سفیر الحب

ابوذیّات کلاب البر

اذا لحظه تحس ناسی وهم بیک

اعلی دربک و انتظر جیتک و اهم بیک

جریب او جالس اگبالی وهم بیک

ولو تبعد یزید الحب علیّه

***

الدنیا اجزعت من همهه و سمهه

شربت الکدر من ذمهه و سمهه

بعد ما ارید ضحکتهه و سمهه

جمر تگطف علی صبح او مسیّه

***

الدنیا ما اخالطهه و اشرها

صبی و اتجرعت مرهه و شرها

الف تن غسّلت عرها و شرها

بگه من الفرح کیلو بدیّه

***

اگولن سام لا لا حام بالثام

غریب الدار لا مو تام بالثام

غزانی الفرهدانی العام بالثام

چتفنی او گعد یتطمّش علیّه

***

یون گلبی اشعلامه ما لمیته

علی المال ابندامه ما لمیته

الیزکّی ابجاه لامه مالمیته

الیغش بالناس یحرگ شیب ابیّه

***

طلبت امن اللّه طلبت شاه موتاه

سعید التوصل الرحمات موتاه

الزعل ویه التحبّه الروح مو تاه

یضل فشلان من ایطر ثنیّه

***

تثقف و اکرم الطیبین من جاه

الیفک بابه یفرح التاه من جاه

و الگاطع رحم لاوین منجاه

یموت ابغیضه دنیا او اخریّه

***

اسربن یا اکلاب البر و هیمن

علی البیهم رده زحفن وهیمن

الجازونه ابقدر فرسن و هیمن

الکلب ما اکل لحم الخان اخیّه

***

جاسم ثعلبی (الحسّانی) 12/02/1399

ارد اسافر

ارد اسافر والبس اثیاب الجدیده ، وامشی لدیار المزهیه الچانت النه البیهه صیت

و انزف ادموعی اعلی اهلهه ، و اکشف الهه الذکریات اتزید بالدمعه النهیت

الچنّه بیهه احباب نلتم ، و الفرح معرس علینه ابکل حچینه ، والهنی ایسر المبیت

احساب غربه احنه ابتلینه ، مو بدینه ، اخلافهه الدنیا مظلمه نشرب الذله ابنحیت

و الکرم زاد الضیافه ، الشر ثقافه ، والمضیف انتج خلافه ، والشرف اصبح بخیت

والصدگ ثبت ظلامه ، و الکذب غندب علی البیهم حمایه ، او صایة العاقل نهار

والفلس قصر الاماره ، تاج راس الکل اسیر الشاد خشمه ، او طوعة الزایر مزار

و الشرف نام ابمنامه ، بین گلب البیه بخت و البیه ندامه ، چلمه محبوسه ابشعار

والفقیر الضاع ماله وی حلاله ، امدهور ابحکم العداله ، ابهجمة الشاعر یعار

والهزیل الماله بیهه او لا علیهه ، امشدد ازنوده الفلیهه ، صار للخاتل مطار

الیدری یدری الما دره خله ابنهیته ، علی شخص الغیر دیته ، مثل درب الداوی نار

والضمیر ایدگ مسامیره اعلی گلبی ، الحگ کلاه الثور اس لا تشتکیله ابکل دمار

انا حزنان اویه ذاتی ، والستر لابس عباتی ، حد مماتی ، ابذکریاتی ، او مستمر بالانتظار

افیه محتر مانی بردان ابمطر ینزل بلاوی ، و انا خاوی امن المشاکل عگلی طار

جبل من هم العلیه ، امحمّل او اعثر و اعانی ، کله منک یا زمانی ، امرکّب اهمومی ابقطار

جاسم ثعلبی(الحسّانی) 28/02/1399

قطار الحب

احذرک یا گلب لا تحچی بالمکشوف

بس کافی العتب بس و ارحم ابحالک

اکل و اشرب صبر و الهم عذاب الوان

او عوف البیه رده المایوصل ابشانک

عندک رب کریم امتابع الهانوک

و ایجازی الئیم الدمّر ارجالک

ما الومک عبرت ابحار صعبه او روج

شد اشراع مجدک و الزم احبالک

کواسی بالبحر عطشانه للبیه زود

ما عدهه بخت و اتفردش اعمالک

قطار الحب یسیر ابدرب مای او طین

اویاک اسباع صلفه ابروجه تبرالک

اشتضن الفرح لاجی ینزل امن الغیث

تضوگ المر عمر من بعده یحلالک

شد احزام ظهرک و انا اعرفک عود

مضیفک ما حزن من سرقوا ادلالک

ویاک امسافر و المات ابیومه

جاسم ثعلبی (الحسّانی) 13/02/1399

لا تبچین

لا تبچین

و الدمعه علی تنزل شبه سچّین

تجرح بالگلب متعذب المسکین

لا تبچین

نتلاهب ابنار الفرگه ملتهبین

لا تبچین

اشلون الدمع ینزل عالوجن نهران

او عند اللّه الطلابه امفتحّه البیبان

الصبر مفتاح للهم و الیهم خسران

و احنه ابدار حبنه اهوای مشتاگین

لا تبچین

میفید البواچی و الزعل و النوح

کلنه اهوای بینه اجروح

واحدنه حزین اعلی الصبر مطروح

عمر عشناه متعذبین

لا تبچین

یا زهرة حیاتی حبی الچ ما ضاع

و ازلوفچ سنابل تنزل اعلی الگاع

سفینة عمری بیهه اشراع

ما اخلیهه سکته او عالهد باقین

لا تبچین

یا شمس الضحی او ضیچ یشع نوره

یهلال الکرم و النجمه ناطوره

ابشرچ و انتی منصوره

دگی اعلی الرکاب الخیل

صوت اهل الحوافر یغث ناعوره

کلنه اویاچ متحزمین

او علی اعناد الیضدنه ابثوبچ اتعرسین

لا تبچین

ارید اقسم قسم بالفاگد الچفین

اید اباید متحدین

لا تبچین

جاسم ثعلبی (الحسّانی) 13/02/1399

ولد یعقوب

اجانه العید و اهل العید غیّاب

اشنگل للناس لو نشدوا علیهم

نگول ابسفر لو حارگهم الغیض

قریب الدرب لاکن مو بدیهم

نفز بحسوسهم من نحلم ابللیل

غدرنه الوکت بس نسمع حچیهم

عساها اببخت کلمن یحفر اببیر

ولد یعگوب ما رحموا نبیهم

الوکت دوّار یفتر والحگ اینور

اهل کوفه اصبحوا غدروا علیهم

ما انوحن علی الی شالوا ابعید

انوح اعلی الخیانه اتفز بدیهم

الماعدهم رحم ما عدهم انصاف

ولا نرغب یجونه او لا نجیهم

جاسم ثعلبی (الحسّانی) 01/03/1399

نسیم الهاب

السبوا طاقة شعبهم عقرباهم

او صیت الذل نهبهم عقرباهم

یجی یوم او نمرهم عقرباهم

الرحم مرفوع ابد ما کو خطیّه

***

اجه وکت الحصاد او منجلک مکسور

سل سیفک یناهی احچایه محچیّه

شد ظهرک او لف چفیتک اعلی الراس

یبن دیرة هلی کافی العبودیّه

ملانه الصبر و الصبر صاح ادخیل

السکوت ابذلّه مرسوم ابمعانیّه

شیل المستحی و النخل دگ ارچاب

ابعزم محتام ظل ینعه ابشواطیّه

و الیرید الکرامه یبذل المجهود

الغیره اویه الغضب تتسمه تربیه

حرام الباع بخته او تابع امر ابلیس

الطلابه اویاه صعبه او ماهی منسیّه

ما ملینه نرگص مثل رگص الدان

من ینزل جمر یجری ابسواجیّه

احنه احفاد حیدر و الحسن و احسین

و ابو فاضل علمنه ابشیمه عربیّه

تربیت محمد خاتم الکونین

ما نقبل ظلم نرفض مبانیّه

مکتوبه الاصاله و الادب و الدین

اعگال الراس متوسد الچفّیه

نزهی بالجمال ابکل نسیم الهاب

یخسه الی یذلهه ارفعهه خاچیّه

التابوت البلانه خله یحمل موت

الموت ایهون للیغزی الحرامیّه

انشدک موته وحده لو عشر موتات

الموت ابعز لیامه اعلنهه تعزیّه

مگرود الکدر لو قربلاله اسباع

الاسد یبگه الاسد و احکامه مجریّه

الاسد لهل الغدر ما یرضخ اشویه

جاسم ثعلبی (الحسّانی) 16/03/1399

ملمع قصاید شوق

دیوانه نشو ای دل عاشق نشدی انگار

حب رب الاله الکون ما محسوب الک خطار؟

مرتاح و ازامط بیک و اکتب لک قصاید شوق

مرمر و طلاکاری قامت نزدی دیوار؟

گویا که بلایی هست در عشق وفایی هست

ترمش لبو اعیون السود حتّی القاصدک یحتار

آشفته شدی در غم پیمانه شده دردم

ما الومک اذا حبیت اخافن مهجتک تنهار

رنگِ دلبرت زیباست چشم آبیش چون دریاست

من یجبل شمس و اینور کلهه اتصیح یا ستار

چون نخل نمایِ او بیننده شدم با تو

و الگذله سعف منثور تسعر بالگلب شب نار

در صحرا شدم مجنون بی پرده به تو مضنون

چندوب احترگ ویاک بعت اللیره و الدینار

من را چه گناهی هست معدوم به خوش کامت

ضحّیت علیک اهوای مذبوح فدایه الدار

سهران و افکّر بیک ارعش من یجی طاریک

چون برگ خزان به ریز عادت زهوس بردار

لذّت تو چشیدی را در عشق خدایی باز

مرتاض شدی با خلق معمار شدی یکبار

شب را چو ستاره جان خود خوانده شدی درمان

طیب نفسک او دنیاک یروی ادموعک الثرثار

در پیری عصایِ من در جمع نمایِ من

ربیتک و احس برباک من ذمانی هم تنعار

حسی در وجودم هست آهنگِ نبودم هست

دگاتک تسلی الروح تطرب لی او تزیل العار

همدم همنوایِ من هم راز و جفایِ من

خلینی اضل ویاک مثل الورده بالاشجار

جاسم ثعلبی (حسّانی) 07/03/1399

طال السفر یا عید

یا عید طال السفر طال السفر یا عید

شال الیحبه الگلب ابدونه فرح ما ارید

بهمومی انزف دمع مثل المطر و ایزید

لابس اثیاب الحزن منی بعد شترید

***

یا عید غثنی الوکت یرمی علی بسهام

لیلی او نهاری ابحزن جاعد و اون ما نام

و الی نودهم جفو بعدو و انا محتام

اشوف الصور وانتحب بس سلوتی الاحلام

***

یا عید ماکو فرح بالک تمر بینه

شالو احباب الگلب و الفرگه تاذینه

المابیه رحم بالکبد نبتن سچاچینه

لبّسنا ثوب الحزن بالحزن خلینه

***

یا عید ضیم او مرض ممنوعه دگت باب

اکرونه لفانه ابوکت و ایهدد الاحباب

ملعون یسری ابامر یقضی اعلی شیب او شاب

او دهری رمانی ابسهم بعده الجرح ما طاب

***

ما اعتب اعلی الدهر اعتب علی البیه شان

اعتب علی الی گعد بالربعه و الدیوان

ملیت من القهر تابعنی و انا انسان

ما اعتب اعلی الجفه الیاخذ حچی النسوان

***

یا عید وین الغضب سکر دواوینک

لو عال بیک الدهر لا محد ایعینک

شیل الحمل و استعد حرر مساجینک

اشما طال بینه الزمن لا محنه ناسینک

***

ملینه شاب الصبر شب بالضمایر نار

و الموت ما یستحی ما یکشف الاسرار

باعونا اهلنا ابرخص بالیره و الدینار

و الغیره تنگط شرف چا وینه حامی الدار

***

یا عید هب الهوی ابمطره او لمیع او سیل

و الدار شبت لهب و الدنیا ظلمه او لیل

هزه او تضخ و السبب من زاد بینه الکیل

اسیوف الغضب شورعت و المن نرید الحیل

***

اهلنه ابعجل گوطر ضعنهم

او بعدنه ما شبعنه شوف منهم

یا ریت الاگیهم و اگلهم

یثگل علی زاید حملهم

***

جاسم ثعلبی(الحسّانی) 28/02/1399

موال و ابوذیّات مای العذب

یا مالک الروح لهدیلک عتب بس ملک

خیّط بالجروح و اوجودی العذب بس ملک

و ارتاح ویّاک بایعتک ملک بس ملک

ما ترضی تشتاق لو تلعب علی الحب لعب

و ارموشک احنان دمعاتک چسنّی لعب

خلینی اشم الهوی بس وحدی او غیری لعب

ما یسکن اویاک رب الحاشه الک بس ملک

***

الالم زاد الگلب بجفاک شدهن

او صبری ابهجرک العازاک شدهن

اگله اهناک جرح الفاک شدهن

الصبر ما فادنی او یدّن علیّه

***

یا مالک الروح اذّانی الوکت مایرد

و الخاب ضنّه اعتقد من یدعی ابدعاء مایرد

والّی کفر بیک بارضک و السماء مایرد

من حیث رب العرش انت او عظیم الشان

و ابکل قضایا البشر تعرف نوایا الشان

خطارک الوان تغفر کل ذنوب الشان

والّی نسف طاعتک ابمای العذب مایرد

***

اکرونه هددانه ابقتل و انهه

احباب اهوای جرهه العسر ونهه

السبب طغیان فانی البشر ونهه

ابرحمتک و ارحم ابحال البریه

***

غثنی قلقل السعر بفراشه او علی من یمر

کالجبل من نار یتسرسح یعر من یمر

اکره خیاله الضحی من یجبل یطر من یمر

بس اکرم الناس من عان البشر عامله

شدد علی الشین باحسن معمله عامله

و الزاع طیب النفس تشعر من سبب عامله

و الیزرع اخلاق تتمنّی الخلگ من یمر

***

البشر مو حشر من ینغر و عر عر

یهیم ابلافکر ینطر و عر عر

علی البیهم فخر یحثر و عر عر

یموت او تبغی نچباته ابشچیّه

***

هجمت علی دنیای بجیوش او مدافع ترن

محموله جو او بحر و ابارض المعارک ترن

جرحتنی جرحین بس اهل المقابر ترن

لبدت اغرود البعر کلمن دخل بیت له

لو حتّی ردت انسحب ناصب درب بیت له

من شاف نار التفگ خابر عدو بیت له

ما ضاگ بیه الوکت و اجروحی ابعسر شن ترن

***

ذکرت الضمّد اجروحی ولی عون

جفانی او تیّهت دربی والی عون

ابطن گلبی ارسم احدوده و الی عون

مثل عید او فجر و ایمر علیّه

***

جاسم ثعلبی (الحسّانی) 13/03/1399

موال للغیّاب

یا صاحبی اویاک محتاجک تِمر بس وامر

و ابعتبت الباب واگفلک تَمر بس وامر

و افراگ الاحباب مالح مستمر بس وامر

وین ارحلت وین بعدیت ابشکل من هلک

و العاف الاحباب تالیته ابندم من هلک

و الغربه صعبه یخی تتحمّل صگد من هلک

واخلافک الزاد حتّی لو تَمر بس وامر

***

عینی اعلی دربک ربت تمطر من دمعهه اوتهل

عاود علیهه الدرب مو هور او تلال اوتهل

یهلال گلبی خلص کل صبری ابغیاب اوتهل

مر بینه مرت عشگ حالوب ابمطر منظره

و اشکی ابهموم الگلب و اکشف غدر من ظره

کحّل اعیونی ابتسم تشفی العگل منظره

عطرک یفور ابنغم عنبر یغالی او تهل

***

یهلال ریتک تمر فتره بس اشمّک و اعد

طالت علی غیبتک حنیت اعلی شوفک و اعد

یا حسرتی اویای مکتوب ابجبینک وعد

گلبی دوا ابنار ما یطفی او یداوی المحن

منکوب من الزمن نچباته علیّه المحن

خلیه جدر طین یتوسد ابمایه المحن

والما وفه اویاک ترکیته ابحچیچه واعد

***

شد العزم یا گلب و ارسم فخر من براء

مرشی الیذمّک غبی خاتل صعد من براء

نیته عذاب او الم یتبسّم کِذَب من براء

یسئل علیک او یطب بیتک ولاکن یذب

اچم حید گبلک گلص باشباچه ابعناده یذب

باع الصله و الرحم  کل حاسد ابناره یذب

التابع اسیاده انشرا او من الطغی من براء

***

جاسم ثعلبی (الحسّانی) 10/03/1399

هرمی مخمس العید اجانه

العید اجانه

او زادت الفرحه ابهوانه

اشکر اللّه مر علینه او ما نسانه

اهموم عدنه امچردسه ابدیوان اهلنه او شاهدانه

ننتظر جیته ابهلاله او نلبس اثیاب ابدلاله امن المصایب ضمدانه

***

گلبی عایب

ملتهب من المصایب

یضوی بس بالام صدری شمعه ذایب

ما لگیت الیطفی ناره صاعد او یلمع شراره امن الگرایب

یا حبایب یا گرایب تشعل النیران بدیاری المعایب شنصی غایب بالعجایب

***

یا جماله

شاهد الفرحه ابخیاله

هذا عید اللّه الکبیر ایسر دلاله

توه اجانه ما نسانه والسماء اینور ابهلاله

شایل العزه ابصیامه او فرحت العاشگ ختامه مهتم ابلمت رجاله

***

مر علینه

بالنهار اتفرهدینه

لیش من نرسل رسایل بالدلایل ما تجینه

یعنی غربه لو نزیف ادموعنه و العین تربه اتبدی بینه

انصیح محتاجین غیره الضیم ضل ینزل خریره ابکل عشیره اتحطمینه

***

مبدع الشعر الهرمی: جاسم ثعلبی (الحسّانی) 30/02/1399

شعر هرمی افسانه

خوش به حالت

بوس کن رنگِ خیالت

تو خودت پروانه هستی در جمالت

کاش چون پر چنگِ دلبر می دمم در باد بالت

کاش سایه کاش مایه کاش من سنگِ نمای عطر شالت

***

دل نبستی؟

تو خودت افسانه هستی

ناگهانی بی زبانی در دلم رویا نشستی

همچو طوفانِ پریشان مانعِ عشقم شکستی

من اسیرم در کویرم بی تو من شاید بمیرم گل بدستی

***

خوش بیانی

همچو عودِ زعفرانی

کور باشد چشمِ زخمت با زبانِ بی زبانی

از عجایب سایه ابرویت نشسته بر کمانِ دیده بانی

عندلیبی عاشقی تو .شوخی هر گز. رو نماید در کنارت شادمانی

***

مست مستم

با بلیغانِ رمان پویا نشستم

کوهِ کوهان خزانِ سر گناهان را شکستم

رازِ مخلوقِ عجایب در سفرهای غرایب سر بدستم

حکمت افزوده به قلبم آن خدایِ بی پناهم خوش بیا دلشاد هستم

***

من امیرم

در پناهِ حکم حق کامل اسیرم

تو نمی بینی درونم خیلی ساده چون عبیرم

کاش با من می نشستی زنده هستی یا نه هستی یا که پیرم

تازه می فهمی چه لوحی ساده لوحی با گرانقدری شکستی بی نظیرم

مرگِ دریا خشک سالی روز قحطی آتش افروزانِ سختی پای تختی در کمالم تا بمیرم

***

گل بهاری

عاشقی یا خود خماری

مثلِ برگِ سرخ زیبا خوش سفر در آبِ جاری

خیس کردی خاطراتم می چشم حسِ لباتم بر دلم اخمت می باری

دل بیا . مهر و محبّت . تو ببین عشق و نجابت در خیالم عطر و رویش یادگاری

***

جاسم ثعلبی (حسّانی) 31/02/1399

ملمّع کافی البکاء

یا عین کافی البکاء  والراح ما راح

یرجع علیک صبراً و الدموع غرایب

دیوارِ صبرت نما کن به سنگِ مرمری

ضمدی النحاب بالّعاب و الجروح مصائب

ای کاش صبرت به کام تو شود بهشت

لا تنحنین امام الغدر و الشهیق معایب

پیکار سخت است با زمان زنده خوار

غزلان ترعی فی البادیه و السباع حبایب

باز کن دو چشمانت و عشقت آرزوست

و الخطر حادث و دامس و الکنوز عجائب

با حسودان ملامت مکن درد دلت کمین

خذی اللوم منّی مبکراً و الحاسدین قرایب

بپوش آن غریو ناله ی جغدِ شبان دیار

کونی مع اللّه یعصمکَ و الجهار طلایب

به ریسمان خدا بچسب که راه نجات خلق

ما خاب ضنّهُ من کان مع اللّه وهو سایب

دریا کجا و کشتیش لمعه خوانِ محبّت است

ارویک قصّةً تذکر  طوفان نوحٍ وهو شایب

اشکت بریز وقتِ مناجاتِ عرش خلق

ابکی علی ذنبٍ مطرّز بالاعمال ذایب

ما را چو مسافری در زمین بشر گمار

والدنیا و ما فیها زاهیتاً فانیهً  کالسحایب

به نیکو بخوان قصّه ی عمرت به زر نگار

اغرسی الوصال و اسقی به و الدموع مذایب

مایوس نباش هر گز با شکسته بالت اینچنین

ضمّد جروحک بالحذر و الجنات کتایب

جاسم ثعلبی (الحسّانی) 03/03/1399

تابع اشعاری الفارسیه و العربیه علی العنوان التالی

www.jasemsalabi.loxblog.com

ابوذیّه و قصیده باسم اخذمنّی نصیحه

الیهین الناس خل روحه و ذلهه

لئیم او حلحل اجروحه و ذلهه

یهد و ایناور ابنوحه و ذلهه

گطف متروک ابو افعال الردیّه

***

ابقصیده اکتب رساله الکم و اودیهه

الیخون احبابه بالعشره اشنسمیهه

احکموا زین عیله او ممتحن بیهه

دلونی ابدرب خاطر نداویهه

***

دلّونی ابدرب خل نکشف المستور

الحفر بیر العمامه امسودن او مطیور

یدور الشینه الهم للعدو ناطور

الخوه ابحرمنه و اشلون اباریهه

***

اباریهم الحدمن و الگرن من طین

لا عدهم ثقافه او لا علم لا دین

ازورنهم و امرهم دایم امحجرین

الیوم ابیومه عدهم قصّتی ارویهه

***

ارویهه او یریدونی عبد مملوک

رفیج اویاهم اعمل و الدرب مشکوک

و احس بالغیره عندی و الفکر مسکوک

کرهونی اعلی فکری او لازم احچیهه

***

احچیهه ابعلن خلهم یکرهونی

او جدام العدو من هم ؟ یذمونی

ابنار او اشتعل بدهم یدوونی

ولاکن لیث ابن لیث او افز بیهه

***

فزّیت او عرفت الحرگوا الحافی

نسوا کل وگفتی و افعالی و الطافی

روح اسئل غریب او تسمع اوصافی

کتب منتشره بالعالم معانیهه

***

الادب بعیونی مکتوب ابسطر من نور

ما اتابع لصوص او ما اطخ للزور

احب بالدنیا اعیشن عابد او مستور

الدنیا بالطمع ما اود اخاویهه

***

الخوه اترید واحد عاقل او مطبوخ

مو تابع الشور امریته او منفوخ

تذبحه ابلیطه خایف یرجف او مصلوخ

دمار الخوه یوجب لک تعازیهه

***

اخذ منی نصیحه او لا تروح ابعید

عرّبلی ابکلامک و اترک التهدید

صادق صیر عابد و العباده اتفید

یبنیلک قصر بالجنّه تالیهه

***

اخد منی هدیه او بالگلب تذکار

العیشه ایّام بالدنیا اعتقد خطّار

بگلوب الیتاما لو شعلت النار

اذنوبک بالقیامه من یسد بیهه

***

للشاعر الشعبی: جاسم ثعلبی (الحسّانی) 15/11/1398

ابوذیّه و قصیده باسم: نکهة ورد

جمالک بدر و اعیونی ترالک

جمیع الخل#گ من تجبل ترالک

الگلب ماهو ملک غیرک ترالک

امن اشوفک تنطفی النیران بیّه

***

من گلّک احب غیرک و احرّج بیک

خیالی اویاک بس کون اسمع اخبارک

ما اگدر اسومک بالذهب و الماس

و انت البالگلب مرسوم تذکارک

لا تبعد علیّه ما ارید انساک

روحین ابجسم لو بیدی نتشارک

انت الشمس وانت الگمر وانت العید

اشم نکهة ورد من چلمة امبارک

جرحنّی اعیونک و الطبیب احتار

احس ادوای عندک طفّی ابنارک

اشحلات البسمه بشفافک ترد الروح

یهیعونه ابوک او عمّک او جارک

ارید اکسر سکوتی والقی چلمه اویاک

ابرساله و اتّصال اتمنعک انصارک

افتح باب للحب خلّه یعلگ بیک

او فک زیج الندامه الگفلت ازرارک

تدرینی اودّک و اطرب ابملگاک

کاتلنی جمال او لمعة اسوارک

زیل الخوف واعلن حبّک المستور

و ارگصلی ابنغم سهّرنی بطوارک

تابعتک عفیف او تستحی امن اهواک

اخافن تنفجر ، مِتکفّی بسرارک

سرّحلی ابکلامک فک لی درب الشوگ

عطشان ابقرامک و ادلی بفکارک

احبّک موت من گد الهوی و المای

و ادگ المس گذلتک و اخذ ابثارک

خل حسادنه او شماتنه ایموتون

اطلگ الدنیا کلهه و اگعد اگبالک

من الشاعر الشعبی: جاسم ثعلبی (الحسّانی) 14/11/1398

هوسه و قصیده باسم لیلة عید

الانشالوا گبلک ابتابوت شنهی یِعنی تفسیرک

توصل نوبتک تنشال او هم المگبره اتغیرک

یبن اادم وراک الموت لا تظلم شخص غیرک

یبرالک فعلک و اعمالک / والخاین بیه او من خانک

مکتوب ابورقه او یبرالک /

فکّر للعیله او داویهه / والماگدّرها ایقص بیهه

***

من گلّک تضل حی ما یجیک الموت

تتفکّر قوی او مغرور باموالک

الگبلک وینهم لمتهم ارض الکون

تظلم و المصیبه ایرنن ادلالک

ابمضیفک تکره الحق والیود الناس

امحالفلک شمر و اترامی بفعالک

نکیر او منکر امتانینک ایرحبون

میفید العنب ینکسرن اسلالک

عندک خیر واحساباتک امفولات

و اموال الرباء زاید علی اعیالک

ساعدلک فقیر او فرحه لیلة عید

من یفرح طفل تتحسّن احوالک

اهوایه ناس عاصرهه العسر و الضیم

تذل بیهم حشاء لا تحترگ بالک

لان ما عدهم اموال او ملک و احلام

و ایخافون من ضربة رده اعمالک

اذا دینک علامه او ما تحس ابدین

اذن احسب بشر مرتبطه بامالک

عدهم رب قوی قادر او یقهر بیک

اطعم خلقت اللّه و ارحم ابحالک

لان کل ثوره مربطهه الفقر و الجوع

او منشور ابعلمهه الواجب ارحالک

انتقدتک بالنقد ویّاک اخیط اجروح

جرحین انجرحت او فدوه لنعالک

عوف العفرته و الظلم و الترهیب

او سد باب السجون او نزّل احبالک

للشاعر الشعبی: جاسم ثعلبی (الحسّانی) 13/11/1398

قصیده من گلّک تحب

تمر و اتمرمر ابحالی شمالک

تضن گلبی ملک خالی شمالک

حصدت ابزرعک او بیدک شمالک

تحوف ابزرع غیرک مو خطیّه

***

من گلّک تحب و الحب عذاب او موت

متعمّد چنت لو هاجن اجنونک

تمشی اتسد طریجی و الدرب بیه نار

تتعیّل علی لو غزلن اعیونک

الحب لو بیه طمع دوسه و اگطفه ابعید

ثجیل او بیه فتن لن یشلع امتونک

اخذ منّی نصیحه اگلاده خلهه اویاک

لا تهدی الگلب للمایرحمونک

الیحب عنده هدف فارغ و لا مملوک

حب العفرته تتکسّر اسنونک

مو نص بالسماء گلبک او نص بالگاع

تصاحب لک فقیر ایوفی بدیونک

هذا مو عشگ لا لا لفاک البین

ذنب شایل معاک اتهدّم اگرونک

حگگ تبنی بیتک بالعشگ ممنون

اصیرن لک عبد و اتفاخر ابعونک

للشاعر الشعبی: جاسم ثعلبی (الحسّانی) 12/11/1398

قصیده حب و حرب

الدمع ینرل علی اخدودی و احس بیه

مثل نار او غضب ینزل و احس بیه

احلمت شخصک دخل گلبی و حس بیه

اعتقد زعلان هاج او عال بیّه

***

المصاری معجزه الکل شاب ، بس الحب یعادیهه

الناس ابمنوه بیهه اتشیخ، العاشگ ما یحس بیهه

افتخر حب الصدگ موجود ، عند البشر دون احدود

مثل مطره او تدث واتسیل ، و العطشان یرویهه

اخبرک و الخبر مخصوص ، ابکل دین الخلگ منصوص

الیحبّک بالطمع چتّال ، الطمع و الفرگه یشریهه

گلبک سلوته العیون ، مثل لیلی او تحب مجنون

مو حب او حرب و ادیون ، ابمحبس ذهب تشریهه

حب الرب امر مفروض ، واجب بالکتب معروض

ابعباده و ابصلاه و ابصوم ، قصر بالجنّه تبنیهه

من الشاعر الشعبی: جاسم ثعلبی
(الحسّانی) 12/11/1398

قصیده سفرة زعل

کبرت اویه المحن و اتناولیت الموت

الوفه لحبابی دم یجری ابشرایینی

اعیش اویه الصداقه کالجرف و المای

احنن و الدمع ضل یجری من عینی

علی راسی احط تاج الفخر و امتاز

الصدیق افزع فزعته او لو ینادینی

اعرف الغیره عنده و الیحس بالناس

و اعرف البیه مشاکل و الیعادینی

مو سفرة زعل و اتلاشط اویه الغیض

ولا هم صوفرت من کثرة اسنینی

مثل البشر هم عندی عقل و احساس

و اود الضمّد اجروحی او یداوینی

الشعر موگد صفالی او دلّته المنثور

اناسی اویاه و اجناسه التبارینی

اساهی منّه من ضیم الدهر مرعوب

ابحلاة النوم فززنی او یحاچینی

یگلی اکتب قصیدة حب تشب النار

و آنه ابنار گلبی او ما یعازینی

استحیت او قدمت له ابیات للشمّات

او ذکرت اسهام عین الحب ترامینی

احب کلمن حبیب او ینتسب محبوب

ابجماله او صوته الرائع یناقینی

الدنیا الحب و حب الدنیا ما مختوم

اعیونی لو طفن حبّی الیدلینی

الوکت میزان کف بیه بس عذاب او ضیم

او کف الثانی حب و اوصافه تاذینی

ایّام الحب قصیره مثل ورده ابگیض

اذا طالت العشره لا تسمّینی

للشاعر جاسم ثعلبی (الحسّانی) 11/11/1398

قصیده غزلیّه باسم لا تعتذر

هیعونّه عدنه کلب ، بس ما یعض احبابنه

گمبوع و اعیونه الصفر ، یفرس فرس من غابنه

فرشینه صالتنه ورد ، او رحّبنه للراح او یرد

خزّن جرحنه امن الربع ، انسمّیه عمیل الصابنه

ما نفتگ اجروح او نشد، و انطفّی نار الملتهب

ینگل حطب و ایصب غضب ، و ایدوی نار الشابنه

ایسمونک اباسمک عبد ، امتابع عدء او بیهم تهد

ما تفتهم ما تسترد ، اتورطنه بیک اشجابنه

وینک صدگ و اسمک رجل ، جابلنه بالساحه ابعجل

مو لابد او تحفر فتن ، من گلک انت اربابنه

حط عینک ابعین السبع ، خل تسمع احچایه الربع

مطلوب افصلنّک دلع ، للحگ نحنی ارگابنه

لا تعتذر ما کو عذر ، انت السبب مسنه الخطر

امودع ابذنبک بالسفر ، ما نشتهی اتدگ بابنه

ملینه منّک دندره ، یلعاکف ابشور المره

انخاوی الغریب امساتره ، یتمنی عشره الطابنه

الزمن شاخلنه شخل ، و الحب نبت عدنه نخل

و الغیره نحسبهه فخر ، بس ما نضر الحابنه

تهجم علینه ابیا سبب ، کفّار تحسبنه او شغب

لا تنطق ابزی العرب ، بدک تثور اطوابنه

کلک فتن طبعک غبی ، او ما حسّبیناک اجنبی

تگعد معانه او تصتبی ، غرّک بیان اعرابنه

جاوبنه یابه ابیا سبب ، و ابّطن بیتک ننضرب

و اصورنا توصل للغرب ، تهتک نضال اشرافنه

ینبع کلام امن الگلب ، و اویاک نحچیهه ابصدگ

بالک تمر بینه او تدگ ، باب القصیده اوصافنه

لا تدش بیتی او لا تطب ، یالتابعت حقد الغرب

هدّمت صیت او تنتحب ، تکذب عنادک ذابنه

لو صحت نجده ابعازتی ، او لو گرب موتی او دفنتی

ما ارید تحضر قصّتی ، ابعد تلوث اترابنه

ابعد ولا اتدگ بابنه ، انت السبب بارعابنه

الشاعر الشعبی: جاسم ثعلبی (الحسّانی) 10/11/1398

ابوذیّات  مکرکرات وتخص الحیاة

اشبهه الفتک حرمة بیت برضه

اکل دمّر خلق مشروع برضه

من هو القبل یحفر بیر برضه

اویطم روحه او عمامه اتضل سبیّه

***

کتلنی الهتک حرمة بیت و اطّب

ایتلقی الضربه بالرشاش و اطّب

علی موده انفذت خوان و اطّب

الحیاة ابعز عزمهه البندقیّه

***

لا تفتر یغافی الدرب من هان

او حط ایدک بدیه او بیع من هان

الظهر تهجم هجوم اسباع من هان

اصلنه او ثوب عزّتنه الابیّه

***

تکرکر کرکرت بالوکر و کریت

تدک تکفر ترک یتمت و کریت

بگت بوگات ما بگّیت و کریت

اتوله اعلیک وکت النار بیّه

***

حزءَ الاحسان بالاحسان حیله

التزامک وطن و الاخلاق حیله

عِد اللابس اقناع الهکر حیله

شبه اادم او لابس ثوب حیّه

***

یصدقان الحشر محتام برکام

ابتلعتو القدّس و یه الشام برکام

هل یثمر قصن زیتون برکام

یصیر الغام للیغزی الثنیّه

***

نراهن و الف مره انعید وانعید

اعلی حگنه او ما نعوفه ابوعد و انعید

الوطن بیت النه یومه اسعید و انعید

او یضل لحفادنه ارث او هویّه

***

للشاعر الشعبی: جاسم ثعلبی (الحسّانی) 09/11/1398

دوبیتی گلشن راز

ستم در کار و مظلوم در گریز است

الیبوگ الوادم ابعرفه عزیز است

های اشلون ،  ذیچ اشلون ، محتار

البطل و الحق همیشه در ستیز است

***

خدا دنیا به جان تاریک و زندان

نشانم می دهد دردِ فراوان

بیا ای گور کن گورم بکن زود

نمی مانم در این دریایِ جوشان

***

شکیبایی سلاحِ بردبار است

تنی سالم برایم چون بهار است

ضمادِ زخم و دلگیری طبیعت

دلم با درد و غصّه سازگار است

***

الهی تا به کی باید بنالم

فقط من نیست، نالش در جهانم

بدل کن دل پریشانی به شادی

و یا در آتشی سوزان بمانم

***

الهی الدنیا توعدنی ابحرب جای

الهی ادموم لا تنزف بپیمای

رهایی ده اسیران ، مستمندان

الهی کافر و ظالم نیاسای

***

الهی عاشقان در عشق کورند

از آرامش و آسایش بدورند

نرنجان این جماعت گلشنِ راز

خودت دانی نه اهلِ زر نه زورند

***

نمی دانم چرا این دل پریشان

خدایا خاطراتم باز گردان

دلم می نالد از دردِ رفاقت

خدا آتش فشانم را نجوشان

***

جاسم ثعلبی (حسانی) 07/11/1398

ابوذّیات ذیول الشمّات

یشامت جوز منّی او فوت بهلاک

ابعذاب الی وگعته اویای بهلاک

عساک ابمرض ضاع ادواک بهلاک

تمرحب بیه او ضوگ المر هدیّه

***

من وزّک یشامت علی واهداک

ادکّنّک و ادفنه اویاک و اهداک

رمح قاتل شتلته احذاک و اهداک

او طبگ گلبک علی امتونک سویّه

***

ابکلامه البشر مضمونه و یهله

غبی المایحترم نسله ویهله

تشخله الخلگ من فعله ویهله

ابفضیحه او یفتضح ماله خطیّه

***

انتهیت اتحاصرت هاجت وحوشک

غنیمه صارت اموالک و حوشک

بگیت انته یجی یومک و احوشک

واعصرک مثل ما ظلمیت بیّه

***

ادگ و الظم گصاید ذهب واحجار

معای الگلب ساب او هرب و احجار

اختبرت الخوه و الصدقان و احجار

طلع جاری الاخو و الخوه اذیّه

***

یذیب الغادر احفادی سمالک

حزین او خلعوا اثیابک سمالک

الخذیته امن ایدی ابمکرک سمالک

ابو الحصنی اطلعت و اتبوگ بیّه

***

الشاعر الشعبی: جاسم ثعلبی (الحسّانی) 06/11/1398

ابوذیّات حب الاب و الاخ و الامهات

شبچ حچی البشر طوفه و لم بیه

اخذ زینت سمچ صیده و لم بیه

اذا عربید ملتف لک ولم بیه

اترکه ایموت کلمن بیه اذیّه

تلهمه ارفوش تاکل لحم حیّه

***

اشتغل گلبی مثل برکان والشاب

اهتمامی بالحیاه و الفکر والشاب

الصداقه ما تعرف الشیب والشاب

البشر والحشر مسکنهه سویّه

***

عذاب اهوای شل الروح وانهه

استمع بالوزن یظهر لون ونهه

یریت اهلی او هله خوّان و انهه

و اطرده الجای واحرگ شیب ابیّه

***

هلک کلمن غزاه الحب و عت بیه

شبل مجنون واحساسه وعت بیه

الدهر ما یرحم ابحاله و عت بیه

یداویه ابقهر صبح او مسیّه

***

حنان الام معالمهه و شمهه

قنادیل ابقصر ضیهه و شمهه

عطرها اینسّم ابروحی واشمهه

ابحضنهه ارتاح اذا لولت علیّه

***

الام مفتاح للجنّه و سرها

ابکلام الطیّب احشرهه و سرها

بالک لا تعاندهه و سرها

تاج الراس نار او نور هیّه

***

ابوک الشیّد ارکانک وعانک

وجودک عسرک او یسرک وعانک

علی اچتافه عمر شالک و عانک

یرید اکرام من تدی التحیّه

***

ابوک الدبّر العیشه و لمهه

ابضیجک ما غفت عینه و لمهه

یربی اجیال یتحمّل ولمهه

تغشه لیش ابوک الکم هویّه

تنکره لیش ما ما عندک حمیّه

***

ابوی او امّی احبّنهم و اردهم

ابحضن کاروک اجرّنهم و اردهم

جمیل او زاهر ابگلبی وردهم

نسیم الجنّه و اشتم طیبه لیّه

نسیم الجنّه و ایعطّر علیّه

***

اخوتک تکبر ابظلهم و مرهم

عزمهم مشفی لجروحک و مرهم

ابفرحهم دوم باریهم و مرهم

التعدّه العیله فاز ابلم اخیّه

***

اخوتک هیبه بالدیوان ونسه

منهم لا تلم بالحقد وانسه

صمً بکمً امن الزعل و انسه

اذا ما تنسه مرته اتکون اخیّه

***

اخوتک منظره الصیتک و رایه

الوجودک فخر تربیتک و رایه

یصیب الّی خدت شوره و رایه

الاخو لو یحترگ یحرگ خویّه

***

الشاعر الشعبی: جاسم ثعلبی (الحسّانی)03/11/98

ابو ذیّات حب البنین و البنات

ملّینه  امن  الحزن   ملّینه  من  الفات

نرجع اذن للعشگ بعده عدل ما مات

***

عرفتک من بزغ صدرک وشم بیک

اشحلات الکحله بعیونک و شم بیک

یریت اببرده احضننک و اشم بیک

السعاده اویاک احس میّه اعلی میّه

***

کتلنی طولک او زلفک وعد لک

خیال اویاک اباریلک وعدلک

شطب ریحان اکرمنّک و اعدلک

اموتن لو اشوف اتخون بیّه

***

الگلب رادک شاادبنّه سکر بیه

احس من بوسه البخدّک سکر بیه

کل ما مر واشم ریحک سکر بیه

او بگه یهذی او فضح کل سر الیّه

***

الشامت دردشالک کره و اعداک

او تابعت ابغیابی اعدای و اعداک

تواعدنی و اجی و اتخون وعداک

تضل تلعب فلم ذاتک ردیّه

***

ابکلامی الواضح انعت لک ورد لک

رایت المثری من قدم ورد لک

بعد ما اود اشوفنّک و ارد لک

طمع عندک فقیر انه اشبدیّه

***

اعلی شانک هاج گلب الشعر والفیت

اعتذرت او کررت باخطاک و الفیت

عفتنی او غبت سبع اسنین و الفیت

تهدد لیش و انت الخنت بیّه

***

ابتلانی الدهر جرشه اویاک بلواک

هجم،هدد،شتم باشفاک بلواک

کسرت ایدی ابهواک او شاک بلواک

لوی لو شبگه تطرد عین هیّه

***

علی مودک عبرت اجبال و ابحار

ابجزیره انت ابظلام او مطر وابحار

تواعدنی واجیک اببرد و ابحار

اعلی شان البوسه تتدلل علیّه

***

الشاعر الشعبی: جاسم ثعلبی (الحسّانی) 03/11/1398

ابوذیّات للخائن و الخائنات

ابعجاج اهل اللیامه او غرگ بالمای

الیضدنی ما گدرنی او شرگ بالمای

ابّطن بحر الخیانه احترگ بالمای

او بگه تذکار للمابیه حمیّه

***

اسولف و المن امن المحن بالوای

ابنار اعدای گلبی انسجن بالوای

ابعدت و تکترّت بالعلن بالوای

تبعنی الخائن او دگ رمحه بیّه

***

الگلب ضایج شسولف شون شلهم

اعلی سدری حمل حایر و اون شلهم

اعلوج الدهورونی ابحزن شلهم

یرب ابضیم و افراگ او اذیّه

***

یلیث اسمع خبر صادج و امرهم

اصحابک دوم غربلهم و امرهم

اختبرهم ضوگ لذّتهم و امرهم

اترکه المر لان ذاته ردیّه

***

الحرگ ناسه ابعناده لا محاله

اجنبی او جندی الرذاله لا محاله

المع اللّه ابضیجه ینجح لا محاله

سقط بیهه الحفر بیر الخویّه

***

اضیفک لا تگول الکار من کار

سلوتی ابیوم اکض الثار من کار

عذابک بالگبر من شار من کار

ازیدک حطب و المشعل بدیّه

***

للشاعر الشعبی : جاسم ثعلبی (الحسّانی) 02/11/1398

ابوذیّات الخوّان

اخوک الما یغیره کان من کان

شهم بالضیجه و الدیوان من کان

اسد مغضب یلف الهان من کان

ایتصدّر للرصاص ابضم اخیّه

***

اخوک الشهم طم غیضه و حی بیه

اکرمه واگعد اگباله و حی بیه

اذا شاورته ضم شوره و حی بیه

ینصرک لو طحت باسفل اذیّه

***

اخوک الضم الک عتبه و عیله

ابکلام الطیّب ارویله و عیله

سنان اعداک فر حیله و عیله

اعلی گلبک یبغی باسم اهل الخویّه

***

اخوک التبع شمّاتک ورک باک

ابگومک لا تعد یهجم ورک باک

ابکلام الشین ینعیلک ورک باک

اترکه او شیل ابوذات الردیّه

***

اخوک الماحضر ضیجک و هم بیک

حسافه دوم تبراله وهم بیک

عدو من ذاته صوصیله وه ام بیک

اعلی گصته و الخلگ تشهدهه الیّه

***

اخوک الما حضر ضیجک و نخواک

ابغزوه و الدهر زامط ونخواک

ابخیانه او جیت ادوسنّک ونخواک

خوه من ضربتی او سیفی بدیّه

***

وحق شیمت علی او سیفه و لبسه

الشهم منعوت بافعاله ولبسه

العافاک ابهجر عوفه و لبسه

تفرسه اکلاب گوم الزمهریه

ابحچیچه ایموت ابو افعال الردیّه

***

الشاعر الشعبی: جاسم ثعلبی (الحسّانی) 02/11/1398

هوسات و کلمات

هله ابجیتکم احبابی او یا هله

البیت نورتوا شبابه او یاهله

والتهمکم گرب موته اویاهله

اسباع تلفیه او تهدم ادیاره

***

هله ابجیتکم امفارجکم کثیر

گلبی عدکم ما نمت عدکم اسیر

اهلال بیتی و العدوا منکم یحیر

یسباع البر بیکم هیبه

***

ابوکم الشایل علمکم و امکم اتهلهل فرح

و الیضدکم عاف دربه من سمع بیکم سرح

تایه امضیع الملاجی ابگبره بالذله انطرح

ملعون اصبح کلب اسیاده

***

السجن ما یمنع ضلاله السجن دیوان الشباب

و البری او تابع مصیره ما یحس بیه ابعذاب

اللّه شاهد بیه تعاید زاد مضمون الخظاب

مسجون الحگ من داعاله

***

هم شایف عبید ازنوج ترضخ للعبودیّه

هم شایف بعد خوّان تعزب للحرامیّه

اویاک اهناه اصیح ابصوت بالدیوان یومیّه

اصلک من فصلک والباقی احثاله

***

دگوا الثایه یا خوّان الوطن عالی ابتفسیره

دموم السالت اعلی الگاع زرعت ورد تحریره

جنود الما تهاب الموت ملتزمین تطهیره

فرسان او غارت / عید الموت امشی اویاها

***

بالع النخله ابسلاهه صابر او صبری یهوی

مو غریب الحرگ بیتی انوب ابن امی و ابوی

حیل و اعلنهه ابرساله لانی اخوه او لاهو اخوی

ما اریده ایمثل / من یوصل یوم اوداعی

***

ما نهم و العیشه صعبه الفرگه موروث السباع

ریت تطلع صبح عدنه او نحرگ ابیوت الضباع

و العمیل الباع بخته ایخرخر ابوکت الصراع

و الظالم حگه ایدگونه / جدام اعیاله ایهونونه

مذلول ابشیله ایدفنونه / او حگک واللّه او حگک تنرک بالهوسات

***

ما اود الطائفیّه لو تفادونی ابذهب

ما اطیع الظلم اصلاً لا وحگ سید العرب

البیت بیتی و ابقضیتی او عربی من اصل او نسب

بجدادی او ما اعوف ابلادی/متمسک بارضی او اولادی

منصور ابشعبی او احفادی/ و النصر ایدگ ثایه ابرایه

***

ما اود الطائفیّه لا تعادونی امن اگول

او لا اطیع الظلم فرعاً لا وحق طاها الرسول

اصلی من امت محمد مهجتی الزهرا البتول

و الکافر تجرح کلماته / و الخاین نکسر عصاته

و الموت ابعز یا محلاته / الجنه اترحب بیکم یعضانه

***

الشاعر الشعبی: جاسم ثعلبی (الحسّانی) 28/10/1398

ابوذیّات مرهم الجروح

یشامت زید بزماطک وجورک

بعد لتهدد ابکذبک و جورک

القبلک تابعوا شورک و جورک

علی اکفیهم ضرب حتّی المنیّه

***

الدهر ما ارحم احبابی و مرهم

ابسجن ضاگوا حلات العز و مرهم

یریت الیوم ازورنهم و مرهم

و اشوف السبب لیش اگطعوا بیّه

***

گطعت اویای ظالمنی وهم بیک

تبعتک من صغر سنِی و هم بیک

ابکلامک دوم تجرحنی وهم بیک

غبی او ما تستحی او ذاتک ردیّه

***

ابرذاله الدهر حاربنی وعدنی

الظهر بجیوشه یسحگنی وعدنی

گلتله اخذ ابثاری و عدنی

جبل صامد اذا تهجم علیّه

***

یزامطنی الدهر بالحان و انسان

ابزلازل یحرگ الدیران و انسان

نسانی سیف بالشدّات و انسان

واگص عیب الیخون الوعد بیّه

***

خابص مدمن اشورطک و اهلاک

تحفر لک گبر برضاک واهلاک

ترید اعلن حرب ویّاک و اهلاک

و ارایک الظهر نجم الثریّه

***

للشاعر الشعبی : جاسم ثعلبی الحسّانی) 01/11/1398

غزل عتب الصدیق

عاتب صاحبّک لتظلمه عین ابعین

بس بینک او بینه احچایه مختومه

اذا عنده ذنب لا تگصی حیل اویاه

و اذا اول خطوته او ذاته مفهمومه

مو طگ بالحچی او بیهه رمی او چیلات

تثقّف للیودّک و احترم گومه

اهوای امن الصداقه تلگه بالحظات

او صدیق البیه وفه ما یاجد ابیومه

یگول ابن المثل و البیه ذهب مقیاس

الف من الصداقه او لا عدو بومه

صدیق الزین یستاهل سبع بوسات

اعز من الاخوا و افعاله معلومه

اختبره ابعاصفه او لو مر علیک الغیض

اذا غثّک حچیهم شگگ اهدومه

اکرمه او اوفی ویاه ابسعاده او خیر

اذا مسّه العسر گوم امسح اهمومه

للشاعر جاسم ثعلبی (الحسّانی) 01/11/1398