ابوذیّات الهات
هات یا گلبی من الحسرات هات
منتظر ولفک الی حد الممات
...
یا حبیبی ریت اشوفک ماتمر
عسل خدّک یروی گلبی ماتمر
الروح فدوه اطلبت حقک ماتمر
ابشیلتک و ادیارنه راحت شتات
...
الروح البجسمک حبیبی ماهلک
والّی طاع اهواه گلبه ماهلک
قسمتی ویّاک نامت ماهلک
اقسم انتظرک تجی وکت الممات
...
ابنار داوی و ابغیابک مایرا
گلبی حبّک غیرک انت مایرا
امن اذکر اسمک نفسی یگفل مایرا
اعیونی ما یغفن علیک امعلّمات
...
من هویتک گلبی غیرک مایعد
ابدون ذکرک یوم عیده مایعد
واعدتنی اخلاف وعدک مایعد
لان انت الروح اله او انت الحیات
...
یا حبیبی اخلافک انا اتمرمریت
الغیر گلبک چلمه وحده ما شچیت
وینک الحگ لی ترانی اتعذّبیت
لا تخلینه نظل ابهل شتات
...
انت تفرک لی دلیلی من تروح
انت بس تهدم ابحیلی من تروح
انت بحلامی او تجیلی من تروح
حقی اسمّیک ابو اعیون الساهرات
...
یا طبیبی تشفی مرضی شوفتک
اشگد لذیذه عسل حالی شوفتک
انت حبّک عم علیّه شوفتک
دمّرتنی او جوز من های الصفات
...
ولعریضی السد دربنه لا تهم
عایش ابگلبی حبیبی لا تهم
لیش تزعل انا یمّک لاتهم
انطر اصبر للایّام الجایّات
...
انت ورده او رابیه ابضی او دلال
ما اغثّک بس احس عندی سئوال
ما تجینی او شوفتک بس بالخیال
لا تعذّر ما تهمنه السیطرات
...
فکر ما ظل لی من ضیمی ولاهم
سکرت ابلذّت الامی ولاهم
الزمان احبابی من گلبی ولاهم
شوف حضی الما اله دایم ثبات
...
اذکر ایّامک حبیبی من صبی
انت گوتی او لایهمنی منصبی
روحی انت او لا تفکّر منصبی
لا تغشّک حچی العاب الفاتنات
...
مایک خضر ماینشرب موجنّه
بحرک سنابل من تهب موجنّه
گلبک جهنم ملتهب موجنّه
بس لا یهمّک هذا شعب المعجزات
...
جاسم ثعلبی الحسّانی 19/06/1400
:: برچسب‌ها:
ابوذیّات الهات ,
:: بازدید از این مطلب : 1231
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
