ا هناه دنیانه ظلمه او عا لگین اشموع
یلگاعد تحت ضل الشمس دافـــــی
الجو بارد او غیمه صابغ الوجنــــات
اهلال العزه ساهر بلگلب غافــــی
***
نجمتنه طفت من زارها الحرمان
عین او عین متشوف الیباریهه
ما یاجد طبیب ایطیب العمیان
اذا ابنهه العجید ایطم معانیهه
***
شمسنه مو شمس مفگاسه للصـــــیاد
ترمی ابدان و اتهدّم مضایف خیـــــر
لو شع نورها و اتوسد المیــــــــدان
تدگ برماحها و السیف و الشمشیر
***
ما ترحم الدنیا و الگلب شب نـــــار
جمیع الاروقه مسدوده بلتنـــــــور
مدینتنه عروس او تکرم الخـــطار
الزمان الهدم اسوار السفر بلـزور
***
اهناه الشجره عطشانه او ترید المــای
نخلنه یابس او ما طرد خطـــــــــاره
الشط اینوح ما ضل دمع وسط العین
ولا اتاذه من معشوق لـــــــو زاره
***
اهناه اگلوب عطشانه اعلی ساقی المای
تلهث بل براری او ما کو تچّــــــــایه
لا ضل بحر لا شط لا جبل لا بیــــــــر
شربتّه الحوته او هل نشف مایـــــــه
***
اهناه اطفال ترجف و البرد زعـــــلان
الشمس لبدت حدر کتر الوفر بلــدار
الشمال الیذکر اسباع القدت للموت
ابجهاد احفادنه بلفاله و لمــــــــگوار
***
اکتب یا زمن ملّیت من طـــــاریک
گلبت اکتاب هجرک لیلی و ایّامی
ولک کفنی بعد شترید من الروح
عمیت العین و اتزامطنی بحلامـی
***
1-غافی = نایم
2-مفگاسه = اله للصید
3-شمشیر = معنی السیف فی اللغه الفارسیه
4-الزور = القدره الفائقه
5= الفاله و المگوار = الفاله اله لصید الاسماک
و المگوار العصاء القصیره
تذکره لحرب اهلنا مع الانجلیز فی منطقه ما بین
مدینة الا هواز و الهویزه و یسموها حـــــــــــــــرب
الجهاد و مقبرة الجهاد توجد فیها قبور المستشهدین
و لها علم خاص اخضر اللون و مکتوب علیــــــــه
لا اله الا الله محمد رســــــــــــــــــــــــــــول الله.
جاسم محمد الجبیره الحسانی الساری
22/07/1391
:: برچسب‌ها:
آخر ونه ,
:: بازدید از این مطلب : 1971
|
امتیاز مطلب : 6
|
تعداد امتیازدهندگان : 2
|
مجموع امتیاز : 2
عضو شوید
عضویت سریع
آمار مطالب
آمار بازدید
