ابوذیّات حب للممات
القلم و إلدفتر و فکری وقاری
درست إعلوم من دهری وقاری
نسونی احبابی و أشعاری وقاری
الذّی یتطوّر ابزی نایی الیّه
...
أنا إچّندوب أخیط إفتوگ وبرای
استحی إمن اعیونی اطوف الخطاء وبرای
اذا کل خمسه ربع إبکتر وبرای
إبشتات إشلون تنحل کل قضیّه
...
أحباب إلذبّوا أعلیّه بلاهم
أضل لوحیدتی عایش بلاهم
أسد درب إلعسر منهم بلاهم
ولا ألوم إلفتن و إلبث أذیّه
...
أخیط إجروح گلبی إبخیط وبره
و أغسله إمن إلهموم إلعبث وبره
عفیف او ما یغث کل بشر وبره
إلتشوفه العین ما ینحمد زیّه
...
حرت من إلهموم إلجفن و جّن
أو چوانین الدهر بحشای وجّن
وحق إلخالق إلأنسان وجّن
قطار أو أحمل إهموم إلبریّه
...
ترکت إلحب وأرد مندوم ونسه
لأن ذکره یشافی إلگلب ونسه
إلتحبّه ما تلومه ابعتب ونسه
یجی بإلذکریات ایغث بلیّه
...
الحلو بحزانی خربصنی ولمنی
زعل منّی إلخذه عگلی ولمنی
راح أو رد علی ولفی ولمنی
یعاتبنی أو صفن وإلحق إلیّه
...
ما صح لی إخو فاهم وشرّه
عجز جسمی من إلحاسد وشرّه
ارید أغسل الم گلبی وشرّه
یظل بس إلأودّه إیلبسه إلیّه
...
إویاک إشعاری ما فادت وندوای
إلأسف محد یطفّینی وندوای
مریض او مبتلی ابحالی وندوای
دوای إلمرنی و إلینشد علیّه
...
غرگ گلبی إبسحینه إو فتر یمّای
ینایط طین غاطس وعر یمّای
ارقدت روحی إبعذاب إو قهر یمّای
إندعیلی إلباقی عمری ایسر علیّه
...
إبصبر و إمصبّر إجروحی بلامای
إحتصر گلبی إو شلت همّی بلامای
زمانی إبمندلی ذبنی بلامای
ولا کهرباء او دربه اصعب علیّه
...
تعب وإفراگ تابعنی من إلعای
ملّوا هلی او جیرانی من إلعای
یریت أجعل گلب بدلی من إلعای
هلبت ما یلوع إبکل اذیّه
...
کل عاقل إله صوته ورانه
عندی رأی مو رأیی ورانه
مدام إلطائفّیّه إتجر ورانه
هذا ضیمنه إو های إلأذیّه
...
ما أگول إبعزم ولفی وحییت
أتلگّه إلبیه فخر حافی وحییت
زرعت إهمومی بشعاری وحییت
إو صبح زرع الزرعته ایدلّی بیّه
...
أهم بهموم ربعی من هم ألهم
وأشیلن کل حملهم من هم ألهم
عذاب إلعدهم أدری من هم ألهم
لون واعین چا زادوا علیّه
...
جاسم ثعلبی الحسّانی 26/06/1400
:: برچسب‌ها:
ابوذیّات حب للممات ,
:: بازدید از این مطلب : 1644
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
