الغیم او بگه حالوب یسطر چف ادینه

لا شکینه او لا حچینه

الحرثه طین او ملطخت دار المبات

و انا ویاک اعلی ضلع امی انتچینه

نایمین او ثوبها امحزن املها

او عطر ریح اریاگها فص النبات

و البرد قشمر طبعها

وفر صک اعلی الرموش اعیونها او بیض سهرها

او دم جری امن اجدامها او سال اباثرها

آخ ما گالت ابد و القاضی ضرها

بس اشوف المرجله اشتاقت علیها

من وصلنه الشط کبیر ابزوده فایض

صممت لازم تعبره

نزلتنه او باوستنه او شجعتنه او ودعتنه

او درستنه اشلون نکبر

علمتنه

انا ترکتنی اعلی شاطی و النسیم

و انت شالتک علی اجتاف النعیم

او فاجت الشط

الموج ما عطل عزمها

او وصلتک لرض تصلح للنجاح

او ودعتک گالت ابنی هسه اجیک

هسه احمل ذاک اخیک و اعتنیک

عمت عینی او جتهه روجه

او جاها ملک الموت حافی

او سلباها

او غرگاها

او ضاع کل طب ها او دواها

او غرگت امی و احنه ما نگدر نجرها

امسیسه وسط الشط ابمشطه

نایمه او ینسل شعرها

او غطت امی

انت ذاک الصوب تصرخ

و انا هذا الصوب انوح

ما نعرف انفوج لا منجد یلمنه

انت سرت ابدرب وحدک

و انا سرت ابدرب فارقنه المحنه

ابرادت الرحمن سلطنه اعلی ملکه

اتملکیت الغرب انت

و انا ملکیت الشرق لاخر ممات

دگنی جیشک للنصر یطلب ثبات

من ضرب سیفک عرفتک

انت خیی

اتذکر التاه  او نساک

من هو الوزک علیه

ابقتل اخوک اشورطاک

طرف سیفک لاح گلبی او جرحانی

ما شگفتک صحت بسک

ابونه مات او امنه غرگت

اطفال چنه

املوک صرنه

گلبی مجروح ابهواک

ادفنه بیدک

غن له خل یسمع نعاک

اشغیراک

اشغیراک

للشاعر: جاسم ثعلبی (الحسانی) 05/10/1393

ابوذیات طریق النجاة

خشف یابس ضمیرک و انت حی له

کلاک الطم مصیرک و انت حی له

یون یجذب شعورک و انت حی له

علیش اتذم بخت واتطم ثنیه

***

اذا تهوی البخت والصیت والمال

ازرعه او چمل الّی سقط و المال

بعد عنه قلیل الصبر والمال

او ینوله البیه وفه او حامی الحمیه

***

السانک لو تمدله الحبل هاناک

ابصمت واکسب مکارم تمر هاناک

صدیقک والعدو یسترق ها ناک

عرّب لا تگول اصعب علیه

***

الامل آفه ابتعد عنه و سر بیه

کثیر الناس طاعتله و سر بیه

لان ما عرفت اتنوله و سر بیه

یدگ دمامه باحلام البریه

***

للشاعر : جاسم ثعلبی (الحسانی) 04/10/1393

یزله یا هوسه به زبان فارسی

دل و دلبندی ندیدم خوش گوار جنگ سرد

زخم خود درمان نکرده عاشقی با آه و درد

یزله اینگونه ندیدم دلبرم اینجا نگرد

تهران و مشهد می خونه

***

خسته ام از درد و ناله خسته ام از زندگی

پیش دوستان زار کردن بد شبیه بردگی

همه جا آتش گرفته همه جا در ماندگی

از آهم دلبر می سوزه

***

خواب ماندم لحظه ای را در جمال موی دوست

تابش گیسوی زلفش نقش زد بر رنگ پوست

می گشاید لب به خنده ماه تازه رنگ روست

او شاد و قلبم دیوانه

***

دلم در کنج دیوارش و تو شاد و سرافرازی

دلم لبریز عشقت شد چرا اینگونه می نازی

به دنبالت سفر کردم دلم می دونه لجبازی

از دنیا قلبت داغونه

***

جاسم ثعلبی (الحسانی) 02/10/1393

ابوذیات مثقفات

ارید اعلن و اطگ الراس بالفاس

النوایب ما تحل بالصبر بالفاس

اشو نایم او تنظر محب بالفاس

الحوار اهناه یبدا امن الثنیه

***

تثقف و اعدل ارسومک و دارک

ابمجالس یاتی تصریحک و دارک

اخذ کلمه ابنبض عالم و دارک

تحل غلطات خلانک سویه

***

ابشرط واگفلک امچتف و برضاک

رسم مدگوگ الی ابظهرک و برضاک

احلفلک بالنبی الخاتم و برضاک

عوف البیه رده او طیع الخویه

***

تسلح یا قلم و اشتد و عدلی

امزامط محتمس حایر و عدلی

علیک ابذل کرم تایه و عدلی

اریدک کل مزار اتصیر الیه

***

حچی العاقل شبیه الذهب و الفاض

تولعت ابکلامه النثر و الفض

لا اخاف احترگ بالزعل و الفض

یخوفنی المحب لو ذم علیه

***

جاسم ثعلبی (الحسانی) 01/10/1393

لطمیه : آنه زینب

آنه زینب ، آنه زینب ، و انادی آنه زینـــــب

بت علی و امی الزچیه ، و یحادی آنه زینب

***

وینه حمای الضعینه ، و الوکت مظلم علیه

وینه عطشانه الیتامه ، وینه گربتلی المنیه

والکفر حرگوا خیمنه ، وینه حمای الحمیه

الناس تتظلم علینه ، او تعازی آنه زینب

***

آنه زینب ، آنه زینب ، و انادی آنه زینـــــب

بت علی و امی الزچیه ، و یحادی آنه زینب

***

وین انوی یا هلی او من یرحب للحزین

طومرت تحت الوطیه وینه وینه او وین

حسره شوفتهم علیه اجساد مدفونین

ما جرت غصه اعلی غیری ، و اواسی آنه زینب

***

آنه زینب ، آنه زینب ، و انادی آنه زینـــــب

بت علی و امی الزچیه ، و یحادی آنه زینب

***

موته اخوتی او ماسی و الدهر عال

و الحراره و العطش تتلاعه العیال

و الروایه امطشره او مدفونه الامال

حیل ما ضل یبویه ، و اناسی آنه زینب

***

آنه زینب ، آنه زینب ، و انادی آنه زینـــــب

بت علی و امی الزچیه ، و یحادی آنه زینب

***

شاعر اهل البیت : جاسم ثعلبی (الحسانی) 30/09/1393

بطلب من الرادود عباس سلامی  

ابوذیات الصمود

استقر گلبی ابنظم شعرک واردبیه

او دخل بستان دلالک وارد بیه

علی و اسمک علی غالی واردبیه

فخر للعاشرک کلک حمیه

***

اذا گلبک نسه احلامک یهل بیک

استعد و اشرح علم صبرک یهل بیک

الگمر ما شعت انواره یهل بیک

صبغنی اللیل یمته اتشع علیه

***

امطشر دایم امفرهد والم بیک

ما تلتم صرت زیبگ و الم بیک

عذابک عسّر ابذاتک والم بیک

امن انصحنک یدگ طوبک علیه

***

الکدر سلط علینه اجلال و انذال

او ذبحنه او قسمانه اطلال و انذال

ابزمان الحاربینه الضال و انذال

یخیطون ابحده اهل الابجدیه

***

جاسم ثعلبی (الحسانی) 30/09/1393

هوسات عتاب للخوان

من هو الواعدانی او گال آنه  اویاک للتالی

اذا اعوفک اگص اعضای و البس شیله اشوالی

او هرب و ارخه العیون ابغیض او طشر بیته و امالی

لا عاد او لا لابس شیله

***

ارید اکتب علی الصدقان اسکتوا لا تلومونی

من هزنی الدهر والضیم هربوا وحدی خلونی

من طحت او لچمنی البین ابگبر محفور دفنونی

الحض ساعدنی او همه الطاحوا بیه

***

الصداقه مو عدد بانفوس الصدیق الیحضر الشدات

یصح منهم ینشف العین او یمک بالمنایا ایبات

او تصح عشرین بس ارسوم محال اتشوفها هیهات

من تعزم تحضر ربانه

***

نخانی ابضیجه دگ الباب صدیقی او یبلع ابریجه

فدیت الروح اله و المال او ساعدته ابتفریجه

طلبته ابیوم عوزی او طار مجنح چن فرخ شیجه

یتلافت و ایضم ابراسه

***

الیشتل نخل یا هالناس لازم ینطر التمره

الاخوا مثل النخل ینقاس حقک تمتثل بامره

اذا عاندته یم اعداه  طاحت هیبته الحره

لا تامن سوطه او ضرباته

***

جاسم ثعلبی (الحسانی)

هجرة امام الرضا علیه السلام

زعل ملک الملوک او دبر التنظیم

تبعید الرضا یضعف ابصدقانه

فتح باب السجون او امر الحراس

الخراسان ابمسیره اتقلل ایمانه

***

حتم صادر علیهم بالقتل و السیف

العداوه ابیا ذنب یا جهل یا ترهیب

من احفاد حیدر غدت تطلب ثار

اسدهم بالسجن متحمل التعذیب

***

زبده امن السفر مکتوبه بالتاریخ

من مر الرضا ابکارون عطشانین

سئل یخوان ما اسم النهر و الدار

ابجمال ارض الاهواز ابمایه متعجبین

***

قال اهنا اسمعوا یا فریج الگوم

بس الخیل خل تارد مظر مایه

لان مکتوب تاریخه ابشتات الناس

طشر کل عشیره او عشره ابرایه

***

نزل بارض الشمال او رحبت له الناس

وحی نازل علیهم وصل دیرتهم

غنی الجوعان منهم و امر التجار

او جمع کل شخص طایش من عشیرتهم

***

مَثل ناجی الغزال الشارد امن الموت

دخل عند الرضا و اتقدم اجدامه

جزی الصیاد امامی ابلیره و ابدینار

او زرع طیبه ابکلامه او کون احلامه

***

سمه ابن اللعین الما یرید الصیت

لان شاف الجماعه اتزوره یومیه

خطر لهل المظالم و المثل مگیول

خل تشبع سمچ ربع الحرامیه

***

او بغی تذکاره قصره الشابگ اهل الدین

ملایین البشر تتعنه خطاره

من خارج او داخل سایرین اصفوف

ابکل ابیوت اهلنه باقی تذکاره

***

شاعر اهل البیت : جاسم ثعلبی (الحسانی) 29/09/1393

معراج الرسول

قمر یضوی ابجماله او نازل اعلی الکون

الثریه اتلگته او سجدتله بالغایه

اسئلت ملک الملوک او امر الافلاک

نطق باسم النبی المعراج سرایه

***

سری ابوضح النهار او راکب البراق

ابزمان الچان لا عالم و لا طیار

ولا صنعة مبایل لا علم مکشوف

النبی اببیت الجلاله او توصل الاخبار

***

زار الدنیا کلهه ابفرد رمشة عین

ابثلث تیام طاف السماء ابعنوانه

طلب طلباته من رب اله الکون

و اخذ بمراده کلمن وصل نیشانه

***

العلم عند النبوه او یصفه لهل البیت

اهل عزه او کرامه او اهل تربیه

ما مات ابنسلهم غیر سم او سیف

الکل استشهدوا ضد العبودیه

***

شاعر اهل البیت : جاسم ثعلبی (الحسانی) 28/09/1393

یا رسول الله

یا رسول الله جمالک حطم اجبال الجلید

نجمه تزهی ابکل نضالک حررت شیب او عبید

الطور یشهد لک حنانک من لبس ثوبٍ جدید

و الرساله ابمحتواها هزه بالعالم رعید

***

انت محراب الامامه و انت شمعه الکل ولایه

انت خاتم للنبوه و انت للمسلم حمایه

انت نور الساده کلهه انت  قاید بالبدایه

انت بالقران ناطق انت بایاته او ثنایه

***

سیدی ردتک شفیع اتبارک النه ابکل جهاد

سیدی عجزانه اهلنه امن المظالم و العناد

سیدی نور وطنه قبل نفخات المعاد

سیدی انت السفینه او تنقد احرار العباد

***

یا امین او یا امانه حبک ابچبدی یفیض

انت مفتاح الهدایه و اسمک ایشافی المریض

چلمه و حده او کررینه العاده ایاتک یغیض

او صهرک الدارس خصالک اسمه بالعالم فریض

***

شاعراهل البیت : جاسم ثعلبی (الحسانی) 27/09/1393

ابیات عتاب

چنت عندی امل تحضرنی وکت الشیب

ابفرد نشله رگعت الباب ناسینی

طریح اموسد الغبره او لفتنی اوجاع

چا وین العهد و المدد حاچینی

***

چنت اتصورک باروده وگت العید

احس ویاک طایر بالسماء السابع

خذتنی اویاک شایل همک او منواک

شجاک او فرقصتنی امن السماء الرابع

***

طحت ما بیه احوسن چردستنی اببیر

اعوفک صعبه الیه او انت تنسانی

لان گلبک صخر میت عشر مرات

نکر کل ذکریاتی او سهری و احزانی

***

تروح او داعت الله او جاور الطرمان

او حط لک تاج مطاطی علی امتونک

او گول انه الفلانی ابن شیخ افلان

خیار الناس هل شتضن یحمدونک؟

***

جاسم ثعلبی(الحسانی) 28/09/1393

ابوذیات سَمِجات

طلبت امن الگلب یعفیک وابراک

سمج طبعک دخلت ابطین و ابراک

انتظر حوبة هلی اتجازیک و ابراک

او تعض ابهامک ابلوعه او اذیه

***

حملت ابخوتک طلقات و انگاب

او تفخخ بالسعاده اجناب وانگاب

اخذ بیدک قلم والفاس و انگاب

تجد گلبی عفیف ابکل ردیه

***

حسافه اعلی الزلم تعتمد بالعار

او یضل صیت المعاند دبج بالعار

ایحمله اذنوب فوگ اذنوب بالعار

ابیوم العید یختل عنده فیه

***

انصبغ خدی ابشطر عینک والکحال

تفرهد تشرب ابدمی و الکحال

الک باب التطب منه و الکحال

تجی عششوایی ممنوعه الشجیه

***

جاسم ثعلبی (الحسانی) 25/09/1393

ابوذیات نافذه من الشعر

الصوچ مو منک حبیبی من هلک

اخلاف عینی گلی من هو من هلک

اسئل المطلوب یا خی او من هلک

اذنوبهم طمت رماد اسلافهه

***

اتقربت لک رحبت لک من هویت

اتحزمت لک بیدی شلتک من هویت

او من نقذتک طالبتنی من هویت

گتلک امعزب نجل فرسانهه

***

هدمت گلبی یحاقد من عداک

اتجرذمت حیل ابحیاتی من عداک

طامع ابحقی او حلالی من عداک

روحی سباحه او تشید ارکانهه

***

اتروح واتعاود علینه من سلک

ظالم اتبرر هوانه من سلک

اتمرضیت او حوبه عدنه من سلک

اشرب الکاس ابغضب ضرعانهه

***

جاسم ثعلبی (حسانی) 23/09/1393

ابوذیات نبع النبات

انحنت شمس الضحی للقمر من هل

او هدتله ابکاس نابع عطر من هل

حب حارق نزل بالگلب من هل

تجمع کالدمع محزن علیه

***

مختال صیدک والشبک عاد النه

یوم الشریتک من ذهب عاد النه

قوم الثمود انت الگلت عاد النه

جزعینه منک روح یمهه اتحمر

***

ردتک تجینه او شوفتک مشفانه

گلبک حنین او بسمتک مشفانه

یوم الحضرت ابجیتک مشفانه

نورک جمالک بالکمال امسطر

***

هواک ابغیر شع العطر مهلاک

او گلب ضامی او شفاه المطر مهلاک

احذرک کل وجودک نظر مهلاک

شریته ابیوم صرت ابهالدنیه

***

جاسم ثعلبی (الحسانی) 24/09/1393

موال مولم

یا صاح دنیاک ما تخلف وفی ابعیلته

و المثل مضروب کلمن مبتلی ابعیلته

من احسن الناس من باشر هله ابعیلته

مظلوم یلی وگع بچفوف الزمان او یرف

اشما شگگ البین بخیوط المسامح یرف

او روجات الانساب دگت بالمحاسن یرف

الما عنده طیبات یسقط من سهه ابعیلته

***

الالم للدفن سره او سکت مولام

الیصیح ابصوت عالی او نهض مولام

الناس اتصدق الی یشت  مولام

البلع همه یکر راس المنیه

***

یعلمنی الزمان احساب و اکتاب

ابجراید صوّر اللچمات و اکتاب

نصحته جوز منی ابتعد و اکتاب

ابطن بیته او یجر سیفه علیه

***

للشاعر : جاسم ثعلبی (الحسانی) 21/09/1393

حس بیهوشی

اهداء به روح پاک ترانه سرا سمیرا رحمانی

سمیرا رفتنت زوده ، خودت رفتی چرا رفتی

در این دنیای پیچ و خم ، می دونم بر نمی گردی

***

تو بودی در کنار من ، تو هستی همدم دردم

با این دردای اجباری ، بدون تو چقد سردم

***

چراغِ خونه خاموشِ ، سفر کردی چقد زوده

نگفتی درد دل دارم ، شفا گویت دلم بوده

***

خدا اینجوری می میرم ، از این تنهای تنهایی

خزان برگای ما چیده ، نه دیداری نه حرفایی

***

عذابم میده هجر تو ، عزای جسم و غمخواری

خدایا خسته ام خسته ، با این اشکای تکراری

***

تو گفتی عاشق دردم ، نگفتی خیلی بد حالم

یه کوه غم رو دوشت بود ، خودت گفتی نمی نالم

***

تو حرفات خاطره دارم ، تو رویات صبر واسرارت

عجب دنیای ناجوری ، به غم پوشیده افکارت

***

مریضم از تب دردم ، دلم بد جوری  می گیره

یه آمپول حسِ بیهوشی ، سرش کردم نمی میره

***

شنیدم کوچ اجبارت ، دلم داغ عزایت شد

تو بودی شادی قلبم ، و قلبم داغدارت شد

***

دلم پشت سرت داغون ، نمی خواد قرص درمانی

یه قطعه واسه دلتنگی ، کنار قبر رحمانی

***

جاسم ثعلبی (حسّانی) 19/09/1393