ابوذیّات للاباء و الامهات
ربیت اویاچ عود ابزرع یمّای
ابحضنی او جاچ ملک الموت یمّای
رحلتی او ذکریاتچ بگت یمّای
او دفنتچ بالگبر غصبن علیّه
...
ابابوذیتی او ذکرت الاهل بالبیت
و اطاعتهم علی تستجب بالبیت
الأب و الأُم گمر و انجوم بالبیت
الدار اخلافهم ظلمه او خلیّه
...
ذکرت الّی جفونی او عسل مرهم
او گلبی الیوم وسط الگبر مرهم
ابوی الچان بالدیوان مرهم
یشافی اجروح ملیانه ابأذیّه
...
تبعنی الدهر فوگ الجبل بر ماه
او رمانی او صوّب الدلال برماه
اخذ منّی ابوی او ختم برماه
او یطالبنی ابشریچت عگلی الیّه
...
ابو طبع الذکی ینذکر ونسه
او علّمنی ادروس اهوای ونسه
ابوی الچان بالدیوان ونسه
جفه او بس الصور تذکاره الیّه
...
تجافیهم خطاء الشافک ولمّاک
الوکت بوجودهم ضمّک ولمّاک
حط عینک علی ابیّک ولمّاک
الکرم واجب تری اطفالک ربیّه
...
ابوی او امّی اواسیهم لمرهم
وابکل حال اضل طایع لمرهم
ابنداره او زدت حالیهم لمرهم
او شفت مرهم عسل ذوق ابشفیّه
...
الزمن ما یسمح ابرجعه الک ونهاک
او عاق الوالدین الهمک ونهاک
ابوک الگمر و امک شمس ونهاک
بالک لا تمسهم بالاذیّه
...
الترک امّه و ابوه یبتلی بالوان
او یتکرر علیه ما سده بالوان
الیخدمهم سعاده او فرح بالوان
الیگص ابشجرته ما ثخن فیّه
...
ابکبر سنّی او ذکرت ابعز ندامای
احب اوفی ولا احمل ندامای
العباده ابغیر طاعتهم ندامای
ندء و ابروج ماله تاثریّه
...
امّک عمر بارتّک و برهه
ابمشاکل لا تچردسهه وبرهه
برتّک ذمّه عادلهه وبرهه
ابحنان او شوگ واسیهه الزچیّه
...
نظام الأب شجر مثمر وسر بیه
او کلامه بالفکر فسره وسر بیه
اقبل حکم تعبیره و سر بیه
طبیب اجروح و ایحل کل بلیّه
...
ابدار العجز حاجزهم ولا بای
احس ابخطاء مو منکم ولا بای
مو بس بالکلام امّی ولابای
الاساس اتزور و اتقدّم التحیّه
...
یعمری سامحینی الگلب ونسه
او صوتچ امّنانی او الی ونسه
تسع تشهر ربیت اویاچ ونسه
اشلون انساچ وانتی الروح الیّه
...
فگد الابو ینهی الزار بالدار
او کلامه حِکَم بیهه اسرار بالدار
الوکت من بعده بیّه احتار بالدار
او وز گوم التضدنه اتعیل بیّه
...
جاسم ثعلبی (الحسّانی) 30/01/1400
:: برچسب‌ها:
ابوذیّات للاباء و الامهات ,
:: بازدید از این مطلب : 2131
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
