دارمیّات ورمضانیّات
اگبل شهر رمضان وانطر اهلاله
ذاکر افعاله اهوای رب الجلاله
...
انخه الی عنده اموال واهلی النشامه
حط عینک اعلی النّاس فقره او یتامه
...
مر ساعد الجیران واجسم فطورک
لو ما تحن عالنّاس محد یزورک
...
استقبل شهر رمضان بکرامک العام
لا تعزم الشبعان و احذالک ایتام
...
ساعد العنده اعیال الدربک ینظرون
من قبل یوم العید و اچسی الیعانون
...
یا هله ابشهر الخیر عید او فرح جای
ایزیل الحزن والنوح والکل جرح دای
...
هل الهلال او عید لازم تواسیه
او لا تنسه الزعلان منّک تمر بیه
...
هل الهلال ابخیر و اکرونه موجود
ادزلک رسالة عید لن دربی مسدود
...
طوف الزعل یا حید او مر اعلی اخیّک
لا تنسه اتمر کون لمّک و ابیّک
...
ندعی ابصلاة العید بانواع الالفاظ
یا ربّی شافی النّاس من ضیم الامراض
...
الما عنده یکشخ بیش لو جتّه الاحباب
الجاهل یسکته اشلون الما جدد اثیاب
...
یهل الفضل شوفوه البگلبه فاله
و الطفل من العوز تبچی اعلی حاله
...
یا عید اجیت ابخیر چا وین الاحباب
الچانوا اویانه العام ما دگّوا الباب
...
اسئل علی الغیّاب ضنهم نسونه
لا خبر لا مرسال شو ما اجونه
...
ناگصنه ابرمضان غایبنه ایعود
ننتظر دگت باب بس دربه مسدود
...
بید الهوا الّی هاب لرسل سلامه
ابعید الفطر مشهود خالی مچانه
...
العنده ولد مسجون ما عنده راحه
و انطالب المسئول یطلق صراحه
...
یا ربّی فک اقیود بیبان الاحزان
او خل کل سجین ایعود لعیاله فرحان
...
جاسم ثعلبی (الحسّانی) 24/01/1400
:: برچسب‌ها:
دارمیّات ورمضانیّات ,
:: بازدید از این مطلب : 2124
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
